Узбекистон Олий судига янги тайинловлар
Олий Мажлис Сенатининг 12-ялпи мажлисида қабул қилинган қарорга мувофиқ Маликахон Каландарова судьялик лавозимида бўлишнинг навбатдаги ўн йиллик муддатига, шундан беш йил муддатга Олий суд раисининг ўринбосари – судлов ҳайъати раиси этиб сайланди.
Шунингдек, Аброрхон Акрамов, Джахангир Джураев, Носир Зайнабидинов, Мансурбек Курбанов, Жамоладдин Курязов, Уктам Мамадиев, Шуҳрат Муллажанов, Умида Нишонова ва Одилжон Турдиев ўн йиллик муддатга Олий суднинг судьяси лавозимига сайланди.
Бошқа ишга ўтганлиги муносабати билан О. Исмаилов Олий суд раисининг ўринбосари – судлов ҳайъати раиси лавозимидан, Т. Мирзаев, М. Эшимбетов, Б. Эргашев, шунингдек, ўз аризасига биноан А. Бекманов Олий суднинг судьяси лавозимидан озод этилди.