“Ўзтемирйўлконтейнер” АЖ Тошкент — Алтинкол йўналишида ўз вагонлари билан биринчи блок поездини жўнатди
Ўзбекистон Республикаси Президентининг 2025-йил 27-январдаги ПҚ — 28-сон қарорига кўра мултимодал тамойилни кенг жорий этиш ҳамда 3ПЛ ва ундан юқори форматда хизмат кўрсатишга ихтисослашган миллий транспорт операторлари улушини ошириш вазифалари белгилаб берилган.
Ушбу йўналишда логистика хизматлари фойдаланувчиларига қулайликлар яратиш ва транспорт харажатларини камайтириш мақсадида Тошкент – Алтинкол (Қозоғистон) йўналишида “Ўзтемирйўлконтейнер” АЖ бошқарувидаги “Ўзбекистон темир йўллари” АЖга қарашли 57 та фитинг платформаларидан иборат биринчи контейнер блок-поезди муваффақиятли жўнатилди. Илгари Қозоғистон вагонлари жўнатилган.
Таркибида йиғма юклар бўлган 57 та контейнердан иборат блок-поезд 1300 км масофани 2 кунда босиб ўтиши режалаштирилган.
“Ўзтемирйўлконтейнер” АЖ ва Қозоғистоннинг «Кедентранссервис» АЖ компаниялари ўртасидаги ҳамкорлик доирасида ушбу вагонлар Алтинкол-Тошкент йўналишида ортга қайта юкланиши кўзда тутилган.
“Ўзтемирйўлконтейнер” АЖ келгусида ўз вагон паркини кенгайтириб экспорт-импорт йўналишларида транспорт харажатларини қисқартиришни давом эттиради