Оғир атлетикачиларимиз Анталияга жўнаб кетди

Оғир атлетика бўйича Ўзбекистон терма жамоаси Париж — 2024 ёзги Олимпия ўйинларига тайёргарликнинг сўнгги босқичини олиб бориш учун халқаро ўқув-машғулот йиғинига жўнаб кетди.

Терма жамоамизнинг ушбу йиғини Туркиянинг Анталия шаҳрида ўтади.

Режага кўра, йиғин 5-августга қадар давом этади. Шундан сўнг спортчиларимиз Анталядан тўғри Парижга йўл олишади. Туркия йиғинига 6 нафар спортчи жалб қилинган.

Эслатиб ўтамиз, оғир атлетикачиларимиздан Акбар Жўраев, Ригина Адашбаева ва Турсуной Жабборова Париж — 2024 йўлланмаларига эга чиқишган эди. Мазкур спорт туридаги баҳслар 7-11-август кунлари бўлиб ўтади.