Париж-2024. Руминиялик спортчи дисквалификацияга учради

Узунликка сакраш бўйича руминиялик спортчи Флорентина Юшко антидопинг қоидаларини бузгани учун дисквалификация қилинди ва Париждаги Олимпиадада қатнашмайди.

Бу ҳақда Жаҳон антидопинг агентлиги (WАDА) хабар берди.

2023 йил апрель ойида Юшконинг қонида тақиқланган фуросемид топилган. Бироқ Руминия антидопинг агентлиги қоидабузарликда унинг жиддий айби йўқ деган қарорга келди.

Унга фақат танбеҳ берилди — WАDА бу қарорга қарши чиқди ва охир-оқибат икки йиллик дисквалификация тайинлади.

Жазо муддати 2024-йил 1-февралдан бошланади.