Тошкент шаҳрининг Юнусобод, Олмазор ва Шайхонтоҳур туманлари ҳамда Тошкент туманидаги айрим истеъмолчилар 27 июнь куни маълум вақт давомида электр энергиясиз қолди. “Ҳудудий электр тармоқлари” ахборотига кўра, соат 14:23 да Тошкент шаҳрида “Л-ДОК-1” ва “Л-ДОК-2” юқори кучланишли ҳаво электр узатиш тармоғида носозлик юзага келган.
Ўзбекистонда жазирама иссиқ сабаб поездлар ҳаракат тезлигига чекловлар ўрнатилади. Бу ҳақда «Ўзтемирйўлйўловчи» матбуот хизмати хабар берди.
«Ўзгидромет» бугун, 27 июнь Ўзбекистон бўйлаб кузатиладиган об-ҳаво ҳақида хабар берди. Унга кўра Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди.
Мамлакатимизда 2017 йилдан сўз ва фикр эркинлиги соҳасида бошлаган ижобий ўзгаришларга кейинги йилларда путур етгандек бўлди. Бунга мисол сифатида “Чегара билмас мухбирлар” халқаро ташкилотининг матбуот эркинлиги рейтингида Ўзбекистон 11 поғонага пастлаб, 148-ўринга тушганлигини келтириш мумкин.
Бутун дунёда интернетда ҳақоратлар ва таҳдидлар тобора ўсиб бораётгани сир эмас. Нафрат, ғазаб, ёмон ниятлилик ижтимоий таромқларда одатий ҳолга айланиб қолган.
Ижтимоий тармоқларда метрополитеннинг ер усти йўналишидаги ҳаракат таркибларида совитиш тизими ишламаётгани ҳақида хабарлар жойланмоқда. Ҳолат юзасидан “Тошкент метрополитени” ДУК расмий муносабат билдирди.
Тошкент шаҳри Янгиҳаёт туманида ноқонуний муомаладан мусодара қилинган 2 тонна 158,4 кг дан зиёд гиёҳвандлик воситалари ёқиш йўли билан йўқ қилинди. Бу ҳақда Ўзбекистон Божхона қўмитаси хабар берди.
Олий Мажлис Қонунчилик палатасининг навбатдаги мажлисида депутатлар ижтимоий хизмат ва ёрдам кўрсатиш тизимини такомиллаштиришга қаратилган қонун лойиҳасини иккинчи ўқишда кўриб чиқиб, қабул қилди. Мазкур қонун лойиҳаси билан бир қатор қонунларга ўзгалар парваришига муҳтож бўлган ёлғиз яшовчи, ёлғиз кекса ҳамда ногиронлиги бўлган шахсларнинг ижтимоий ҳимоясини кучайтириш, хотин-қизлар ва болаларнинг қонуний манфаатларини ҳимоя қилишга қаратилган ўзгартириш ва қўшимчалар киритилмоқда.
Ўзбекистонда 2024/2025 ўқув йилида олий ва профессионал таълим муассасаларига қабул қилиш бўйича тест синовларида иштирок этиш учун 894 279 нафар абитуриент рўйхатдан ўтди. Бу ҳақда Билимни баҳолаш агентлиги хабар берди.
Ўзбекистон Республикаси Президенти ҳузуридаги Ижтимоий ҳимоя миллий агентлигида Бирлашган Миллатлар Ташкилотининг Болалар жамғармасининг (ЮНИCЕФ) Ўзбекистондаги ваколатхонаси раҳбари Регина Мария Кастилло билан учрашув бўлиб ўтди. Учрашувда ЮНИCЕФ ва Агентлик ўртасидаги жорий ва истиқболдаги ҳамкорлик лойиҳалари муҳокама қилинди.
Бугун, 26 июнь куни Хитой Халқ Республикасининг Урумчи шаҳрида саккизинчи “Хитой-Евроосиё” халқаро кўргазмасининг очилиш маросими бўлиб ўтди. Бу ҳақда Ўзбекистон Бош вазири матбуот котиби хабар қилди.
Янги таҳрирдаги Конституциямизнинг 2 моддасида Давлат халқ иродасини ифода этиб, унинг манфаатларига хизмат қилади Давлат органлари ва мансабдор шахслар жамият ва фуқаролар олдида масъулдирлар; 7 моддасида Халқ давлат ҳокимиятининг бирдан-бир манбаидир; 13-моддасида Ўзбекистон Республикасида демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа ажралмас ҳуқуқлари олий қадрият ҳисобланади. деб белгиланган Бу нормаларни Конституция даражасига кўтарилганлиги жамиятимизда инсон ҳуқуқ ва эркинликлари ҳамма нарсадан устун эканлигидан далолатдир!
Ўзбекистон Республикаси Президентининг Фармони Мамлакатимизда сўз ва матбуот эркинлигини ривожлантириш, халқимизнинг ахборот соҳасидаги конституциявий ҳуқуқларини таъминлаш, давлат ва жамият бошқарувида очиқлик ва ошкоралик тамойилларини мустаҳкамлаш, демократик ислоҳотларни амалга ошириш йўлида фаоллик кўрсатиб келаётгани, глобал ахборот майдонида миллий манфаатларимизни ҳимоя қилиш, юртимиздаги янгиланиш жараёнларини ёритиш, эришилаётган ютуқларни кенг тарғиб этишдаги катта хизматлари, замонавий медиа тармоқлари учун юқори малакали кадрларни тайёрлаш, ёш авлодни Ватанга муҳаббат ва садоқат, миллий ва умуминсоний қадриятлар руҳида тарбиялаш борасидаги самарали фаолияти ҳамда ижтимоий ҳаётдаги фаол иштироки учун қуйидагилар мукофотлансин: «Меҳнат шуҳрати» ордени билан Тайпатов Абдижалол Гаппарович — Ўзбекистон Миллий ахборот агентлигининг ҳудудий ахборот таҳририяти бош муҳаррири Темиров Собиржон Ғуламович — Бешариқ тумани «Бешариқ тонги» газетаси бош муҳаррири, Фарғона вилояти «Дўстлик» ордени билан Абдусаматова Мукаддас Салиховна — Ўзбекистон Журналистлар уюшмаси ва Ёзувчилар уюшмаси аъзоси, публицист Бекназарова Саодат Узбековна — «Овози тожик» газетаси катта мухбири Джураева Дилфуза Джангировна — Ўзбекистон Журналистлар уюшмаси аъзоси, публицист, Сурхондарё вилояти Кляцкий Григорий Николаевич — «Ишонч-Доверие» газетаси бўлим муҳаррири Левченко Сергей Владимирович — «Народное слово» газетаси бўлим муҳаррири Нугманов Равшан Якубджанович — Ўзбекистон Миллий телерадиокомпаниясининг Тошкент радиоэшиттириш уйи овоз ёзиш хизмати режиссёри Очилов Қудрат Менглиевич — «Бир сафда» журнали масъул котиби Палуанова Мнайим Пирназаровна — «Nukus-Sayahat» масъулияти чекланган жамиятининг «Жаслар-ТВ» телеканали ва «Нукус-ФМ» радиоси директори, Қорақалпоғистон Республикаси Содиков Икром Мамадалиевич — Ўзбекистон Миллий телерадиокомпаниясининг Наманган вилояти телерадиокомпанияси директори ўринбосари Тохиров Халимжон Тургунович — «Андижоннома» ва «Андижанская правда» газеталари таҳририятининг «Andijonnoma.uz» интернет нашри муҳаррири Хакимов Талип Адилович — Нурафшон шаҳри «Машъал» газетаси бош муҳаррири, Тошкент вилояти II даражали «Соғлом авлод учун» ордени билан Боймирзаева Саодат Ураковна — Ўзбекистон Республикаси Оила ва хотин-қизлар қўмитасининг матбуот котиби Муминов Файзулло Абдуллаевич — Ўзбекистон журналистика ва оммавий коммуникациялар университетининг жамоатчилик билан алоқалар кафедраси профессори Хасанова Захро Тулкуновна — «Гулхан» журнали бош муҳаррири «Соғлом турмуш» медали билан Имомхўжаев Зафар Ахбарович — Ўзбекистон Миллий олимпия қўмитаси раисининг ахборот сиёсати масалалари бўйича маслаҳатчиси – матбуот котиби «Келажак бунёдкори» медали билан Абдурахимов Муслимбек Фозил ўғли — «Zo‘r TV» телеканалининг «Bu kun» информацион дастури раҳбари «Шуҳрат» медали билан Абдукадиров Дилшод Ахмеджанович — «Kun.uz» интернет нашри бош муҳаррири Абдурахманова Феруза Абдуганиевна — «Mening yurtim» телеканали бошловчиси Абидов Азиз Агзамович — Ўзбекистон Республикаси Олий судининг Жамоатчилик билан ҳамкорлик маркази бошлиғи – матбуот котиби Алимухамедов Туйгун Вахабович — «Ўзбекистон кўзи ожизлар босмахонаси» давлат унитар корхонаси муқоваловчиси Базаров Бахриддин Хайдарович — «Akademnashr NMM» масъулияти чекланган жамияти бош рассоми Байтураева Гулжамал Оринбасаровна — «Нурлы жол» газетаси бўлим мудири Вохидова Нозима Рахимовна — Ўзбекистон Миллий телерадиокомпаниясининг «Madaniyat va ma’rifat telekanali» давлат муассасаси кино-видеомаҳсулотлар ва тезкор дубляж муҳарририяти катта муҳаррири Гулямова Дилфуза Иззатовна — «Янги Ўзбекистон» ва «Правда Востока» газеталари таҳририятининг Навоий вилояти бўйича махсус мухбири Джамалов Кахрамон Джумаевич — Ўзбекистон Миллий телерадиокомпаниясининг «O‘zbekiston 24» телеканали муҳаррирлар гуруҳи бош муҳаррири Джумабоева Рахима Мустафаевна — Ўзбекистон Миллий телерадиокомпаниясининг Сирдарё вилояти телерадиокомпанияси телевидение гуруҳи катта муҳаррири Зокирова Турсунтош Нормуродовна — Ўзбекистон Миллий телерадиокомпаниясининг Жиззах вилояти телерадиокомпанияси радио гуруҳи мухбири Иноятова Назира Сайпуллаевна — «Авторадио» радиоси дастурлар бўйича директори ва эфир бошловчиси Кличбаев Абатбай Реимбаевич — Алишер Навоий номидаги Ўзбекистон Миллий кутубхонасининг қўлёзмалар, ноёб ва алоҳида қийматга эга нашрлар хизмати раҳбари Матчанова Интизор Жумабоевна — Ўзбекистон Миллий телерадиокомпаниясининг «O‘zbekiston 24» телеканали Хоразм вилояти бўйича мухбири Муротова Муслима Камолидиновна — Ўзбекистон Миллий телерадиокомпаниясининг «O‘zbekiston» радиоканали режиссёрлар гуруҳи сухандони Ниязов Норбек Рамазанович — Ўзбекистон Миллий телерадиокомпаниясининг «O‘zbekiston 24» телеканали янгиликлар муҳарририяти бош муҳаррири Пирнафасова Муҳайё Рустамовна — «Жадид» газетаси адабий муҳаррири Саидов Шеродил Худайбердиевич — «Шарқ» нашриёт-матбаа акциядорлик компаниясининг чоп этиш цехи устаси Сулайманова Алия Исмаиловна — «Darakchi.uz» интернет нашри бош муҳаррири Сулаймонов Шодмон Султонович — «Бухоронома» ва «Бухарский вестник» газеталари таҳририяти бош муҳаррири, Бухоро вилояти Шамсиддинов Ёлқин Хакимович — Ўзбекистон Республикаси Президентининг Матбуот хизмати ҳузуридаги Медиа-маркази етакчи мутахассиси Эшонқулов Замон Асрорович — Ўзбекистон Миллий телерадиокомпаниясининг Самарқанд вилояти телерадиокомпанияси телевидение гуруҳи махсус мухбири Юсупов Аҳмад Менгнимуратович — «Daryo.uz» интернет нашри бош муҳаррири
Ўзбекистон Республикаси Олий Мажлиси Қонунчилик палатасининг навбатдаги мажлисида «Давлат божи тўғрисида»ги Ўзбекистон Республикаси Қонунининг 11-моддасига қўшимча киритиш ҳақидаги қонун лойиҳаси биринчи ўқишда кўриб чиқилди. Қонун лойиҳаси етим ва ота-она қарамоғидан маҳрум бўлган болаларни давлат томонидан турар-жой билан таъминлашда мазкур кўчмас мулкларни уларнинг номига расмийлаштириш бўйича нотариал ҳаракатларни амалга ошириш жараёнида давлат божини тўлашдан озод қилишни назарда тутади.
Ўзбекистон Республикаси Президенти Шавкат Мирзиёев 25 июнь куни амалий ташриф билан мамлакатимизда бўлиб турган Россия Федерацияси ички ишлар вазири Владимир Колокольцевни қабул қилди. Суҳбат аввалида давлатимиз раҳбари яқинда Доғистонда содир этилган террорчилик хуружи оқибатида ҳалок бўлган ҳуқуқни муҳофаза қилиш идоралари ходимларининг оила аъзоларига ҳамдардлик ва далда сўзларини билдирди.
“Мактабгача ва мактаб таълими ташкилотлари ходимларини узлуксиз касбий ривожлантириш тизимини такомиллаштириш бўйича қўшимча чора-тадбирлар тўғрисида”ги Президент Қарори (ПҚ-231-сон, 21.06.2024 й.) қабул қилинди. Бу Қарорга кўра, Авлоний номидаги педагогларни касбий ривожлантириш ва янги методикаларга ўргатиш миллий-тадқиқот институти негизида А.Авлоний номидаги педагогик маҳорат миллий институти (Институт) ҳамда унинг Қорақалпоғистон Республикаси ва вилоятларда педагогик маҳорат марказлари ташкил этилади.
Президент Шавкат Мирзиёев 25 июнь куни маҳаллалар ободлигини таъминлаш бўйича таклифлар тақдимоти билан танишди. Мамлакатимизда барча дастурлар маҳаллаларда амалга оширилмоқда.
Ўзбекистон президенти Саида Мирзиёева Қозоғистоннинг Ўзбекистондаги элчиси Бейбут Атамқулов билан учрашув ўтказди. Мулоқот давомида икки давлат ўртасидаги маданий ва тарихий алоқаларни мустаҳкамлаш имкониятлари муҳокама қилинди. “Халқларимизни бир-бирига яқинлаштириш йўлидаги саъй-ҳаракатларимизни янада кучайтириш чораларини кўришга келишиб олдик”, — деб ёзади Ўзбекистон президенти ёрдамчиси.
Маълумки, бугунги кунда озиқ-овқат маҳсулотлари хавфсизлиги ва соғлом овқатланишни таъминлаш ҳамда аҳолининг барча қатламлари соғлом ва фаол ҳаёт кечириши учун табиий, молиявий ва моддий ресурслардан фойдаланишнинг самарали иқтисодий ва экологик бошқарув тизимларини жорий қилиш жуда муҳим ва долзарб масаладир. Айниқса, мактабларда озиқ-овқат маҳсулотлари хавфсизлиги ва соғлом овқатланишни таъминлаш ўсиб келаётган ёшлар келажаги учун мустаҳкам пойдевор бўлиб хизмат қилади.
Хитойнинг Урумчи шаҳрида 26–30 июнь кунлари ЭКСПО “Хитой-Евросиё” саккизинчи халқаро кўргазмаси бўлиб ўтади. Бу ҳақда бош вазир матбуот котиби хабар берди.
Қонунчилик палатаси депутатлари чет эл фуқаролари ва фуқаролиги бўлмаган шахсларнинг Ўзбекистонда бўлишини номақбул деб топиш асослари ва тартибини белгиловчи қонун лойиҳасини учинчи ўқишда қабул қилди. Қонун лойиҳаси бир гуруҳ депутатлар томонидан қонунчилик ташаббуси асосида ишлаб чиқилган.
Президент Халқ қабулхонаси бошчилигидаги вазирлик-идоралар масъулларидан иборат Республика ишчи гуруҳининг Қорақалпоғистондаги фаолияти давомида мурожаатлар таҳлили асосида тизимли масалалар аниқланиб, ҳал қилиняпти. Бу борада ишсиз, ижтимоий ҳимояга муҳтож мурожаатчилар бандлигини таъминлаш, даромадларини ошириш, шу билан бирга, маҳаллаларда маънавий-маърифий тарғибот тадбирлари қамровини кенгайтиришга алоҳида эътибор қаратиляпти.
Санкт-Петербургнинг Невский туманида қурилиш-монтаж ишлари пайтида ўзбекистонлик қурувчи 10 метр баландликдан қулаб. Бу ҳақда «Neva Today» хабар берди.
Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси ҳисобидан ўзбек тили ва адабиёт фанидан миллий сертификат имтиҳонларида юқори балл (даража) олган ёшларга имтиҳон топшириш харажатлари 2025 йил 1 январдан бошлаб қоплаб берилиши режалаштирилмоқда. Вазирлар Маҳкамасининг “Ўзбек тили ва адабиёт фани бўйича миллий сертификат имтиҳонида юқори балл (даража) тўплаган ёшларга имтиҳон топшириш харажатларини тўлиқ қоплаб бериш тартибини жорий этиш тўғрисида”ги қарори лойиҳаси эълон қилинди.
Ўзбекистон Республикаси Президенти Шавкат Мирзиёевнинг таклифига биноан мамлакатимизда давлат ташрифи билан бўлиб турган Мўғулистон Президенти Ухнаагийн Хурэлсух 25 июнь куни Хоразм вилоятига жўнаб кетди. Бу ҳақда ЎзА хабар қилди.
Спортнинг велоспорт-шоссе тури бўйича катталар ( эркаклар ва аёллар) ўртасида Ўзбекистон чемпионати ўтказилиши муносабати билан жорий йилнинг 25-26 июн кунлари соат 08:00 дан 14:00 га қадар 4Р12 «Бектемир-Чорбоғ қ.» автомобиль йўлининг 34 ва 54 километрлари оралиғида (Чирчиқ шаҳрига киришда жойлашган платина яқини старт, Ғазалкент шаҳрига кириш қисми финиш) транспорт воситалари ҳаракати чекланади. Бўстонлиқ туманига ташриф буюрувчи фуқоролардан Чирчиқ шаҳри орқали ҳаракатланиш тавсия этилади.
Россиянинг «Толибон ҳаракати»га муносабати ўзгаргани, унинг таъқиқланган террорчи ташкилотлар миллий реестридан чиқарилгани ҳақидаги хабарлар оқимига қараганда, яқин келажакда толибон ҳукумати сиёсий тан олиниши кутилмоқда. Толибон ҳукуматининг тан олинишини Ислом амирлигига қўшни давлатлар Россия Федерацияси ва Хитой билан биргаликда мувофиқлаштириши мумкин.
Жорий йил 17 – 21–июнь кунлари Хитойнинг Сиан шаҳрида ўтказилган “C5+1 Хитой-Марказий Осиё фуқаро авиацияси конференция”си давомида Ўзбекистон ва Хитой авиация ҳукуматлари ўртасида Ҳаво қатнови тўғрисидаги икки томонлама ҳукуматлараро битимга ўзгартиришлар киритиш, икки давлат ўртасида амалга оширилаётган авиақатновлар сонини кескин ошириш, янги ҳаво йўлакларини очиш масалалари муҳокама қилинди. Олиб борилган музокаралар натижасига кўра икки давлат авиация маъмуриятлари ўртасида тегишли ҳужжат имзоланди ва қуйидаги келишувларга эришилди: — Ўзбекистон ва Хитой ўртасида мунтазам парвозларни амалга ошириш ҳуқуқига эга бўлган авиакомпаниялар сони 2 баробарга оширилди; — Ўзбекистон авиакомпаниялари учун Ўзбекистоннинг барча аэропортларидан Хитой ҳудудига мунтазам парвозларни амалга ошириш мумкин бўлган шаҳарлар сони 12 тага етказилди; — Хитой томонидан тайинланган авиакомпанияларга Хитойнинг исталган шаҳарларидан Ўзбекистоннинг барча вилоятларидаги халқаро аеропортларга мунтазам авиақатновларни амалга ошириш ҳуқуқи берилди; — Тайинланган авиакомпанияларга икки давлат ўртасидаги мунтазам авиақатновлар сонини ҳар бир томондан ҳафтасига амалдаги 15 тадан янги келишув бўйича 50 тага ошириш, яъни икки мамлакат ўртасидаги ҳафталик мунтазам йўловчи авиақатновлари сонини жами 100 тага етказиш ҳуқуқи берилди; — Ҳар икки томоннинг тайинланган авиакомпанияларига Ўзбекистон ва Хитой ҳудудидаги барча манзиллар орқали учинчи давлатларга ҳафтасига 21 та авиақатнов билан юк парвозларини амалга ошириш учун 5-ҳаво эркинлиги ҳуқуқи берилди; — Хитой томонидан тайинланган авиакомпанияларга Ўзбекистон ҳудудида Самарқанд ва Нукус, Ўзбекистон томонидан тайинланган авиакомпанияларга эса Хитой ҳудудида Сиан ва Ченгду халқаро аеропортлари орқали учинчи давлатларга ҳар бир йўналишда ҳафтасига 7 та қатнов билан йўловчи парвозларни амалга ошириш учун 5-ҳаво эркинлиги ҳуқуқи берилди; — Шунингдек, Ўзбекистон томонидан тайинланган авиакомпаниялар учун Хитойнинг денгиз бўйида жойлашган туристик Хайкоу, Саня ҳамда Тсюнхай халқаро аеропортларида жорий қилинган “Махсус очиқ осмон” режимидан фойдаланиш ва 5-ҳаво эркинлигида парвозларни амалга ошириш ҳуқуқи қўлга киритилди.
Гендер стратегияси доирасида гендер тенглик тушунчаси жамият ҳаёти ва фаолиятининг барча соҳаларида, шу жумладан сиёсат, иқтисодиёт, ҳуқуқ, маданият, таълим, илм-фан, спорт муносабатларида хотин-қизлар ва эркакларнинг ҳуқуқ ҳамда имкониятларининг тенглигини англатади. Тарихга назар соладиган бўлсак, асрлар давомида аёлларимиз шу даражада хўрланиб, ҳақ ҳуқуқлари паймол бўлганки, уларга нисбатан ҳаттоки ўзининг мулки сифатида қарашган.
Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш мақсадида эртага Тошкентнинг иккита туманида “свет” вақтинча ўчирилади. Бу ҳақда “Тошкент шаҳар электр тармоқлари” МЧЖ матбуот хизмати хабар берди.