Президент Халқ қабулхоналари томонидан ҳудудларда аҳоли бандлигини таъминлаш, уларнинг даромад манбайини шакллантириш ва шу асосда турмуш фаровонлигини таъминлашга қаратилган “Мурожаатдан — даромадга” лойиҳаси амалга оширилмоқда. “Бир бўлсак – ягона халқмиз, бирлашсак – Ватанмиз!” шиори остида Сурхондарё вилояти Денов шаҳрида ташкил этилган лойиҳанинг навбатдаги босқичи ҳам ушбу эзгу ниятларга қаратилди.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси реклама қонунчилиги юзасидан барча давлат ва нодавлат телеканалларга кўрсатма хати юборганини эълон қилди. Қайд этилишича, сўнгги вақтларда оммавий ахборот воситалари (хусусан, телеканаллар) орқали рекламаларни тарқатишда (жойлаштиришда) қонунчилик талаблари бузилиши ҳолатлари кўзга ташланмоқда.
Ўзбекистонда бир ойлик ҳарбий хизмат тўлови меҳнатга ҳақ тўлашнинг энг кам миқдоридан келиб чиқиб белгиланади. Кузда мазкур миқдор оширилиши ҳисобига тўлов нархи ҳам ошади.
1 октябрдан бошлаб давлат хизматлари учун солиқлар, йиғимлар, божлар, жарималар ва тўловлар миқдорини аниқлашда ишлатиладиган БҲМ 340 минг сўмдан 375 минг сўмга ошади. Унга кўра, 1 октябрдан бошлаб йўл ҳаракати қоидаларини бузганлик учун жарималар қуйидагича белгиланади: • Техник кўрик, «аптечка» — 187,5 минг сўм (айни вақтда 170 минг сўм); • Хавфсизлик камарини тақмаслик — 187,5 минг сўм (айни вақтда 170 минг сўм); • Ҳужжатсиз юриш — 375 минг сўм (айни вақтда 340 минг сўм); • Суғуртасиз ҳайдаш — 750 минг сўм (айни вақтда 680 минг сўм); • «Қизил» дан ўтиш — 750 минг сўм (айни вақтда 680 минг сўм); • Нотўғри «парковка» — 750 минг сўм (айни вақтда 680 минг сўм); • Телефонда гаплашиш — 1 млн 225 минг сўм (айни вақтда 1,2 млн сўм); • Рақамсиз ҳайдаш — 1 млн 875 минг сўм (айни вақтда 1 млн 700 минг сўм); • Тезликни ошириш (20 км/с) — 375 минг сўм (айни вақтда 340 минг сўм); • Тезликни ошириш (20-40 км/с) — 1 млн 875 минг сўм (айни вақтда 1 млн 700 минг сўм); • Тезликни ошириш (+40 км/с) — 3 млн 375 минг сўм (айни вақтда 3 млн 60 минг сўм); • Қарама-қарши ҳаракатланиш — 3 млн 750 минг сўм (айни вақтда 3 млн 400 сўм); • Маст ҳолда ҳайдаш — 9 млн 375 минг сўм ёки 3 йилгача ҳайдовчилик гувоҳномасидан маҳрум қилиш (айни вақтда 8 млн 500 минг сўм); • Мастлик текширувидан бош тортиш — 5 млн 625 минг сўм ёки 3 йилгача ҳайдовчилик гувоҳномасидан маҳрум қилиш (айни вақтда 5 млн 100 минг сўм); • Рухсатсиз «тонировка» — 9 млн 375 минг сўм (айни вақтда 8 млн 500 минг сўм); • «Тонировка»дан бир йилда такроран рухсатсиз фойдаланиш — 15 млн сўм (айни вақтда 13 млн 600 минг сўм).
2024 йилнинг 15 июлидан 15 август санасигача Тўқимачи бекатида модернизация ишлари олиб борилиши муносабати билан Тошкент-Марказий вокзалидан ҳаракатланадиган йўловчи поездлар Тошкент Жанубий вокзалидан ҳаракатланиши ҳақида хабар берилган эди. “Ўзбекистон темир йўллари» АЖ хабарига кўра, 16 август санасидан «Тошкент-Марказий» вокзали ўз фаолиятини бошлайди.
Ҳудудларда ноқонуний алкоголь ва тамаки маҳсулотларини муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
6 август куни Қонунчилик палатасининг навбатдаги мажлисида камбағалликни қисқартириш ва бандлик вазири Беҳзод Мусаев 2024 йилда олий ўқув юртлари битирувчиларини ишга жойлаштириш бўйича ахборот берди. Вазирнинг сўзларига кўра, ўтган ўқув йилини тугатган 214 минг нафар битирувчининг тўлиқ рўйхати Олий таълим, фан ва инновациялар вазирлигидан олинган ва бандликка оид маълумотлар базаси билан солиштирилган.
Бухоро вилоятига қилинган ташриф натижадорлигини ошириш, муқобил энергия манбаларини жорий этиш ҳамда саноат корхоналари учун жозибадор шароитларни яратиш чора-тадбирлари юзасидан видеоселектор йиғилиши бошланади. Бу ҳақда Президент матбуот хизмати хабар берди.
Асака туманида яшовчи аёл турмуш ўртоғи билан ўзаро жанжаллашиб, жанжал устида Шаҳрихон сойга ўзини ташлади. Маълум қилинишича, Асака туманида яшовчи, 3 фарзанднинг онаси, 1994 йилда туғилган аёл турмуш ўртоғи билан жанжаллашиб, жаҳл устида Шаҳрихон сойга ўзини ташлаб юборган.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти экспертлари “Марказий Осиё цивилизациясини ўрганамиз” турпакетининг концепциясини ишлаб чиқди. Марказий Осиё цивилизацияси тараққиётида Сурхондарё вилоятининг аҳамияти жуда катта.
Шаҳрисабздаги “Лочин” оромгоҳида “Ёшлар келажак бунёдкорлари” III халқаро қурултойи доирасида ёшларнинг ижтимоий-иқтисодий фаоллигини кучайтириш, уларни туризм соҳасига кенг жалб этиш, туризм соҳасидаги истиқболли ғоялари ва лойиҳаларини амалга ошириш мақсадида “Енг яхши туризм лойиҳаси” танлови бўлиб ўтди. Унда 18 ёшдан 30 ёшгача бўлган иштирокчилар Республика миқёсида туризм соҳасини ривожлантириш, ёш саёҳатчилар сонини кўпайтиришга эришиш, инвестицияларни жалб қилиш, туризм салоҳиятини кенгайтириш бўйича ўз таклиф ва лойиҳаларини намойиш этишди.
Республика перинатал марказида чақалоқларнинг соғлом туғилиши учун барча зарур шарт-шароит ҳозирланиб, кесарча усулида, асоратсиз туғуруқ амалиёти натижасида 1622 граммлик бир нафар ўғил, 1330, 1510 ва 1370 граммлик уч нафар қиз чақалоқ дунёга келди. Бу ҳақда ССВ матбуот хизмати хабар бермоқда.
Ўзбекистон мусулмонлари идораси ўрта махсус ислом таълим муассасасининг узвий давоми сифатида кўрилаётган Имом Термизий номидаги ислом институти Адлия вазирлигида давлат рўйхатидан ўтказилганини маълум қилди. Қайд этиш керакки, Шавкат Мирзиёевнинг 2019 йилда Сурхондарё вилоятига ташрифи давомида берган топшириқлари ижроси юзасидан Термиз шаҳрида 2020/2021 ўқув йилидан ўрта махсус ислом таълим муассасаси ташкил этилган бўлиб, 2023/2024 ўқув йилида илк битирувчилар мазкур таълим муассасасини тамомлади.
Тошкент шаҳрининг учта туманида электр энергияси вақтинчалик узилади. Бу ҳақда «Тошкент шаҳар электр тармоқлари» матбуот хизмати хабар берди.
Ўзбекистоннинг Россиядаги элчихонаси ходимлари вазиятга аниқлиқ киритиш мақсадида 2024 йил 8 августда Россия ИИВнинг Москва вилояти Одинтсова шаҳар округидаги бўлимида бўлишди. Учрашув давомида, ҳақиқатда, полиция бўлимида 15 нафар Ўзбекистон фуқароси борлиги аниқланди.
Жорий йилнинг 10-24-август кунлари бутун Ўзбекистон бўйлаб Футзал бўйича Жаҳон чемпионати кубоги тақдимоти –“Trophy tour” тадбири бўлиб ўтади. Мамлакатимизнинг барча ҳудудлари бўйлаб ўтказиладиган мазкур тадбирлар давомида ишқибозлар Жаҳон чемпионатининг бош соврини билан суратга тушишлари, кўнгилочар дастурларда иштирок этишлари ҳамда ҳамкорлар томонидан тақдим этиладиган эсдалик совғаларга эга бўлишлари мумкин.
Joriy yilning 10-24-avgust kunlari butun Oʻzbekiston boʻylab Futzal boʻyicha Jahon chempionati kubogi taqdimoti – “Trophy tour” tadbiri boʻlib oʻtadi. Mamlakatimizning barcha hududlari boʻylab oʻtkaziladigan mazkur tadbirlar davomida ishqibozlar Jahon chempionatining bosh sovrini bilan suratga tushishlari, koʻngilochar dasturlarda ishtirok etishlari hamda hamkorlar tomonidan taqdim etiladigan esdalik sovgʻalarga ega boʻlishlari mumkin.
Оммавий ахборот воситалари вакиллари билан учрашувда Ўзбекистон Республикаси Президенти Шавкат Мирзиёев ва Қозоғистон Республикаси Президенти Қасим-Жомарт Тоқаев бўлиб ўтган музокаралар якунларига изоҳ бердилар. Ўзбекистон раҳбари биргаликдаги тизимли ва амалий саъй-ҳаракатлар туфайли Ўзбекистон-Қозоғистон ҳамкорлигини иттифоқчилик муносабатларидек энг юқори босқичга олиб чиқишга эришилганини катта мамнуният билан қайд этди.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2024-йилнинг июль ойида Тошкент шаҳрида уй-жойлар учун ижара нархлари таҳлил қилинди. Июль ойида Тошкент шаҳрида ўртача таъмирланган хонадонлар учун ижара нархлари пасайишда давом этган бўлса, тўлиқ таъмирланган хонадонлар учун ижара нархларининг бироз ошиши кузатилди.
Самарқандга бориб, Экология вазирлиги тасарруфидаги «Омонқўтон» миллий табиат боғида бир неча туп дарахт ва ўсимликларга зарар етказилди, дея хабар берди Экология вазирлиги матбуот хизмати раҳбари Лола Раҳмонбоева. «Маҳаллий мутахассислардан ҳолатга изоҳ сўраганимда, Миллий боғ ҳудудига ноқонуний кирилгани, бир нечта дарахт ва ўсимликларга жиддий шикаст етказилганини айтишди», дейди у ўзининг ижтимоий тармоқдаги саҳифасида.
Давлатимиз раҳбари топшириғига асосан Республика ишчи гуруҳи ўз фаолиятини Фарғона вилоятида давом эттирмоқда. Президент масалаҳатчиси ўринбосари Қаҳрамон Сариев бошчилигидаги гуруҳ Қўқон шаҳрининг 19 та маҳалласида аҳоли муаммолари ва ижтимоий-иқтисодий масалаларни ўрганиш ва ҳал этиш, бандликни таъминлаш, камбағалликни қисқартириш ҳамда “маҳалла еттилиги” фаолиятини самарали ташкил этиш юзасидан амалий ишлар олиб бормоқда.
Ўзбекистон элчиси Каромиддин Гадоев Малайзиянинг «MARA Corporation Sdn Bhd» корпорацияси директорлар кенгаши раиси Муҳаммад Рафи бин Шаҳзада билан учрашди, деб хабар қилмоқда «Дунё» АА. Мулоқот аввалида «MARA Corporation» корпорациясининг шуъба корхоналари ва унинг бизнес тузилмалари тўғрисида батафсил тақдимот ўтказилди.
Тошкент халқаро аеропорти учиш залининг “steril” ҳудуди яна 2000 квадрат метрга кенгайтирилди. Бу ҳақда «Uzbekistan Airpots» хабар қилди.
Ўзгидромет хабарига кўра, бугун кундузи республика бўйича ёғингарчилик кутилмайди. Шамол 7-12 м/с тезликда эсади, шимолда ва чўл ҳудудларда 13-18 м/с гача кучайиши, айрим жойларда чанг-тўзонлар билан кузатилиши мумкин.
Макроиқтисодий ва ҳудудий тадқиқотлар институти (МҲТИ) директори и.ф.д. Умид Обидхўжаев Ўзбекистон-Қозоғистон Экспертлар кенгашининг биринчи йиғилишида иштирок этди.
Бугун, 7 август куни Тошкент шаҳрининг Чилонзор туманида иккита автомашина иштирокида йўл-транспорт ҳодисаси юз берди. Бу ҳақда Тошкент шаҳар ИИББ ЙҲХБ ахборот хизмати хабар берди.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси Қорақалпоғистондаги 7 та туман ҳокимликлари ҳужжатларида рақобат қонунчилиги талабларига зид ҳолатларни аниқлади. Маълум қилинишича, Қорақалпоғистон Рақобат қўмитаси томонидан 2024 йилнинг биринчи ярим йиллиги давомида 11 та туман ҳокимликларида “Рақобат тўғрисида”ги қонун талаблари юзасидан жами 15 мингдан ортиқ норматив-ҳуқуқий ва бошқа турдаги ҳужжатлар юзасидан ўрганишлар олиб борилди.
Олий таълим вазирлиги 2024/2025 ўқув йили учун давлат олий таълим муассасалари магистратурасига қабул бўйича топширилган аризалар кўриб чиқилганини маълум қилди. Унга кўра, кўп мурожаатлар турли (танланган мутахассислик битирувчининг таълим йўналиши бўйича мос ёки турдош эмаслиги, сўралган ҳужжат ўрнига бошқа ҳужжат юкланган ёки тўлиқ юкланмаган, юкланган ҳужжатлар сифатсизлиги ва бошқа) сабабларга кўра рад этилган.
Ўзбекистон Республикаси Олий Мажлиси Қонунчилик палатасининг навбатдаги мажлисида «Экологик экспертиза ва атроф-муҳитга таъсирни баҳолаш тўғрисида»ги қонун лойиҳаси биринчи ўқишда муҳокама қилинди. Бу ҳақда Қонунчилик палатаси матбуот хизмати хабар берди.
Жорий йилнинг 14-сентабр 6-октабр кунлари мамлакатимизда илк бор нуфузли мусобақа – футзал бўйича Жаҳон чемпионати баҳсларига мезбонлик қилади. Бугун, 6-август куни Ўзбекистон футбол ассоциацияси биносида Жаҳон чемпионатини юқори даражада ўтказиш бўйича амалага оширилаётган ишлар юзасида мас’уллар иштирокида оммавий ахборот воситалари ва кенг жамоатчилик вакиллари учун матбуот анжумани ўтказилди.