Фаластин исроилликларнинг Олимпиадада қатнашишини истамайди

Фаластин Миллий Олимпия қўмитаси Халқаро олимпия қўмитаси (ХОҚ) президенти Томас Бахга исроиллик спортчиларни тақиқлашни сўраб хат ёзди.

Фаластин томони Исроилнинг Ғазо секторидаги ҳарбий ҳаракатларини Олимпия сулҳини бузиш, деб ҳисоблайди.

Мактубда айниқса Ғазодаги фаластинлик спортчиларнинг мамлакатни хавфсиз тарк эта олмагани ва давом этаётган можаро туфайли жиддий зарар кўргани таъкидланади.

Мактубда айтилишича, 400 га яқин фаластинлик спортчи ҳалок бўлган, спорт иншоотларининг вайрон бўлиши аллақачон қаттиқ чекловлар остида қолган спортчиларнинг аҳволини янада қийинлаштирмоқда.