Спорт гимнастикаси: Жаҳон кубогининг сўнгги кунида яна бир медаль

Миср пойтахти Қоҳира шаҳрида ўтказилган спорт гимнастикаси бўйича Жаҳон кубогининг жорий йилги учинчи босқичи ҳам ўз ниҳоясига етди. Мусобақанинг сўнгги кунида терма жамоамиз аъзолари навбатдаги медални қўлга киритишди. Бу сафар ёш ва умидли вакиламиз Дилдора Орипова шоҳсупага кўтарилди.

Эркин машқ дастурида иштирок этган Дилдора ўзининг техник жиҳатдан анча мураккаб бўлган чиқишини маромига етказиб бажарди ва якунда кумуш медални қўлга киритди. Вакиламиз фақатгина венгриялик Дорина Боетсоегодан ортда қолди. Кучли учликка канадалик Лаури Деноми якун ясаб берди.

Эслатиб ўтамиз, ушбу мусобақанинг таяниб сакраш дастурида афсонавий Оксана Чусовитина ҳам кумуш медалга сазовор бўлган эди. Шундай қилиб, Ўзбекистон спорт делегацияси Жаҳон кубогининг Қоҳира босқичини 2 та кумуш медаль билан якунлади.

Манба: minsport.uz