Шавкат Мирзиёев Ўзбекистон спортчиларининг ютуқларини алоҳида қизиқиш ва эътибор билан кузатиб боряпти, деб ёзди президент матбуот котиби Шерзод Асадов. «Апрель ойида мамлакатнинг спорт соҳасидаги муваффақиятлари футбол билангина чекланиб қолмаган».
Президент Шавкат Мирзиёев 18 апрель куни энергетика соҳасидаги лойиҳалар, жумладан, кичик гидроелектр станциялар ва кичик атом электр станцияси қурилишининг бориши билан танишди, деб хабар қилди давлат раҳбари матбуот хизмати.Прогнозларга кўра, 2035 йилда мамлакатда электр истеъмоли 121 млрд киловатт соат бўлиши ҳисоб-китоб қилинган.
Аброрбек Қосимжонович Аҳмадалиев Андижон вилояти Избоскан тумани ҳокими лавозимига тайинланди, дея хабар бермоқда вилоят ҳокимлиги.Аброр Аҳмадалиев 1988 йилда Избоскан туманида туғилган.
Шавкат Мирзиёев Рим папаси Францискнинг вафоти муносабати билан Рим-католик черкови камерленгоси кардинал Кевин Фарреллга ҳамдардлик йўллади. Бу ҳақда Ўзбекистон президенти матбуот котиби Шерзод Асадов хабар бермоқда.
Элёрбек Раҳматиллаевич Каримов Андижон шаҳри ҳокими лавозимига тайинланди, дея хабар қилмоқда вилоят ҳокимлиги матбуот хизмати.Элёрбек Каримов 1986 йилда Избоскан туманида туғилган.
Италия Республикаси Вазирлар кенгаши раиси Жоржа Мелони 25−26 апрель кунлари Ўзбекистонга расмий ташриф билан келади. Бу ҳақда мамлакат ҳукумати сайтида маълум қилинди.
Ўзбекистоннинг Эстонияга янги тайинланган элчиси (қароргоҳи Рига шаҳрида жойлашган) Тимур Раҳмонов 16 апрель куни ушбу давлат президенти Алар Карисга ишонч ёрлиқларини топширди, деб хабар қилди «Дунё» АА.«Расмий тадбирдан сўнг ўтказилган мулоқот чоғида Эстония президенти Ўзбекистон билан савдо-иқтисодий ва маданий-гуманитар соҳалардаги алоқалар ривожланиб бораётганини юксак баҳолади ва ушбу йўналишларда ҳамкорликни янада ривожлантиришдан манфаатдорлигини билдирди», — дейилади агентли хабарида.
Зухриддин Бахриддин ўғли Бахриддинов Наманган вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди, дея хабар бермоқда ҳокимлик матбуот хизмати.У мазкур лавозимда 2023 йилнинг майидан ишлаб келаётган Акрамжон Абдухамидов ўрнини эгаллади.
Ўзбекистоннинг Баҳрайнга тайинланган фавқулодда ва мухтор элчиси (қароргоҳи Ар Риёд шаҳрида) Нодиржон Турғунов мамлакат ташқи ишлар вазири Абдулатиф бин Рошид аз-Заянийга ишонч ёрлиқлари нусхаларини онлайн тарзда топширди, дея хабар қилмоқда «Дунё» ахборот агентлиги.Расмий маросимдан сўнг бўлиб ўтган суҳбат чоғида Ўзбекистон ва Баҳрайн ўртасидаги икки томонлама ҳамкорликнинг бугунги ҳолати ва истиқболлари муҳокама қилинди.
Фарғона водийси бугунга келиб, геосиёсатчилар айтганидек, «порох бочкаси»га эмас, балки имкониятлар, фаровонлик, тинчлик, яхши қўшничилик ва бунёдкорлик маконига айланди, дея пост қолдирди Ўзбекистон президенти матбуот хизмати раҳбари Шерзод Асадов.«1997 йилда ўз даврининг йирик геостратегларидан бири бўлган Збигнев Бжезинский ўзининг «Буюк шахмат тахтаси» китобида Фарғона водийсини геосиёсий кескинлик ўчоғига айланишини башорат қилган, айрим экспертлар эса ҳатто «порох бочкаси»га ўхшатган эди.
22−23 апрель кунлари Россия ташқи ишлар вазири Сергей Лавров расмий ташриф билан Ўзбекистонда бўлади. Бу ҳақда вазирлик матбуот котиби Мария Захарова маълум қилди.
5 май куни Самарқандда Марказий Осиё ва Кўрфаз араб давлатлари ҳамкорлик кенгаши (КАДҲК) саммити бўлиб ўтади. Бу ҳақда Ўзбекистон ташқи ишлар вазири Бахтиёр Саидов маълум қилди.
Суҳроб Тўрабек ўғли Тавбоев Солиқ қўмитасининг Сирдарё вилояти солиқ бошқармаси бошлиғи лавозимига тайинланди, деб хабар бермоқда ЎзА.У 1990 йилда Сирдарё вилоятининг Мирзаобод туманида туғилган.
Президент Шавкат Мирзиёев 15 апрель куни Андижон вилоятига ташриф буюради, дея хабар бермоқда давлат раҳбари матбуот хизмати.Ташриф давомида янги корхоналар фаолияти, саноат, энергетика, шаҳарсозлик ва бошқа соҳаларда амалга оширилаётган ишлар билан танишиш, жойлардаги қурилиш ва бунёдкорликни кўздан кечириш режалаштирилган.
Европа Иттифоқининг Марказий Осиё бўйича махсус вакили Эдуардс Стипрайс Самарқанд саммити якунлари бўйича «Газета.uz» учун берган эксклюзив шарҳида Марказий Осиё ва Европа Иттифоқи ўртасидаги ҳамкорликда янги босқичнинг устувор йўналишлари ҳақида гапирди.— — Марказий Осиё ва ЕИ ҳамкорликнинг янги босқичини бошлаяпти, деб айтиш мумкинми?
Ўзбекистоннинг Босния ва Герцеговинага тайинланган биринчи фавқулодда ва мухтор элчиси Бахтиёр Ибрагимов мамлакат президиуми раиси Желька Цвияновичга ишонч ёрлиғини топширди, дея хабар қилмоқда «Дунё» ахборот агентлиги.Тантанали маросимдан сўнг бўлиб ўтган мулоқот чоғида Ўзбекистон ҳамда Босния ва Герцеговина ўртасидаги икки томонлама муносабатларни ривожлантириш истиқболлари муҳокама қилинди.
Шавкат Мирзиёев 10 апрель куни Жаҳон банки гуруҳининг операциялар бўйича бошқарувчи директори Анна Бьерде бошчилигидаги делегацияни қабул қилди. Бу ҳақда Президент матбуот хизмати хабар қилди.
Шавкат Мирзиёев 10 апрель куни Буюк Британиянинг собиқ бош вазири, Глобал ўзгаришлар институти раиси Тони Блэрни қабул қилди. Бу ҳақда Президент матбуот хизмати хабар қилди.
Шуҳрат Хўжамбердиевич Джўраев Жиззах вилоят ҳокимининг ўринбосари вазифасини бажарувчиси этиб тайинланди, деб хабар берди вилоят ҳокимлиги матбуот хизмати.У ҳокимга қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалаларида ёрдам беради.
Telegram`даги POLITIK Central Asia канали Ўзбекистон ва Хитой ўртасида визасиз режим бўлмайди, бу бўйича ҳеч қандай музокаралар олиб борилмаяпти, дея ўз манбаларига таяниб хабар тарқатди. Ўзбекистон Ташқи ишлар вазирлигининг «Газета.uz»га маълум қилишича, ҳозирда томонлар давлат ички процедураларини якунлаш жараёнида.
Шавкат Мирзиёев 9 апрель куни шаҳарсозлик реновациясининг ҳуқуқий асосларини белгилаш бўйича таклифлар тақдимоти билан танишди. Бу ҳақда Президент матбуот хизмати хабар қилди.
АҚШ давлат котиби ўринбосари Кристофер Ландау 7 апрель куни Вашингтонда Ўзбекистон Хавфсизлик кенгаши котиби ўринбосари Абдулазиз Камиловни қабул қилди. Бу ҳақда АҚШ Давлат департаменти матбуот котиби Тэмми Брюс маълум қилди.
Президент Шавкат Мирзиёев Парламентлараро иттифоқ бош котиби Мартин Чунгонгни «Дўстлик» ордени билан тақдирлади. Тақдирлаш 7 апрель куни Тошкентда давлат раҳбари, ПИ раҳбарлари Тулия Эксон ва Мартин Чунгонг ўртасидаги учрашувда бўлиб ўтди.
Президент администрацияси собиқ раҳбари Зайнилобиддин Низомиддинов Бекобод тумани ҳокими этиб тайинланди. Бу ҳақда Тошкент вилояти ҳокимлиги хабар қилди.
Шавкат Мирзиёев 7 апрель куни Парламентлараро иттифоқнинг 150-юбилей Ассамблеясида Россия делегациясига раҳбарлик қилаётган Россия Федерал мажлиси Федерация Кенгаши раиси Валентина Матвиенкони қабул қилди. Бу ҳақда Ўзбекистон президенти матбуот хизмати хабар қилди.
Шавкат Мирзиёев 9 май куни Москва шаҳрида Иккинчи жаҳон урушидаги Ғалабанинг 80 йиллиги муносабати билан ўтказиладиган юбилей тадбирларида иштирок этади. Буни Ўзбекистон президенти матбуот котиби Шерзод Асадов «Газета.uz»га тасдиқлади.
Шавкат Мирзиёев Тошкент шаҳрида ўтаётган Парламентлараро иттифоқнинг 150-юбилей Ассамблеяси ялпи мажлисида иштирок этиб, нутқ сўзлади. Нутқ матни Президент матбуот хизмати томонидан эълон қилинди.
Самарқандда ўтказилган Марказий Осиё давлатлари ва Европа Иттифоқи ўртасидаги илк саммит минтақа мамлакатлари орасида машҳур бўлган «C5+» форматига янги ҳамкорни расман қўшди. Бундан ташқари, йирик дебютларга хос равишда, ушбу учрашув ўзаро дўстлик ва стратегик аҳамиятга эга эканини таъкидловчи ишончли баёнотлар билан тўла бўлди.
Европа кенгаши президенти Антониу Кошта Самарқанд саммитидаги нутқида Марказий Осиё ва Европа Иттифоқи ҳамкорлиги якуний мақсад эмас, балки йўл эканини таъкидлади.«Ушбу саммит муносабатларимизнинг янги йўналишини бошлаб беради ва у бир марталик тадбир бўлмайди», — деди у.
Марказий Осиё давлатлари ва Европа Иттифоқи раҳбарлари икки минтақанинг биринчи саммити якунлари бўйича қўшма декларацияни қабул қилди, деб хабар берди Европа кенгаши матбуот хизмати.Ҳужжат савдо, транспорт, энергетика, рақамли алоқа ва сув ресурсларини бошқариш каби соҳаларда стратегик ҳамкорликни йўлга қўйишга қаратилган.