Тошкентдаги тирбанд чорраҳалардан бирида ҳаракат схемаси ўзгартирилди

Тошкент шаҳрида Мустақиллик ва Оққўрғон кўчалари кесишмасида ҳаракатланишнинг янги тартиби жорий этилди.

Янги тартибга кўра, Мустақиллик кўчасидан Оққўрғон кўчасига чапга бурилиш чекланди. Ўзгариш чорраҳадаги тирбандликларни камайтириш ва транспорт оқимини бир маромда ҳаракатлантириш мақсадида амалга оширилди.

Оққўрғон кўчасига йўл оладиган ҳайдовчилар Мустақиллик кўчаси бўйлаб тўғри ҳаракатланиб, Паркент кўчасига бурилиши, сўнг яна Мустақиллик кўчасига чиқиб, Оққўрғон кўчасига ўнгга бурилиши лозим.

Шунингдек, Паркент кўчасидан Мустақиллик кўчасига чиқувчи транспорт воситалари учун йўлнинг янги икки томонлама ҳаракатланиш қисми ташкил этилди.

Ҳайдовчиларга ҳаракат йўналишини олдиндан белгилаб олиш ва мазкур ҳудуддаги йўл белгиларига амал қилиш тавсия этилмоқда.