Ўзбекистонлик эшкак эшувчи олимпиада ярим финалига йўл олди
Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда. Олимпиаданинг бешинчи куни омадли бошланди.
Хусусан, академик эшкак эшиш бўйича Ўзбекистон терма жамоаси аъзоси Анна Пракатен «Париж — 2024» ёзги Олимпия ўйинларидаги муваффақиятли иштирокини таъминламоқда.
Ҳамюртимиз чорак финал стартида ўз гуруҳида 2-бўлиб маррага етиб келди. Бу натижа орқали у 1 август кунига белгиланган ярим финал босқичига тўғридан-тўғри йўл олди.
Литвалик спортчи Виктория Сенкуте ушбу гуруҳда етакчилик қилмоқда, австриялик Магдалена Лобниг эса ўзбекистонлик спортчидан кейин финишга етиб келди.