Комилжон Тўхтаев: «Менга билдирилган ишонч учун барчага раҳмат!»

Бугун Пекин қишки спорт турлари бўйича дунёнинг энг кучли атлетларини жамлади. Улар орасида Ўзбекистон вакили Комилжон Тўхтаев ҳам бор.

Ўзининг иккинчи Олимпиадасида иштирок этиш учун Чин ўлкасига етиб борган Комилжон дастлабки таассуротлари билан ўртоқлашди. Ўз навбатида спортчимиз, уни қўллаб-қувватлаб турган барча ҳамюртларимизга ва Президентимизга миннатдорчилик билдирди.

«Қўллаб-қувватлаётганингиз учун раҳмат. Кайфиятлар аъло. Олимпиадада иштирок этишга ва ўзимнинг энг яхши натижамни кўрсатишга тайёрман», — деди спортчи.

Манба: olympic.uz