Исроиллик спортчиларнинг хавфсизлиги кучайтирилади

Исроил разведка хизматлари Теҳронда Хамас Сиёсий бюроси раҳбари Исмоил Ҳания ва Байрутда Ҳизбуллоҳнинг юқори мартабали раҳбари Фуад Шукр ўлдирилганидан кейин Париждаги Олимпия ўйинларида мамлакат спортчилари хавфсизлигини кучайтиради, деб хабар бермоқда Исроилнинг Ynet портали.

Исроил разведкаси вакиллари Исроил делегацияси аъзолари қасос олиш нишонига айланиб қолишидан қўрқишган.

Олимпиаданинг дастлабки кунлариданоқ Исроил разведка хизматлари ва Франция махсус кучлари антисемитизм кайфияти туфайли Исроил термасини яқиндан қўриқлаб келмоқда. Хамас ва Ҳизбуллоҳ етакчилари ўлдирилишидан олдин ҳам исроиллик спортчилар ижтимоий тармоқларда нафрат билан таҳдидлар остида қолаётгани хабар қилинган эди.