Бокс-2023. Мулложонов россиялик боксчини нокдаунга ҳолатга туширганига қарамай, мағлубиятга учради

Тошкентда бўлиб ўтаётган бокс бўйича жаҳон чемпионатида ярим финалнинг кундузги дастуридан ўрин олган сўнгги жанг ўтказилди.

92 кг. вазндаги вакилимиз Лазизбек Мулложонов финал йўлланмаси учун россиялик Муслим Гажимагомедовга қарши рингга кўтарилади. Жанг ҳар икки боксчи учун қийин кечди.

Дастлабки икки раундда ҳакамларнинг уч нафари устунликни рус боксчисига беришди. Сўнгги бўлимда эса Лазизбек спортча жаҳл қўшди ва рақибини бир марта нокдаунга туширди.

Аммо, бу умумий ғалаба учун етарли бўлмади. Баҳолар — 1:4 (29:28, 28:29, 28:29, 28:29, 28:29).

Шу тариқа, Мулложонов жаҳон чемпионатини бронза медали билан якунлайдиган бўлди.

Манба: stadion.uz