Френсис Нганну Фьюри билан жанг қилиш ниятида

Оғир вазн тоифасидаги собиқ UFC чемпиони Френсис Нганну, бокс бўйича оғир вазн тоифасидаги собиқ Жаҳон чемпиони британиялик Тайсон Фьюри ва WBC, WBA ҳамда WBO йўналишлари бўйича амалдаги жаҳон чемпиони Олександр Усик ўртасидаги реванш жангидан сўнг Фьюрига чақириқ ташлади.

“Энди мен шуни хоҳлайман: ҳамма Тайсон Фьюри ва Френсис Нганну ўртасидаги жангни кўрсин. Бугунги кунда боксда мен учун фақат шу жанг муҳим”, дея Нганну сўзларини келтирди MMAinsight нашри.

Маълумот учун, Фьюри ва Нганну ўртасидаги илк жанг 2023 йил октябрь ойида бўлиб ўтган ва ўша жангда Фьюри жанг давомида нокдаунга учраганига қарамай, ҳакамларнинг ажралган қарори билан ғалаба қозонган эди.

Тайсон Фьюри ва Олександр Усик ўртасидаги реванш жангида иккинчи бор украиналик боксчининг қўли баланд келди.

Манба: daryo.uz