Дубайда бўлиб ўтаётган БМТнинг иқлим ўзгариши бўйича 28-конференсияси (CОП28) доирасида Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов Халқаро табиатни муҳофаза қилиш иттифоқи (IUCN) Бош директори Др. Гретел Агуилар билан учрашди.
фото: 120.suАвстралиялик Брайта исмли аёл эрталаб боғда қандайдир ҳайвоннинг инграшини эшитди ва ташқарига чиқиб овоз келаётган томонга юрди. Ҳеч қанча юрмасдан кичкина «кучукча»ни кўриб қолди, у жароҳат олган эди.
Россиянинг “Вестник Кавказа” электрон нашрида Қўқон шаҳрининг туризм салоҳиятига оид мақола эълон қилинди. Мақолада Қўқон Марказий Осиёдаги энг қадимий шаҳарлардан бири эканлиги маълум қилинган.
Мактабда 8-синф ўқувчиси ток уриши оқибатида вафот этганди. Мактаб директори ўринбосарига нисбатан жиноят иши очилди.
"Red Wings” авиакомпаниясининг "Махачқалъа — Наманган" йўналиши бўйича рейси Фарғонадаги муқобил аэродромга йўналтирилган. Маълум қилинишича, ноқулай об-ҳаво шароити туфайли Россиянинг “Red Wings” авиакомпаниясининг "Махачқалъа — Наманган" йўналиши бўйича парвоз қилаётган RA1123 рейси кутиш ҳудудида бўлганидан сўнг, Фарғона халқаро аэропортига йўналтирилди.
Олий Мажлис Қонунчилик палатаси спикери ўринбосари Алишер Қодиров Ўзбекистонда тирбандликларнинг олдини олиш учун хусусий транспорт воситалар мақомини ҳал қилиш кераклиги ҳақида гапирди. «Йўллардаги тирбандликни бартараф этиш, атмосфера ҳавоси ифлосланишини олдини олиш, экологияни асраш уцун жамоат транспортидан фойдаланишни қулай, тартибли ва арзон қилиб, хусусий транспортларга айрим хизматларни қимматроқ қилиш керак», — дейди «Миллий тикланиш» партияси етакчиси.
Музлама сабаб ҳайдовчи руль бошқарувини йўқотиб, столбага урилди. Аввалроқ, ижтимоий тармоқда электробус ЙТҲга учрагани акс этган видео тарқалди.
Қозоғистоннинг Қарағанди вилоятидаги трассада автобусда совуқда қолиб кетган 20 нафар ўзбекистонликка ёрдам берилди. Бу ҳақда Kazinform хабар берди.
Тошкент вилояти ҳокими газ ва электр энергияси бўйича муаммоларни «бугун-эрта» ҳал этиш топшириғини берди. Унинг сўзларига кўра, баъзи раҳбарлар вазиятнинг жиддийлиги ҳақида гапирганда «пашшадан фил ясамоқда».
Ўзбекистонда йирик солиқ тўловчилар сони 1 631 тани ташкил этади. Бу ҳақда Солиқ қўмитаси матбуот хизмати хабар қилди.
«Uzbekistan Airways» ОТМ, профессионал ва касб-ҳунар талабалари учун тақдим этилган чегирмаларни ҳисобга олган ҳолда, қўшимча авиақатновларни жорий этмоқда. Жумладан: • Тошкент – Бухоро – Тошкент – 23, 25, 26, 29 декабрь; • Тошкент – Нукус – Тошкент – 23, 24, 29 декабрь; • Тошкент – Термиз – Тошкент – 23, 25 декабрь; • Тошкент – Фарғона – Тошкент – 25 декабрь; • Тошкент – Урганч – Тошкент – 25, 26, 27, 28, 29 декабрь; • Тошкент – Қарши – Тошкент – 27 декабрь; • Тошкент – Наманган – Тошкент – 29 декабрь кунлари парвоз қилади.
Бош прокуратура ҳузуридаги Департаментнинг Юнусобод туман бўлими томонидан ИИБ ходимлари билан ҳамкорликда ўтказилган тезкор тадбирда фуқаро М.Н. фуқаро А.А.га 15 дона “Зардекс” номли кучли таъсир қилувчи дори воситасини сотаётган вақтида ушланиб, унинг бошқарувидаги “Spark” русумли автотранспорт воситаси ҳамда Чилонзор туманидаги хонадонидан ўтказиш мақсадида сақлаб келинган жами 2 317 дона “Зардекс” ва 35 дона “Карбамазепин”, шунингдек фуқаро А.А.нинг ёнидан яна 29 дона “Зардекс” номли дори воситалари ашёвий далил сифатида олинган.
Президент фармони билан пахта-тўқимачилик кластерларини ташкил этишнинг янги тартиби жорий этилмоқда. талабгор: тўқимачилик маҳсулотлари ишлаб чиқариш (ип калаваси, трикотаж мато, газлама, тайёр тикув-трикотаж маҳсулотлари ишлаб чиқариш, бўяш) қувватларининг камида иккита босқичини йўлга қўйган бўлиши; кластерлар фаолияти Қишлоқ хўжалиги вазири билан келишилган ҳолда Қорақалпоғистон Республикаси Вазирлар Кенгаши Раиси ва вилоят ҳокимларининг қарорлари билан ташкил этилади; кластер фаолиятини ташкил этиш истагида бўлган талабгорлар очиқ ва шаффоф “on-line” танлов асосида танлаб олинади; пахта-тўқимачилик кластерлари фаолиятини мувофиқлаштириш бўйича республика комиссияси тугатилади; Қишлоқ хўжалиги вазирлиги кластерлар реестрини юритади ва ушбу реестрни ўзининг расмий веб-сайтида доимий равишда эълон қилиб боради;
Ўзбекистон, Тошкент – Batafsil.uz. Афғонистонда толибонлар томонидан ётқизилган Кўштепа суғориш каналида биринчи жиддий авария юз берган, унинг оқибатлари ҳали ҳам бартараф этилмаган. Бу ҳақда мухбиримиз хабар бермоқда.
Кучишлатар тузилмалари Сурияда радикаллар томонида жанг қилаётган ўзбекистонлик эркакни халқаро қидирувга беришган.
Қоидани бузмаган ходимни тўхтатиб, қоидабузарликда айблаб, видеога олганларга деярли 7 млн сўмдан жарима солинди. Бухорода йўл ҳаракати хавфсизлиги ходимларини обрўсизлантирувчи видео олиб, ижтимоий тармоқларда тарқатган ҳамда ҳақоратлаган икки нафар шахслар жазоланди.
Тошкентдаги бир қатор қозонхоналарга 31 та мобил генераторлар ўрнатилди. Veolia Energy Tashkent компанияси маҳаллий қозонхоналарга 31 та мобил генераторлар ўрнатди.
Электр ва иссиқлик энергиясини беҳуда сарфлаш, яъни электр двигателларидан, электр печлари ва бошқа электр ҳамда иссиқлик ускуналаридан мунтазам равишда, ишлаб чиқариш зарурати бўлмаган ҳолда тўлиқ фойдаланмаслик ёки уларни бекорга ишлатиб қўйиш, ёритиш учун электр энергиясидан хўжасизларча фойдаланиш: — мансабдор шахсларга БҲМ 5 бараваридан 15 бараваригача (1 млн 700 минг сўмдан 5 млн 100 минг сўмгача) миқдорда жарима солишга сабаб бўлади.
Ўзбекистон Президентининг «Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида»ги фармони эълон қилинди. Унга кўра, 2024 йил ҳосилидан бошлаб: пахта хомашёсини етиштирувчи хўжаликлар ва кластерлар ўртасида пахта хомашёсини етказиб бериш бўйича фьючерс шартномалари тупроқ ҳосилдорлиги нормативлари доирасида Ўзбекистон республика товар-хомашё биржасининг “пахта хомашёси секцияси”да ҳар бир ҳудуд бўйича алоҳида ўтказиладиган савдолар натижаларига кўра тузилади; фьючерс шартномасига мувофиқ етказиб берилиши лозим бўлган ҳажмдан ортиқча етиштирилган, шунингдек, кластер билан фьючерс шартномаси тузмаган ҳолда, ўз маблағлари, шу жумладан жалб қилинган маблағлари ва тижорат кредитлари ҳисобига етиштирилган пахта хомашёси етиштирувчилар томонидан биржа орқали тадбиркорлик субъектларига сотилади ёки қайта ишланади.
У Жиноят кодексининг учта моддаси, жумладан, “туҳмат” моддаси билан айбдор деб топилди. Аввалроқ, “Эмине-Лемара Мирзаахмедова” тахаллуси билан фаолият олиб борувчи блогер Эмина Карамановага нисбатан ЖКнинг 167-моддаси (ўзлаштириш ёки растрата йўли билан талон-торож қилиш) 3-қисми, 228-моддаси (ҳужжатлар, штамплар, муҳрлар, бланкалар тайёрлаш ва қалбакилаштириш, сотиш ёки фойдаланиш) 2 ва 3-қисмлари билан жиноят иши қўзғатилгани ҳақида хабар бергандик. Олий суд хабарига кўра, Зангиота туман суди ҳукми билан блогер ЖКнинг 139-моддаси (туҳмат) 3-қисми “а”, “г” бандлари, 140-моддаси (ҳақорат қилиш) 2-қисми ва 165-моддаси (товламачилик) 3-қисми “а” банди билан айбли деб топилиб, 7,5 йилга қамалган. Аммо, Мирзаахмедова ва унинг ҳимоячилари томонидан апелляция тартибида шикоятлар берилган.
Ўзбекистон ва Саудия Арабистони шаҳарлари ўртасида мунтазам авиақатновлар сони ҳафтасига 70 тага етказилади. Бу ҳақда Транспорт вазирлиги ахборот хизмати хабар берди.
Пойтахт ҳокимлиги янги йил арчалари ўрнатиладиган жойлар рўйхатини эълон қилди. 27 декабрдан 8 январга қадар Тошкент шаҳрининг барча туманларидаги майдон ва истироҳат боғларида Янги йил тадбирлари, концерт дастурлари бўлиб ўтади.
Пойтахтимиздаги кўплаб масканларда Янги йил байрами арчалари безатилмоқда. Тошкент шаҳар ҳокимлиги пойтахт бўйлаб безатиладиган арчалар локациясини тақдим этди.
Ўзбекистон терма жамоаси ярим ҳимоячиси ҳамда Москванинг ЦСКА жамоаси аъзоси Аббос Файзуллаев 2003 йилда таваллуд топган футболчилар орасида 2023 йилнинг энг яхши ёш футболчиси бўлиш учун номзодлар қаторидан жой олди. Бу IFFHS талқинига кўра тақдим этилди.
СЭС қўмитаси хабарига кўрa, ҳудудлардаги лаборатор таҳлил натижалари гриппнинг А (H3N2) тури аниқлангани кўрсатган. Санитария-эпидемиологик осойишталик ва жамоат саломатлиги қўмитасининг ҳудудий лабораториялари томонидан беморлардан олинган лаборатор таҳлил натижаларига кўра, гриппнинг А (H3N2) тури аниқланмоқда.
Маблағ Ўзбекистондаги банклардан бирига кредит сифатида берилмоқда. Европа тикланиш ва тараққиёт банки (ЕТТБ) йирик хусусий маҳаллий кредитор Ҳамкорбанкга янги маблағлар тақдим этиш орқали Ўзбекистонда яшил молиялаштириш ва яшил инновацияларни рағбатлантириш учун 10 млн доллар қарз беради.
Дастурга кўра, бугун ва эртага саралаш турнири ўтказилади. Унда чорак финалгача етиб борган спортчилар 16-17 декабрь кунларига белгиланган ҳал қилувчи мусобақада иштирок этиш имкониятига эга бўлишади.
Канаданинг Торонто шаҳрида шахмат бўйича Champions Chess Tour—2023 турнири бўлиб ўтмоқда. Баҳслар рапид йўналишида ўтказилмоқда (ҳар бир спортчига 15 дақиқадан вақт ва ҳар бир юришга қўшимча 3 сония қўшиб берилмоқда).
Ижтимоий тармоқларда соатига 4,5 киловатт соатдан ортиқча электр энергияси ишлатган хонадон электр таъминотидан узилиши ҳақида тасдиқланмаган хабарлар эълон қилинган. Энергетика вазирлиги ҳолатга изоҳ бериб, тегишли қарорнинг нотўғри талқин қилинаётганини маълум қилди.
Ҳаво ҳароратининг совуқ кунларида истеъмолчиларни қўллаб-қувватлаш мақсадида бу норма бекор қилинган. Аввалроқ ижтимоий тармоқларда 4,5 киловатт соатдан ортиқча электр энергияси ишлатган хонадон электр таъминотидан узилиши ҳақида хабарлар тарқалиб, муҳокамаларга сабаб бўлди.