Тошкентда тўртта машина иштирокида ЙТҲ юз берди

Тошкент шаҳри Мирзо Улуғбек туманида 3 та «Cobalt» ва «Onix» иштирокида тўқнашув юз берди. Бу ҳақда пойтахт ИИББ ЙҲХБ ахборот хизмати хабар берди.

Қайд этилишича, 31 январь куни соат 23:20 ларда Мирзо Улуғбек тумани Мустақиллик ва Оққўрғон кўчалари кесишган чорраҳада 4 та автомашина иштирокида ЙТҲ содир бўлган.

• 1994 йилда туғилган А.Т. бошқарувидаги «Cobalt»;
• 2001 йилда туғилган З.Ш. бошқарувидаги «Cobalt»;
• 1979 йилда туғилган К.Б. бошқарувидаги «Cobalt»;
• 2001 йилда туғилган Ш.С. бошқарувидаги «Onix» автомашиналари ўзаро тўқнашган.

Ҳодиса оқибатида «Onix» ҳайдовчисига тез тиббий ёрдам ходимлари томонидан биринчи ёрдам кўрсатилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.