Тошкентда 14 ёшли қиз ўзини 9-қаватдан ташлади
Кеча, 18 март куни Тошкент шаҳрида 14 ёшли қиз 9-қаватдан ўзини ташлади. Бу ҳақда darakchi.uz’га сўровига биноан Бош прокуратура матбуот котиби Ҳаёт Шамсутдинов хабар берди.
Қайд этилишича, Миробод туманида яшаб келган 2011 йилда туғилган вояга етмаган қиз Яшнобод тумани С.Азимов кўчасида жойлашган кўп қаватли уйнинг 9-қаватидан ўзини ташлаб юбориб, вафот этган.
Мазкур ҳолат юзасидан прокуратура томонидан терговга қадар текшириш ҳаракатлари олиб борилмоқда.