Тошкент шаҳар ИИББ хабарига кўра, боғ директори, ўринбосари, реклама бўлими бошлиғи 15 суткага қамалди. 1 июнь куни “Ашхобод”да текинга ўйинчоқ ва музқаймоқ тарқатиш тадбирини ўтказган ташкилотчилар жазога тортилди.
31 май куни Адлия вазирлигида Олий Мажлис Қонунчилик палатаси ҳамкорлигида “Миллий қонунчиликни Жаҳон савдо ташкилоти битимларига уйғунлаштириш масалалари” мавзусида конференция бўлиб ўтди. Унда миллий қонунчиликни Жаҳон савдо ташкилоти (ЖСТ) битимларига уйғунлаштиришнинг долзарб масалалари, ушбу ташкилотга аъзо бўлишдаги алоҳида ўрни ва аҳамияти ҳамда илмий саволлар муҳокама қилинди. Хусусан, адлия вазири ўринбосари Алишер Каримов Ўзбекистон Республикаси Президентининг қарори билан Адлия вазирлиги ҳамда 20 дан ортиқ вазирлик ва идораларда ЖСТ масалалари бўйича бўлинмалар ташкил этилганлигини ҳамда миллий қонунчиликни уйғунлаштириш бўйича доимий иш олиб борилаётганлигини белгилаб ўтди. Ўз навбатида, вазир ўринбосари 2023-2024 йиллар давомида ЖСТ битимларига мувофиқлаштириш мақсадида 24 та норматив-ҳуқуқий ҳужжатлар қабул қилингани ва 40 тага яқин ҳужжатлар уйғунлаштирилишига эришилганини таъкидлади.
Гулистонда жойлашган омборда ёнғин содир бўлди. Бу ҳақда Сирдарё вилояти ФВВ матбуот хизмати хабар берди.
Шоҳруҳ Давлатов ва Екатерина Тунгусковага BYD машиналари тақдим этилди. Жорий йилнинг 21-апрель куни пойтахтимиз мезбонлик қилган Тошкент ВИ халқаро марафонида ҳамюртларимиз Шоҳруҳ Давлатов ва Екатерина Тунгускова бош соврин – БЙД машинасини ютиб олишган эди.
Супер ярим ўрта вазн тоифасидаги ўзбекистонлик профессионал боксчи Қудратилло Абдуқаҳҳоров (20-3-0) АҚШнинг Техас штатида навбатдаги жангини ўтказди.Унга Гран-при кўринишидаги ОТХ турнирининг 1/4 финалида грециялик Андрес Кацуракис (13-0-0) рақиблик қилди.
Ўзбекистон ташқи ишлар вазири Бахтиёр Саидов Таиланд ҳамда Филиппиннинг Ўзбекистондаги янги элчиларидан ишонч ёрлиқларини қабул қилиб олди. Бу ҳақда вазир ўзининг Telegram каналида маълум қилди.
Бокс афсонаси Майк Тайсоннинг блогер-боксчи Жейк Полга қарши жанги бошқа муддатга қолдирилди. Ушбу жанг 20 июль куни АҚШда ўтказилиши керак эди.
Ички ишлар вазирлиги Тошкент шаҳридаги «Ашхобод» кўнгилочар боғида юзага келган вазият юзасидан маълумот берди. Маълум қилинишича, бугун 1 июнь соат 12:00 ларда текинга ўйинчоқлар тарқатилиши ҳақидаги ахборот ортидан, пойтахт аҳолиси ва меҳмонлардан иборат жуда кўп фуқароларнинг бир вақтнинг ўзида боғ атрофида тўпланишлари натижасида, унга кириш/чиқиш ва айрим ички йўналишларида тиқилинч вазият ҳамда боққа олиб келувчи ва яқин автомобиль йўналишларида тирбандликлар юзага келган.
Айни пайтда Президент Шавкат Мирзиёев раислигида Бухоро вилоятини ижтимоий-иқтисодий ривожлантириш масалалари юзасидан видеоселектор йиғилиши бўлиб ўтмоқда. Йиғилишда аҳоли даромадларини ошириш ва тадбиркорликка кўмаклашиш масалалари кўриб чиқилди.
У мактаб ходимлари номига кредит олиб, пулларни ўзи ишлатган. Аммо, кредит тўловларини тўламасдан юрган.
Тошкент вилоятида давлат ерини сотмоқчи бўлган ҳоким ёрдамчиси ва унинг шериги қамоққа олинди. Бу ҳақда ИИВ ахборот хизмати хабар берди.
Инсон ҳуқуқлари бўйича Миллий марказ директори Акмал Саидов БМТда масъул лавозимга тайинланди. Бирлашган Миллатлар Ташкилотининг Ню-Йорк шаҳридаги штаб-квартирасида 2025-2028 йиллар учун БМТ Инсон ҳуқуқлари қўмитаси аъзолари сайлови бўлиб ўтди. Аъзо давлатлар ўртасида ўтказилган яширин овоз бериш натижаларига кўра, Ўзбекистондан номзод, Инсон ҳуқуқлари бўйича Миллий марказ директори Акмал Саидов бошқа номзодлар орасида энг кўп овоз тўплаб Инсон ҳуқуқлари қўмитаси таркибига сайланди.
Президент ёрдамчиси Саида Мирзиёева Ислом дунёси таълим, фан ва маданият ташкилоти (ICESCO) бош директори Салим ал-Малик билан учрашди. Бу ҳақда у ўз саҳифасида ёзиб қолдирди.
Макроиқтисодий ва ҳудудий тадқиқотлар институти (МҲТИ) мутахассислари томонидан электротехника саноатида амалга оширилган ислоҳотлар таҳлил қилинди. Жаҳонда электротехника саноати жадал суръатлар билан ривожланаяпти ва дунё электротехника бозорида Япония, АҚШ, Германия, Хитой, Корея Республикаси, Сингапур, Малайзия каби мамлакатларнинг мавқеи кучли.
Боксчимиз Навбаҳор Ҳамидова Париж-2024 ёзги Олимпия ўйинларининг йўлланмаси сари яна бир катта қадам ташлади. Таиландда бўлиб ўтаётган лицензион мусобақанинг -66 кг вазн тоифасида иштирок этаётган юртдошимиз учинчи босқичда жанубий кореялик Сужин Сеонни мағлубиятга учратиб, чорак финал йўлланмасини қўлга киритди.
Президент рамзий тугмани босгач, Бухоро вилоятида газ-кимё мажмуаси, қуёш электр станцияси ва халқаро аэропорт қурилиши бошланди. Президент Бухоро вилоятига ташрифи чоғида рамзий тугмани босиб, учта йирик иншоот – газ-кимё мажмуаси, қуёш электр станцияси ва халқаро Бухоро вилояти аэропорти қурилишини бошлаб берди.
Ижтимоий тармоқларда чархпалак скотчлангани ва тросслари узилиб кетиши хавфи остида қолгани акс этган видео ижтимоий тармоқларга сиздирилди. Бугун, 31 май куни чархпалак аттракциони скотчлангани ва тросслари узилиб кетиши хавфи остида қолгани ҳамда хавфли ҳолатга келиб қолгани акс этган видео ижтимоий тармоқларга сиздирилди.
Фуқаро ўзига таниш бўлган ҳоким ёрдамчиси орқали давлат ерини $20 мингга сотмоқчи бўлган. ИИВнинг хабар қилишича, Шайхонтоҳур туманида ўтказилган тезкор тадбир давомида 1984 йилда туғилган шахс 1986 йилда туғилган фуқародан 5 минг АҚШ доллари миқдоридаги пуллари олаётган вақтда ушланди.
2023 йилда Ўзбекистон ЯИМ 6 фоизга ўсган. 2023 йилги давлат бюджети ижросига бағишланган “Давлат бюджети” нашрида шу ҳақда маълум қилинган.
Давлатимиз раҳбари Бухоро вилоятининг саноат кўргазмаси ва янги инвестиция лойиҳалари билан танишди. Саноат тармоқларида ишлаб чиқарилаётган маҳсулотлар ҳамда режалаштирилган лойиҳалар ҳамоҳанг тақдимот қилинди.
Бирлашган кураш дунёси (UWW) Париж-2024 ёзги Олимпия ўйинларида ишлайдиган ҳакамлар номини маълум қилди. Қувонарлиси, улар орасида ўзбекистонлик мутахассис Эшпўлат Ҳидоятов ҳам бор.
Президент Шавкат Мирзиёевнинг Бухоро вилоятига ташрифи арафасида “Қоракўл” эркин иқтисодий зонасида “Enpipe” корхонаси ишга туширилди. Бу ҳақда Президент матбуот хизмати хабар берди.
Ўзбекистонга 2023 йил январь-декабрь ойларида 30 та давлатдан умумий қиймати 197 млн 842 минг доллар миқдоридаги гуманитар ёрдам юклари кириб келди. Гуманитар ёрдамнинг асосий улуши (83,63%) қуйидаги бешта давлат ҳиссасига тўғри келади: ⁃ Германия (71 млн 379,4 минг доллар ёки жами ёрдамнинг 36 фоизи); ⁃ Хитой (27 млн 467,6 минг доллар, 13,9 фоиз); ⁃ АҚШ (23 млн 234,2 минг доллар, 11,8 фоиз); ⁃ Бельгия (22 млн 620,2 минг доллар, 11,4 фоиз); ⁃ Швейцария (20 млн 757,8 минг доллар, 10,5 фоиз).
16 июньдан Хоразм вилоятида совуқ сув ва канализация хизматлари тарифлари оширилади. Бу ҳақда “Ўзсувтаъминот” хабар берди.
Қуръон оятлари тиловат қилиниб, халқимизга тинчлик-фаровонлик тилаб дуо ўқилди. Шавкат Мирзиёев 31 май куни Бухоро вилоятига ташрифини Баҳоуддин Нақшбанд мақбараси зиёратидан бошлади.
АҚШ чегара ходимлари октябрдан бери Калифорния штатида 57,2 минг нафар ноқонуний муҳожирни қўлга олди. Fox News'нинг АҚШ божхона ва чегара қўриқлаш хизматига таяниб хабар қилишича, 1 октябрдан бери Калифорния штатининг Сан-диего шаҳридаги чегаранинг ўзидан 2900 нафар ўзбекистонлик қўлга олинган.
Бундан ташқари, тадбиркорлар мурожаатлари ва таклифларини тун-у кун қабул қилиш мақсадида республика комиссияси тузилади. Президентнинг тадбиркорлар билан очиқ мулоқотини ташкил қилиш бўйича республика комиссияси тузилади.
Маълум қилинишича, Юнусобод, Шайхонтоҳур ва Мирзо Улуғбек туманларининг қуйидаги ҳудудларига 31 май куни соат 10:00 дан 18:00 гача табиий газ етказиб бериш вақтинча тўхтатилади. Бу ҳақда «Ҳудудгаз Пойтахт» ГТФ хабар қилди.
Суғурталанган ва меҳнат фаолиятидаги шахсларнинг даромади йўқолишига сабаб бўлувчи ижтимоий хатарлардан ҳимоялаш лойиҳанинг мақсади ҳамда вазифаси этиб белгиланди. Норматив-ҳуқуқий ҳужжатлар лойиҳалари муҳокамаси порталида ушбу қонун лойиҳаси жамоатчилик фикр-мулоҳазаси учун қўйилди.
2025 йил 1 сентябрга қадар барча мактабларга назорат камералари ўрнатилиб, биометрик идентификация тизими жорий қилинади. Умумий ўрта таълим муассасалари ҳудудининг хавфсизлигини таъминлаш, ўқувчилар давоматини доимий равишда мониторинг қилиш мақсадида «Хавфсиз мактаб» тизими жорий қилинади.