Ханчжоу-2022, каноэ. Эркаклар жуфтлигида спортчиларимиз 1-ўринда бораётиб, медаллардан қуруқ олишди

Ханчжоу Осиё Ўйинларида байдарка ва каноэ бўйича бугунги дастурдан ўрин олга финал баҳслари якунланди.

Каноэ бўйича эркаклар ўртасида 500 метр масофага жуфтликда баҳсларида олтин медаль кутгандик. Артур Гулиев ва Камронбек Ахтамовдан иборат жамоамиз масофанинг ярмида 1-поғонада борди. Аммо финиш чизиғида спортчиларимиз тўртинчи поғонага тушиб қолишди. Уларни Қозоғистон, Япония ва Эрон вакиллари ортда қолдиришди. Жамоамиз 3-ўриндаги эронликларга атиги 0,03 сония ютқазди.

Шу тариқа, байдарка ва каноэ баҳсларида бугун олтин медалларни қўлга кирита олмадик. Эртага бизни яна 6 та финал кутиб турибди.

Манба: stadion.uz