Сурхондарёда «Тўпаланг» сув омбори сувидан фойдаланган ҳолда аҳолини сифатли ва узлуксиз ичимлик суви билан таъминлашга қаратилган 287 миллион долларлик “Тўпаланг мега лойиҳаси” босқичма-босқич амалга оширилмоқда. Лойиҳа доирасида бугунги кунга қадар 320 километр сув тармоғи тортилиб, 10 та сув сақлаш ҳовузи ҳамда босимни сўндириш иншооти фойдаланишга топширилди.
Ўзбекистон терма жамоаси теннисчиси Камилла Раҳимова «Уимблдон-2026» нуфузли Катта дубулға турнирининг асосий тўрида ғалаба билан старт олди. Лондоннинг ўтлоқ кортларида кечган биринчи босқич ўйинида Раҳимова иродали характер кўрсатиб, кескин курашда Украина вакили Ангелина Калининанинг қаршилигини синдирди.
Ўзбекистон Республикаси Мустақиллигининг 35 йиллиги муносабати билан реконструкция қилинган Тўрткўл вокзалининг очилиш маросими бўлиб ўтди. 2001 йилда қурилган Тўрткўл вокзали 2026 йилда тўлиқ реконструкция қилиниб, йўловчиларга хизмат кўрсатиш сифати ва қулайлигини оширишга қаратилган замонавий шароитлар яратилди.
Ўзбекистон Президенти Шавкат Мирзиёев Ўзбекистон ва Ҳиндистон ўртасидаги муносабатлар янги сифат босқичига — ҳар томонлама стратегик шериклик даражасига кўтарилганини таъкидлади. Ҳиндистон Бош вазири Нарендра Моди билан ўтказилган музокаралар якунида давлат раҳбари бўлиб ўтган мулоқотлар икки мамлакат ўртасидаги юқори даражадаги ўзаро ишонч, ҳурмат ва дўстликни намойиш этганини қайд этди.
Google ва хариталар хизмати АҚШ ҳудудидаги фойдаланувчилар учун Онтарио кўли номини «Америка кўли» (Lake America) сифатида акс эттира бошлади. Компания географик номланишдаги ушбу ўзгаришни фойдаланувчининг жойлашувига боғлиқ локализация билан изоҳлади.
Ўзбекистон Президенти Шавкат Мирзиёев 31 август – 1 сентябрь кунлари амалий ташриф билан Бишкек шаҳрида бўлади. Қирғизистон Президенти Садир Жапаровнинг таклифига биноан Ўзбекистон раҳбари Шанхай ҳамкорлик ташкилоти Давлат бошлиқлари кенгашининг мажлисида ва «ШҲТ плюс» форматидаги учрашувда иштирок этади.
31 август куни Ўзбекистонда асосан қуруқ об-ҳаво кузатилади. «Ўзгидромет» маълумотларига кўра, аксарият ҳудудларда кам булутли, айрим жойларда ўзгарувчан булутли об-ҳаво бўлади.
Ўзбекистон Президенти Шавкат Мирзиёев ва Ҳиндистон Бош вазири Нарендра Моди ўртасидаги олий даражадаги музокаралар якунлари бўйича икки томонлама муҳим ҳужжатларни имзолаш маросими бўлиб ўтди. Имзоланган битим ва келишувлар сиёсий-дипломатик ҳамкорликдан тортиб, савдо, инвестициялар, транспорт ҳамда маданий-гуманитар соҳаларгача бўлган кенг йўналишларни қамраб олди.
Ташхис ва даволаш ускуналари, реанимобиль, шунингдек, травматология ускуналари тўпламлари Ўзбекистон Республикаси Мудофаа вазирлигининг ҳарбий госпиталларига топширилди. Бу ҳақда «Дунё» ахборот агентлиги хабар берди.
АҚШнинг Орегон штати ҳамда Вашингтон ва Ситак шаҳарлари маъмуриятлари 2026 йил 1 сентябрни ўз ҳудудларида Ўзбекистон Мустақиллик куни деб расман эълон қилди. Тегишли қарорлар Ўзбекистон давлат мустақиллигининг 35 йиллиги арафасида қабул қилинди.
Шунингдек, транспорт вазири Илҳом Маҳкамов ва Гонконгнинг «Бир макон, бир йўл» офиси раҳбари Николас Хо Лик-Чи ҳаво қатнови тўғрисидаги келишув ҳамда Ўзбекистон ва Гонконг ўртасида тўғридан-тўғри мунтазам авиарейсларни йўлга қўйиш масалаларини муҳокама қилди. Учрашув якунида томонлар истиқболли қўшма лойиҳалар устида ишлашни давом эттириш ва ҳамкорликни янада ривожлантиришга келишиб олди.
«Кўксарой» қароргоҳида Ҳиндистон Республикаси Бош вазири Нарендра Модига Ўзбекистон Республикасининг «Олий Даражали Дўстлик» орденини топшириш маросими бўлиб ўтди. Ўзбекистон Президенти Шавкат Мирзиёев Нарендра Модининг Ҳиндистонни ривожлантириш, унинг халқаро нуфузини мустаҳкамлаш, шунингдек, икки мамлакат халқлари ўртасидаги анъанавий дўстона алоқаларни ривожлантиришга қўшган салмоқли ҳиссасини таъкидлади.
«Кўксарой» қароргоҳида Ўзбекистонга давлат ташрифи билан келган Ҳиндистон Республикаси Бош вазири Нарендра Модини тантанали кутиб олиш маросими бўлиб ўтди. Олий мартабали меҳмонни Ўзбекистон Республикаси Президенти Шавкат Мирзиёев кутиб олди.
Нигер пойтахти Ниамейда 29 август куни эрталаб ҳарбий тўнтаришга уриниш юз берди. Махсус ҳарбий бўлинмалар аэропорт ва президент саройи ҳудудини эгаллашга ҳаракат қилган.
Ўзбекистонда туризм соҳасида фаолият юритаётган тадбиркорларни қўллаб-қувватлашга қаратилган янги чора-тадбирлар пакети жорий этилди. Тегишли қоидалар Президентнинг тадбиркорлар билан VI очиқ мулоқоти якунлари бўйича 27 август куни имзоланган ПФ-175-сонли Фармонида белгиланди.
Янги Тошкентда барпо этилган фаввора бир йўла икки йўналишда жаҳон рекордини қайд этди. Фаввора баландлиги ҳамда сув экранининг айлана проекцияси майдони бўйича Guinness World Records китобига киритилди.
Минск шаҳрида Беларусь мудофаа вазири, генерал-лейтенант Виктор Хрениннинг Ўзбекистоннинг Беларусдаги элчиси Нуриддин Мамажонов билан учрашуви бўлиб ўтди. Учрашувда томонлар ҳарбий соҳадаги икки томонлама ҳамкорликни ривожлантириш ҳамда келгусидаги ҳамкорлик масалаларини муҳокама қилди.
Ўзбекистон терма жамоаси Таиландда ўтказилаётган трек велоспорти бўйича Осиё кубогидаги иштирокини муваффақиятли бошлади. Мусобақанинг биринчи кунида спортчиларимиз икки та олтин медальни қўлга киритди.
Ўзбекистон жаҳон билан савдо алоқаларини тобора фаоллаштирмоқда. Мамлакат 200 дан ортиқ давлат билан савдо муносабатларини йўлга қўйган.
Ўзбекистон терма жамоаси 23–25 август кунлари Тошкентда ўтказилган III Очиқ Марказий Осиё енгил атлетика чемпионатида медаллар жадвалида биринчи ўринни эгаллади. Мусобақада тўққиз мамлакатдан 294 нафар спортчи иштирок этди.
Ҳиндистон Республикаси Бош вазири Нарендра Моди Ўзбекистон Республикаси Президенти Шавкат Мирзиёев ҳамроҳлигида Тошкентдаги «Янги Ўзбекистон» боғига ташриф буюрди. Ташриф доирасида олий мартабали меҳмон Мустақиллик монументига анъанавий тарзда гул қўйди.
1 сентябрдан бошлаб тегишли QR-кодли ҳужжатсиз автомобилларга газ-баллон ускуналарини ўрнатишга рухсат берилмайди. Шунингдек, зарур рухсатномасиз газ ускуналарини ўрнатганлик учун, жумладан, жарима шаклида жавобгарлик белгиланган.
АҚШда Ўзбекистон миллий тўлов тизимларига тегишли HUMO ва UZCARD банк карталарига тўғридан-тўғри пул ўтказиш имконини берувчи янги рақамли сервис ишга туширилди. Янги сервис Нью-Йоркда Ўзбекистонлик тадбиркорлар Хусрав Маҳмудов ва Акмал Абдуллаев томонидан ташкил этилган uPay.net финтех платформаси негизида ишга туширилди.
Валияҳд шаҳзода Хокон отаси, Харальд V вафотидан сўнг Норвегиянинг янги қироли бўлди. 53 ёшли монарх Хокон VIII номини қабул қилиши кутилмоқда.
Миллий статистика қўмитаси маълумотларига кўра, 2026 йил январь–июль ойларида жами 166 893 нафар Ўзбекистон фуқаролари туристик мақсадларда Туркияга сафар қилган. Бу кўрсаткич ўтган йилнинг мос даврига нисбатан 25,1 минг нафарга ёки 17,7 фоизга ошган.
Август ойининг сўнгги кунларида Ўзбекистоннинг аксарият ҳудудларида мўътадил иссиқ ва асосан қуруқ об-ҳаво сақланиб қолади. Кундузи ҳаво ҳарорати 33–38 даража атрофида бўлади.
Сиэтл шаҳри мэри Кэти Б. Уилсон 2026 йил 1 сентябрни шаҳарда «Ўзбекистон Мустақиллиги куни» деб расман эълон қилди.
28 август куни Тошкентдаги Шаҳидлар хотираси хиёбонида қатағон қурбонларини ёд этиш маросими бўлиб ўтди. Унда Президент Шавкат Мирзиёев, давлат ва жамоат ташкилотлари вакиллари, уламолар, нуронийлар ҳамда зиёлилар иштирок этди.
Ўзбекистон Марказий банки Мустақилликнинг 35 йиллиги муносабати билан учта тангадан иборат махсус тўпламни муомалага чиқарди. Тангаларда Мустақиллик монументи, Тошкент шаҳридаги Ислом цивилизацияси маркази ва «35» рақами тасвирланган.
УЛАН-БАТОР, Мўғулистон — 2026 йил 27 август. БМТнинг Озиқ-овқат ва қишлоқ хўжалиги ташкилоти (FAO) БМТнинг Чўлланишга қарши курашиш тўғрисидаги конвенцияси Томонлар конференциясининг 17-сессияси (UNCCD COP17) доирасида ўтказилган параллел тадбирда Ўзбекистоннинг барқарор қишлоқ хўжалигини ривожлантириш, тупроқ унумдорлигини тиклаш ва ландшафтларни комплекс бошқариш борасидаги тажрибасини тақдим этди.