Фанлар академияси Алишер Навоий номидаги Адабиёт музейи атрофидаги муҳокамалар бўйича расмий баёнот берди
Хатлов жараёнида дастлабки ҳисоб ҳужжатлари ва мавжуд ашёлар миқдори ўртасида айрим тафовутлар аниқланди: нодир қўлёзмалар 831 та ўрнига 847 та, тошбосма нашрлар 1 334 та ўрнига 1 491 та, ёзувчи ва шоирлар архиви материаллари эса 173 та ўрнига 189 тани ташкил этган. Ҳозирда ушбу фарқлар сабабини аниқлаш бўйича инвентарь китоблари солиштирилмоқда. Музей ташриф буюрувчилар ва тадқиқотчилар учун вақтинча ёпилган бўлса-да, ходимлар ўз фаолиятини давом эттирмоқда. Янги Тошкент ҳудудида барпо этилаётган янги бино фойдаланишга топширилгач, музей фонди у ерга кўчирилади, амалдаги бинонинг кейинги тақдири эса ваколатли органлар томонидан ҳал этилади.