Баҳодир Жалоловнинг навбатдаги жанг санаси ва рақиби маълум бўлди

Олимпиада ва жаҳон чемпиони Баҳодир Жалолов навбатдаги жангини қачон ва кимга қарши ўтказиши аниқ бўлди.

«Probellium» промоутерлик компанияси матбуот хизматининг хабар беришича, боксчимиз 18 март куни Дубайда польшалик Камил Соколовскига қарши рингга кўтарилади.

Маълумот учун, Соколовски шу кунгача проф боксда 38 та жанг ўтказган ва уларнинг 11 тасида ғалаба қозонган (4 та нокаут). 25 та жангда мағлуб бўлган (3 та нокаут) ва 2 маротаба дуранг қайд этган.

Баҳодир эса проф боксда 9 та жанг ўтказиб, уларнинг барчасида рақибларини нокаут эвазига мағлуб этган.