Париж Олимпиадасига сотилган чипталар сони рекорд даражага етди

Париждаги ёзги Олимпия ўйинлари учун чипталар рекорд 8,6 миллионта сотилган.

Аввалги рекорд 1996 йилда Атлантадаги ўйинларда ўрнатилганди (8,3 миллион чипта).

Ташкилотчилар сотилган чипталарнинг умумий сони 10 миллионга етишини башорат қилмоқдалар.

Париж Олимпиадаси учун чипталар сотуви 2023-йилнинг 15-февралида бошланган. Жами 10 миллион чипта сотувга чиқарилди, уларнинг 80 фоизи махсус чипта платформаси орқали оммавий сотувга чиқарилади. Ўртача чипта нархи 100 еврони ташкил қилади.