Мамлакатимизда ихтисослаштирилган тиббий ёрдам кўламини янада кенгайтириш режалаштирилмоқда. “Аҳоли саломатлиги — 2030” стратегияси лойиҳасига кўра, туман/шаҳарлар даражасида ихтисослашган ёрдам ҳажмини кўпайтириш орқали мазкур ҳудудларда яшовчи аҳолининг вилоят марказларига тиббий ёрдам олиш борасидаги мурожаатларини 50 фоизгача (йилига ўртача 7 фоиздан) қисқартириш мўлжалланяпти.
Бош прокуратура ҳузуридаги Департаментнинг Жиззах вилоят бошқармаси ҳудудий туман бўлимлари томонидан ИИБ ходимлари билан ҳамкорликда ўтказилган тезкор тадбирларда Шароф Рашидов, Зафаробод, Ғаллаорол, Зарбдор ва Пахтакор туманларида фаолият юритувчи “B.O.”, “Y.F.”, “SH.Y.” “K.V.” МЧЖ ҳамда “E.M.” хусусий корхонаси савдо дўконлари сотувчилари харидорларга “GOLD”, “Portveyn”, “Талая”, “Журавли” ва “Чистая водка” номли қалбаки акциз маркали алкоголь маҳсулотларини сотган вақтларида ушланиб, ушбу савдо дўконларида сотувга қўйилган жами 3 581 дона ҳар хил турдаги қалбаки акциз маркали алкоголь ва 125 қути тамаки маҳсулоти ашёвий далил сифатида олинган. Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ, Ўзбекистонда 20 январдан бошлаб электропоезд ва тез юрар поездлар чипталари нархи 20 фоизга оширилиши хабар қилинган эди. «Ўзтемирйўлйўловчи» АЖ матбуот хизмати айрим маҳаллий йўналишлардаги чипта нархлари ўзгаришсиз қолаётгани ҳақида хабар қилди.
ЖССТ томонидан «хавотирли мутация» сифатида кузатув остига олинган «омикрон» штаммининг JN.1 субверсияси ҳозир дунё бўйлаб тез суръатда тарқалмоқда, унга янги аломатлар қўшилган. Ўрганишларга кўра, яқин вақтгача JN.1 билан хасталанган беморлар асосан бурун оқиши, ҳолсизлик, йўтал ва бош оғриғидан азият чекиб келаётган эди. Хусусан, ушбу симптомлар орасида энг кўп тарқалгани бурун оқиши бўлиб, у касалликка хос белгиларнинг 31 фоизини ташкил этади.
My.gov.uz порталида “Содир бўлган ёнғин тўғрисида маълумотнома бериш” хизмати ишга туширилди. Хизматдан фойдаланиш учун: 🔵 My.gov.uz порталида рўйхатдан ўтиш; 🔵“Маълумотномалар” бўлимидан тегишли хизматни танлаш; 🔵керакли маълумотларни тўлдириб, ариза йўллаш кифоя.
Макроиқтисодий ва ҳудудий тадқиқотлар институти (МҲТИ) мутахассислари Ўзбекистон 2017-2022 йилларда Бирлашган Миллатлар Ташкилоти (БМТ)нинг Барқарор ривожланиш мақсадлари (БРМ)дан бири — “Соғлом турмуш тарзини таъминлаш ва барча ёшдаги инсонларнинг фаровонлигига кўмаклашиш” бўйича эришган натижаларини ўрганиб чиқди. 2030-йилгача БМТнинг Глобал кун тартибидаги Барқарор ривожланиш мақсадларини изчил амалга ошириш бўйича тизимли ишларни ташкил этиш мақсадида Ўзбекистон Республикаси Вазирлар Маҳкамаси томонидан 2030-йилгача 16 та Барқарор ривожланиш миллий мақсадлари ҳамда улар билан боғлиқ бўлган 125 та вазифа тасдиқланди.
Ўзбекистонда бюджет ташкилотларнинг ойлик маошлари кечикаётгани ҳақида хабарлар тарқалди. Иқтисодиёт ва молия вазирлиги ҳолатга изоҳ берди.
2024 йилнинг бошида Навоий, Қарши, Нукус ва Термиз аэропортларида Давлат солиқ қўмитаси томонидан жорий этилган «Tax Free» хизматининг тантанали очилиш маросими бўлиб ўтди ва улар ўз фаолиятини бошлади. «Tax Free» тизими хорижий фуқароларга Ўзбекистонда чакана савдо билан шуғулланувчи тадбиркорлардан айрим турдаги товарларни харид қилишда тўланган ҚҚС суммаларини қайтаришни назарда тутади.
Тошкентнинг Мирзо Улуғбек ва Яшнобод туманларидаги истеъмолчиларнинг иссиқ сувларида қора фракциялар (сулфокўмир) пайдо бўлди. «Veolia Energy Tashkent» ҳолатга тушунтириш берди. Маълум қилинишича, 2024 йил 3-4 январь кунлари Veolia Energy Tashkent МЧЖ ХК ҳудудий бошқармаларига, шунингдек, ижтимоий тармоқлар орқали «Тошкент иссиқлик маркази» МЧЖга қарашли 1-ИМ қозонхонаси ҳудудида жойлашган истеъмолчилардан иссиқ сувда лойқалик билан қора зарралар мавжудлиги юзасидан шикоятлар келиб туша бошлади.
Яккасарой туманида декабрь ойи бошида олиб борилган ободонлаштириш ишлари пайтида шаҳар ҳокимлиги Рақамли ривожланиш департаменти таклифи билан Бобур ва Шота Руставели кўчалари чорраҳасига ўзгарувчан маълумот таблоси ўрнатди. Улар одатда фуқароларни йўл ҳаракатидаги вазият, тезлик чегаралари ва бошқалар ҳақида хабардор қилиш учун йўлнинг юқори қисмига жойлаштирилади.
2023 йилда Ўзбекистонда энг кўп қўйилган исмлар эълон қилинди. Бу ҳақда Адлия вазирлиги ахборот хизмати хабар бермоқда.
Қорақалпоғистон ва Бухорода 15 январдан ичимлик ва оқова сув хизматлари бўйича янги тарифлар амалда қўлланилади. Демак, Қорақалпоғистонда нархлар қуйидагича: ичимлик суви: аҳоли учун – 1 м3 2900 (ҳозир 1850) сўм; бюджет ташкилотлари учун – 1 м3 3695 (ҳозир 6383) сўм (ҚҚС билан); улгуржи истеъмолчилар учун – 1 м3 3695 (ҳозир 6383) сўм (ҚҚС билан); Оқова сув: аҳоли учун – 1 м3 1400 (ҳозир 1100) сўм; бюджет ташкилотлари учун – 1 м3 2350 (ҳозир 3136) сўм (ҚҚС билан); улгуржи истеъмолчилар учун – 1 м3 2350 (ҳозир 3136) сўм (ҚҚС билан).
Ягона интерактив давлат хизматлари порталида эндиликда ёшга доир пенсия тайинлаш учун ариза топширишингиз мумкин. Бунинг учун Пенсия жамғармасининг туман (шаҳар) бўлимлари томонидан кўриб чиқиш учун «Пенсия» дастурий мажмуасига юбориладиган анкетани тўлдиришингиз керак.
Бош прокуратура ҳузуридаги Департаментнинг Яшнобод туман бўлими томонидан ИИББ ходимлари билан ҳамкорликда ўтказилган тезкор тадбирларда “Фарғона-Тошкент” йўналишида ҳаракатланиб келаётган “Cobalt” русумли автотранспорт воситаси тўхтатилиб кўздан кечирилганда, муқаддам судланган Л.Т. ва фуқаро О.И.
2024 йилда дунё аҳолисининг деярли ярми сайловга боради – 50 дан ортиқ мамлакатда президент ёки парламент сайловлари бўлиб ўтади. Бу ҳақда “zamon.uz” ёзмоқда.
«Ҳудудгазтаъминот» АЖ матбуот хизматига кўра, Тошкент шаҳрининг Янгиҳаёт, Сергели ва Мирзо Улуғбек туманлари ҳудудларида таъмирлаш ишлари олиб борилади. Шу сабабли, 5 январь куни қуйидаги ҳудудларга табиий газ етказиб бериш вақтинча тўхтатилади.
Ўзбекистон 2026 йилгача Аи-80 бензин ишлаб чиқаришдан воз кечишни режалаштирмоқда. Бу ҳақда Энергетика вазирлиги маълум қилди.
Давлатимиз раҳбарининг тегишли фармонига кўра Соғлиқни сақлаш вазири вазифасини бажариш Ўзбекистон Республикаси Президенти Администрацияси Ижтимоий ривожланиш департаменти раҳбарининг биринчи ўринбосари Асилбек Анварович Худаяров зиммасига юклатилди, дея хабар бермоқда вазирлик Матбуот хизмати. Бир оз аввал, Соғлиқни сақлаш вазири Амрилло Иноятов ишдан олингани айтилган эди.
Ижтимоий тармоқларда “GULBAKHOR AIRWAYS” томонидан “Умра” тадбирларини ташкил этиш ва ўтказишда зиёратчиларга ноқулайлик юзага келганлиги бўйича хабарлар тарқалди. Туризм қўмитаси томонидан мазкур ҳолат юзасидан тегишли қонуний чоралар кўрилаётганлиги, зиёратчилар меҳмонхонага жойлаштирилганлиги маълум қилинди.
“Тошкент ирригация ва қишлоқ хўжалигини механизациялаш муҳандислари” МТУ Бухоро табиий ресурсларни бошқариш институтида “Марказий Осиё ва Туркиянинг қурғоқчил ва шўрланган қишлоқ хўжалиги ишлаб чиқариш ландшафтларида табиий ресурсларни комплекс бошқариш” (CACILM-2) минтақавий лойиҳаси доирасида Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) кўмагида ташкил этилган янги географик ахборот тизимлари (GIS) лабораториясининг очилиш маросими бўлиб ўтди. Янги GIS лабораторияси энг замонавий компьютерлар, сервер, маълумотлар маркази, плоттер билан жиҳозланган.
Президент Шавкат Мирзиёев 4 январь куни қишлоқ хўжалигида сув ресурсларидан фойдаланиш самарадорлигини оширишга қаратилган таклифлар тақдимоти билан танишди. Сув танқислиги тобора кучаяётган бугунги замонда мамлакатимизда уни қадрлаш, тежаб фойдаланишга алоҳида эътибор қаратилмоқда.
Ўзбекистон давлат жисмоний тарбия ва спорт университетига ректор тайинланди. Рашид Машарипович Маткаримов Ўзбекистон давлат жисмоний тарбия ва спорт университети ректори лавозимига тайинланди. Тайинловга қадар Ёшлар сиёсати ва спорт вазирлигида Олимпия ва паралимпия спорт турларини ривожлантириш бошқармаси бошлиғи лавозимида фаолият олиб борган.
2024 йил 1 апрелдан таркибида шакар ёки бошқа ширинлаштирувчи ёки ҳушбўйлаштирувчи моддалар бўлган, газланган ҳамда истеъмол қадоғига қадоқланган ичимликларга акциз солиғи жорий этилади. Бу бўйича тегишли қонун қабул қилинди.
Дастурий маҳсулотлар ва ахборот технологиялари технологик парки резидентлари томонидан амалга оширилишига рухсат этилган фаолият турлари рўйхатига қўшимчалар киритилди, деб хабар бермоқда IТ Park матбуот хизмати. Вазирлар Маҳкамасининг қарорига мувофиқ, IТ Park резидентлари қуйидаги хизматларни кўрсатиш ҳуқуқига эга: • мультимедиа ва дизайн (веб-дизайн, график дизайн, компьютер ўйинлари дизайни, вектор графикаси, 3Д графика, визуализация дизайни, моушен дизайни); • мультфильм маҳсулотларини ишлаб чиқариш;• ахборот технологиялари ва акцелерация дастурларини амалга ошириш соҳасидаги лойиҳаларни венчур молиялаштириш фаолиятини амалга ошириш;• киберспорт соҳасидаги хизматлар.
“Суд ҳужжатлари ва бошқа органлар ҳужжатларини ижро этиш тизимини ислоҳ этиш ва соҳани рақамлаштириш бўйича қўшимча чора-тадбирлар тўғрисида” Президент Фармони (ПФ-1-сон, 03.01.2024 й.) қабул қилинди Фармонга кўра, 2024 йил 1 майдан: суд ҳужжатлари асосида ижро ҳужжатларини электрон шаклда бериш (юбориш, тақдим этиш) тартиби жорий этилади; фуқаролардан қарздорликлари учун ундирув қаратилиши мумкин бўлмаган энг кам кафолатланган даромад белгиланади; ижро ишини юритишнинг соддалаштирилган тартиби почта харажатлари бўйича қарздорликни ундиришга ҳам татбиқ этилади. 2024 йил 1 декабрдан суд ҳужжатлари ва бошқа органлар ҳужжатларининг сўзсиз ижросини таъминловчи “Мажбуриятлар реестри” институти жорий этилади.
Иссиқлик энергияси истеъмоли датчикларини алмаштириш зарурати туфайли бугун, 4 январ куни қуйидаги манзилларда иссиқлик таъминоти вақтинча тўхтатилади: Яккасарой тумани: Бошлиқ ва Қушбеги мавзелари. Сергели тумани: Авиа шаҳарча ва Олтин Водий кўчалари.
Макроиқтисодий ва ҳудудий тадқиқотлар институти (МҲТИ) мутахассислари 2023 йилнинг 9 ойида (январ-сентябрь) кичик бизнес субъектлари фаолиятидаги асосий йўналишларни таҳлил қилди. 2023-йилнинг 9 ойи (январ-сентябрь) якунларига кўра, фаолият кўрсатаётган кичик бизнес субъектларининг сони 418,7 мингтага етган.
Ўзбекистонда тиббиёт муассасаларининг моддий-техник базасини мустаҳкамлаш ишлари мўлжалланмоқда. “Аҳоли саломатлиги-2030” стратегияси лойиҳасига кўра, бугунги кун ҳолатига таъмирталаб бўлган 980 та тиббиёт муассасаларида босқичма-босқич қуриш-таъмирлаш ишлари амалга оширилади.
Макроиқтисодий ва ҳудудий тадқиқотлар институти (МҲТИ) мутахассислари 2023-йилнинг 10 ойи (январ-октябрь) давомода Ўзбекистонда туризм соҳасида қайд этилган натижаларни таҳлил қилди. 2023-йилнинг 10 ойи давомида Ўзбекистонга келган хорижлик сайёҳлар сони 4,9 миллион нафарга етди.
Тошкент вилоятида гўштлар ичига яширилган 350 дона гильза аниқланди. Бу ҳақда вилоят Божхона бошқармаси ахборот хизмати хабар берди.