АҚШнинг Олимпиададаги байроқдори машҳур спортчи бўлади

НБА юлдузи ва икки карра Олимпиада чемпиони Леброн Жеймс Париждаги ўйинларнинг очилиш маросимида АҚШ терма жамоасининг икки байроқдорларидан бири бўлади.

Бу ҳақда АҚШ Олимпия ва Паралимпия қўмитаси сайтида маълум қилинди. Иккинчи байроқдор аёл спортчи бўлади ва унинг исми сешанба куни эълон қилинади.

Олимпиаданинг тантанали очилиш маросими 26 июль куни Сена дарёсида бўлиб ўтади.