Бектемир Мелиқўзиев проф боксдаги 10-жангида перулик рақибини 2-раунддаёқ нокаутга учратди (видео)

Профессионал бокснинг супер ўрта вазн тоифасида ҳаракат қилаётган Бектемир Мелиқўзиев (9-1, 7 КО) Тошкент вақти билан 20 март тонгида навбатдаги жангини ўтказди.

Лос-Анжелесда бўлиб ўтган бокс оқшомида ўзбекистонлик боксчи перулик Дэвид Сегаррага (34-8, 21 КО) қарши жанг қилди. Иккинчи раундда Бектемир рақибининг танасига кучли зарба йўллади, натижада перулик чарм қўлқоп устаси ўрнида тура олмади ва техник нокаут қайд этилди.

Шу тариқа, Мелиқўзиев профессионал боксдаги 9-ғалабасини нишонлади. Бунга қадар Мелиқўзиев сўнгги жангини 2021 йил 17 декабрда Тошкентда бўлиб ўтган бокс оқшомида ўтказганди. Ўшанда у россиялик Сергей Екимов (18-4, 9 КО) устидан ғалаба қозонганди.

Манба: daryo.uz