Жорий йилнинг 22-23-май кунлари Тошкентда Бутунжаҳон антидопинг агентлиги (WАDА)нинг Осиё ва Океания мамлакатлари спорт вазирликларининг 19-ҳукуматлараро йиғилиши бўлиб ўтади. 34 мамлакатдан делегатлар қатнашадиган ушбу нуфузли тадбирга WАDА Президенти Витолд Банка ва бошқа кўплаб фахрий меҳмонлар ташриф буюради.
Россиянинг Хабаровск шаҳрида бокс бўйича “Константин Коротков хотира турнири”нинг финал жанглари ташкил этилди. Унда эркаклар ўртасидаги энг оғир вазн тоифасида ҳал қилувчи беллашув ҳамюртларимиз Баҳодир Жалолов ва Лазизбек Мулложонов ўртасида кечди.
Моҳигул Ҳамдамова делегациямиз ҳисобига навбатдаги кумуш медални қўшиб қўйди! Пара енгил атлетика бўйича Японияда давом этаётган Жаҳон чемпионатининг иккинчи куни ҳам муваффақиятли бошланди.
Тошкентда давом этаётган стол тенниси бўйича Париж-2024 лицензион турнирида гуруҳ босқичи баҳслари ортда қолди. Қувонарлиси, унда иштирок этаётган Ўзбекистон эркаклар терма жамоаси аъзолари Зоҳид Кенжаев ҳамда Шоҳруҳ Искандаров чорак финал босқичига йўл олишди.
Жорий йилнинг 17-май куни Фарғона шаҳридаги “Само” спорт мажмуасида спортнинг Анъанавий Таэквондо ITF тури бўйича ЕвроОсиё ёшлар очиқ кубоги мусобақасига старт берилди. Ушбу мусобақанинг тантанали очилиш маросимида Ўзбекистон Республикаси Спорт вазири маслаҳатчис Шариф Фузаилович ҳамда Ўзбекистон анъанавий таеквон-до федерацияси раиси Ғайрат Тошкентбоэвичлар иштирок этишди.
АҚШ Давлат котибининг фуқаролик хавфсизлиги, демократия ва инсон ҳуқуқлари бўйича ўринбосари Узра Зея 19—23 май кунлари Остона ва Тошкентга амалий ташриф билан боради, деб хабар бермоқда Подробно.уз нашри. Саёҳатдан мақсад демократик бошқарув, қонун устуворлиги, инсон ҳуқуқлари ва аҳолининг ижтимоий ҳимояга муҳтож қатламларини ҳимоя қилиш, шунингдек, диний эътиқод эркинлиги масалаларини муҳокама қилишдан иборат.
Малайзия Бош вазири Анвар Иброҳим Самарқанд билан танишувни буюк муҳаддис Имом Бухорий мажмуаси зиёрати билан бошлади. Олий мартабали меҳмонга Президент Шавкат Мирзиёев ташаббуси билан мазкур иншоотда амалга оширилаётган улкан бунёдкорлик ишлари ҳақида маълумот берилди.
Владимир Зеленский Франция президенти Эммануэль Макроннинг Олимпия ўйинларида сулҳ тузиш ҳақидаги чақириғини рад этди. Аввалроқ Макрон 2024 йилда Парижда бўлиб ўтадиган Олимпиада ўйинлари вақтида барча мавжуд можароларда ўт очишни тўхтатишга эришиш ниятида эканини айтганди.
Россиянинг Хабаровск шаҳри мезбонлик қилаётган бокс бўйича “Константин Коротков хотира турнири”да бугун финал жанглари бўлиб ўтади. Кун давомида 16 нафар боксчимиз олтин медал учун рингга кўтарилади.
Бутунжаҳон бокс иттифоқи (WBC) май ойи учун янгиланган рейтингни эълон қилди. Ушбу рўйхатдан 8 нафар боксчимиз ўрин олди: Супероғир вазн: Баҳодир Жалолов ўтгaн ойдаги каби 12-ўринда қолган; Суперўрта вазн тоифаси (76,2 кг): Бектемир Мелиқўзиев бир поғона юқорилади ва 13-ўринга жойлашди; Яримўрта вазн (66,6 кг): Шаҳрам Ғиёсов ўтган ойдаги каби, 11-ўрин; Жаҳонгир Расуловнинг ўрни ҳам ўзгаришсиз қолди - 33-ўрин; Биринчи ярименгил вазн (55,3 кг): Муроджон Аҳмадалиев 4-ўринда қолди; Миразизбек Мирзахалилов бир поғонага пастлаб, 28-ўринни банд этди; Енгил вазн (50,82 кг): Олимжон Назаров 1 поғона пастлаб, 32-ўринга жойлашди; Биринчи ўта енгил вазн (47,6 кг): Ҳасанбой Дўсматов ўтган ойдаги сингaри - 6-ўрин.
Бухоро нефтни қайта ишлаш заводи 2025 йил бошидан Аи-80 бензинини ишлаб чиқаришни тўлиқ тўхтата бошлайди. Бу ҳақда ”Ўзбекнефтгаз“ АЖ бошқаруви раисининг қайта ишлаш бўйича ўринбосари Одил Темиров 14 май куни Тошкентда ўтказилган Энергетика ҳафталиги доирасида Gazeta.uz’га маълум қилди.
Давлат ва хусусий секторда ярим миллион нафардан ортиқ пенсионер ишламоқда. Бу ҳақда Камбағалликни қисқартириш ва бандлик вазирлиги маълум қилди.
Жазони ижро этиш муассасаларининг ходимлари маҳкумларга нисбатан инсоний муомалада бўлиши шарт. Айни дамда бўлиб ўтаётган Сенатнинг эллик иккинчи ялпи мажлисида "Ўзбекистон Республикасининг Жиноят-ижроия кодексига маҳкумларнинг ҳуқуқлари ва қонуний манфаатларини таъминлашга қаратилган ўзгартириш ва қўшимчалар киритиш тўғрисида"ги Қонун муҳокама қилинди.
Қорақалпоғистон, Хоразм, Самарқанд, Қашқадарё, Бухоро ва Тошкент вилоятларидаги айрим ҳудудлар электр таъминотидан вақтинчалик узилди. Энергетика вазирлиги хабарига кўра, соат 10:00 ҳолати бўйича мамлакат бўйлаб юз бераётган кучли ёмғир ва шамол натижасида 6-10 кВли 190 та фидер 274 МВт қувват билан авариявий ўчиқ қолмоқда.
Экология вазирлиги Тошкент шаҳрида ҳаво ифлосланиши юзасидан расмий изоҳ берди. Қайд этилишича, баҳор ва ёз ойларида эса, асосан, ҳаво иссиқ ва қуруқ бўлган кунларда, кўп ҳолатларда минтақага чўлланиш ва қурғоқчилик таъсирида табиий чанг кириб келиши оқибатида ифлослантирувчи моддалар концентрацияси ошиши кузатилади.
Кадастр агентлиги сўконғич раҳбар юзасидан маълумот бериб, унга "ҳайфсан" берилганини маълум қилди. Аввалроқ, ижтимоий тармоқларда Фарғона вилояти кадастр бошқармаси бошлиғи Нодир Машрапов ходимлари билан ўтказган йиғилишда куракда турмайдиган сўзлар билан ҳақорат қилгани акс этган видео тарқалди.
Яқин 2 ой давомида Тошкент шаҳридаги барча ёруғлик диодли (LED) экранлардаги ташқи реклама объектларининг ёруғлик даражаси меъёрга келтирилади. Бу ҳақда шаҳар ҳокимлиги ҳузуридаги Рақамли ривожланиш департаменти Ташқи реклама лойиҳа офиси раҳбари Алихон Аҳмаджонов маълум қилди.
Қозоғистон президенти Қосим-Жомарт Токаев аҳоли миграцияси ва жазо тизимига оид қонунчиликка ўзгартиришларни маъқуллади. Асосий тузатишлар қуйидагилардан иборат: Жиноят-ижроия тизими муассасалари, тергов изоляторлари, вақтинча сақлаш ҳибсхоналаридаги видеокузатув тизимларига зарар етказганлик учун жиноий жавобгарлик белгиланди.
Эвроосиёда логистика тезлашмоқда. Қитъада янги йўналишлар пайдо бўлди, улар орқали Россия ва Марказий Осиёдан Форс кўрфази ва Жануби-Шарқий Осиё мамлакатларига юклар олиб борилмоқда.
У аввал ўлим жазосига ҳам ҳукм қилинганди. Шунингдек, унинг жиноятдаги алоқадори бўлган Навоийдаги автосалон директори Ниёз Ибодов ҳам қамалди.
Face ID ёрдамида онлайн хизматларни кўрсатиш имконияти янада кенгайтирилди. Президент Фармонига (ПФ-37-сон, 21.02.2024 й.) мувофиқ, Адлия вазирлиги томонидан Персоналлаштириш агентлигининг маълумотлар базасида жисмоний шахсни унинг юз қиёфасидан (Face ID) идентификация қилиш тизими жорий этилди.
Исроилдан Тошкентга келган эркак меҳмонхонада маст ҳолда баланд овозда мусиқа қўйиб, меҳмонхонага пешоб қилган. 2024 йил май ойининг 16 куни жиноят ишлари бўйича Чилонзор туман судида меҳмонхонада тартиб бузган исроиллик фуқарога жазо тайинланди.
Бугун Россиянинг Хабаровск шаҳрида бўлиб ўтаётган “Константин Коротков” халқаро Хотира турнирининг эркаклар ўртасидаги ярим финал жанглари бўлиб ўтди. Қувонарлиси, финал олди баҳсларида иштирок этган вакилларимизнинг барчаси ғалабага эришди ва финалга йўл олдилар.
Ўзбекистон товар-хом ашё биржаси avtoraqam.uzex.uz тизими орқали сотилаётган автомобиль рақамлари ҳақида маълумот берди. Қайд этилишича, Ўзбекистон республика товар-хом ашё биржасининг avtoraqam.uzex.uz савдо тизимида 212,2 млрд сўмлик 52,6 мингдан зиёд авторақамлар шаффоф онлайн-аукционлар орқали сотилди.
Россия ва Қозоғистон ўртасида ўзаро келишувга кўра, Қозоғистон чегара ва ички ишлар тизимида янги тизим жорий этилган. Ташқи меҳнат миграцияси агентлиги мурожаат билан чиқди.
Фуқарога нисбатан иккита модда билан маъмурий жавобгарлик тўғрисида баённомалар тузилди. Фарғона вилоятининг Ўзбекистон туманида 45-мактаб ўқувчиларидан бирининг отасига инспектор-психолог қўнғироқ қилиб, ўқувчининг ўқув машғулотларига бориш зарурлиги ҳақида профилактик суҳбат ўтказди, деб хабар берди Миллий гвардия вилоят бошқармаси Матбуот хизмати. Бироқ суҳбат чоғида боланинг отаси фарзанди таълим муассасасига бормаслигини ва бу борада ҳеч ким ҳеч нарса қила олмаслигини айтган.
Ўзбекистон Республикаси Президенти Шавкат Мирзиёев ва Малайзия Бош вазири Анвар Иброҳим икки мамлакат расмий делегациялари иштирокида музокара ўтказдилар. Учрашув аввалида Малайзия Ҳукумати раҳбари Президентимизга Малайзия Подшоҳи Султон Иброҳимнинг самимий саломи ва энг эзгу тилакларини етказиб, делегациясига кўрсатилаётган илиқ ва самимий қабул учун чин дилдан миннатдорлик билдирди.
Фарғона вилоятида фарзандини мактабга жўнатмаган ота 10 суткага қамалди. Бу ҳақда Фарғона вилояти Миллий гвардия бошқармасининг ахборот хизмати хабар берди.
Ўзбекистон Республикаси Президенти Шавкат Мирзиёевнинг таклифига биноан Малайзия Бош вазири Анвар Иброҳим 17-19 май кунлари расмий ташриф билан мамлакатимизда бўлади. Бу ҳақда Бош вазир матбуот хизмати хабар берди.
15 май куни Тошкентда 31-Жаҳон матбуот эркинлиги куни муносабати билан “Фуқароларнинг экологик ҳуқуқларини тарғиб қилиш ва ҳимоя қилишда оммавий ахборот воситалари ҳамда журналистларнинг ўрни” мавзусида давра суҳбати ташкил этилди. Бу ҳақда Экология вазирлиги ахборот хизмати хабар берди.