Икки карра Олимпия чемпиони ХОҚ сессиясига ташриф буюрмади

Таяниб сакраш бўйича икки карра Олимпия чемпиони Елена Исинбаева Халқаро Олимпия қўмитасининг (ХОҚ) сессиясига келмади.

Бу ҳақда ХОҚ корпоратив коммуникациялар ва жамоатчилик билан алоқалар бўйича директори Кристиан Клауэ маълум қилди.

Шунингдек, ХОҚнинг 142-сессиясида Япония Олимпия қўмитаси раиси Ясухиро Ямашита ҳам иштирок этмади.

Клауэ уларнинг йўқлиги сабабларини айтмади.

Исинбаева 2016 йилда ХОҚ аъзоси бўлди, у спортчилар комиссиясига қўшилди. Унинг ваколатлари Париждаги Олимпиада тугаганидан кейин ўз якунига етади.