YUNESKO бош конференциясига энди Самарқанд мезбонлик қилади
Париждаги YUNESKO бош қароргоҳида Ўзбекистон ҳукумати ва YUNESKO ўртасида келишув имзоланди. Бу ҳақда Саида Мирзиёева ўз «Telegram» каналида маълум қилган.
Унга кўра, Самарқанд расман YUNESKO Бош конференциянинг 43-сессияси ўтказиладиган жой сифатида белгиланди. Эътиборлиси шундаки, сўнгги 40 йил ичида ушбу конференция Париждан бошқа ерда ўтказилмаган.
«Биз маданият ва санъат воситасида мамлакатимизни халқаро майдонда тарғиб этмоқдамиз, дунё аҳлига янада яқинлаштирмоқдамиз. Бу алоқалар бевосита иқтисодий натижаларга уланиб, қўшма лойиҳалар ва умумий ғояларга айланмоқда», деган Саида Мирзиёева.