Иқтисодиёт ва молия вазирлиги 2023 йилнинг 10 та энг йирик солиқ тўловчиси номини эълон қилди. Улар бюджетнинг учдан бир қисмини таъминлайди.
Январь ойи охирида содир бўлган портлаш натижасида қизнинг отаси онаси, хотини ва икки фарзандидан айрилган эди. Жорий йилнинг январь ойи охирида Нукус шаҳридаги 4 қаватли уйда газ портлаши оқибатида вайроналар остидан олиб чиқилган 5 ёшли Тирнакова Элвира шу йилнинг 8 март куни касалхонада вафот этди, дея хабар берди Kruz.uz.
Иқтисодиёт ва Молия вазирлигининг ғазна ҳисоб рақамлари Марказий банк тезкор тўлов тизимига интеграциялаштирилади. Натижада тўловларни 24/7 режимида амалга ошириш мумкин бўлади.
Метро бекатидан Зангиотадаги клиникага қадар 154-сонли йўналиш ишлаб чиқилиб, тендерга қўйилди. Ихтисослаштирилган юқумли касалликлар шифохонаси вақтинчалик кўчирилгани ва жамоат транспорти мавжуд бўлмагани ходимларга ноқулайлик туғдираётгани тўғрисида эълон қилинган хабар ижтимоий тармоқларга сиздирилди.
Бугун Ўзбекистон истеъмолчилар ҳуқуқларини ҳимоя қилиш жамиятлари федерацияси томонидан 15-март — “Бутунжаҳон истеъмолчилар ҳуқуқлари куни” муносабати билан «Инсонга эътибор — оила ва жамият ривожи пойдевори» шиори остида хайрия аксияси ўтказилди. Лойиҳанинг асосий мақсади ижтимоий ҳимояга муҳтож (ногиронлар, боқувчисини йўқотганлар, якка-ёлғиз) оилаларнинг коммунал тўловлардан юзага келган қарздорликларини тўлаб бериш ҳамда аҳоли вакилларига экологик тоза энергия ресурсларидан барқарор ва самарали фойдаланишни тарғиб қилишдан иборат.
Бош вазир матбуот котиби лавозимига аввал ҳукуматнинг Оммавий коммуникациялар ва ахборот очиқлигини таъминлаш масалалари шуъбаси мудири лавозимида ишлаган Бекзод Шукуров тайинланди.Бекзод Абдуқаюмович Шукуров Ўзбекистон бош вазирининг матбуот котиби этиб тайинланди, дея хабар бермоқда ЎзА.
33 ёшли эркак қўлга олинган. Унга нисбатан жиноят иши қўзғатилди.
Сохта пул сочиш жараёнида операторлик қилган видеотасвирчига ҳам чора кўрилди. Аввалроқ, ижтимоий тармоқда Қашқадарёдаги тўйда куёвнинг дўстлари автомашина ҳаракатланиши вақтида ойнадан танасини чиқариб, сохта пуллар сочгани акс этган видео тарқалди.
Марҳуманинг ўлими сабабини аниқлаш учун судга оид тиббий экспертиза тайинланган. Бош прокуратура Матбуот хизматининг хабар қилишича, жорий йилнинг 10 март куни соат 21:25 ларда Оқдарё тумани «Ўзбекистон» маҳалласида яшаган 18 ёшли талаба қиз Оқдарё тумани ва Самарқанд туманини боғлаб турувчи Қорадарё кўпригидан ўзини сувга ташлаб жонига қасд қилган.
Андижон вилояти ИИБ ҳодиса тафсилотларини маълум қилди. Ижтимоий тармоқларда Шаҳрихон туманидаги савдо дўконида 14 ёшли боланинг калтаклангани акс этган видео тарқалган эди.
48 ёшли эркак ва 24 ёшли аёл мазкур инфекцияга чалинганлигини била туриб, бошқалар билан жинсий яқинлик қилиб юрган. Бухоро вилояти ИИБ ахборот хизматининг хабарига кўра, ОИТС ва ОИВ инфекциясини қасддан бошқаларга юқтирган фуқаролар аниқланган.
Аввалроқ, Ўзбекистонда 11 март куни умумхалқ хайрия ҳашари ўтказилиши ҳақида хабар берилганди. Умумхалқ хайрия ҳашари 11 мартда эмас, 18 март куни бўлиб ўтиши маълум бўлди.
Ўзбекистон Конституциявий суди Қонунчилик палатасининг Конституция бўйича референдум ўтказиш тўғрисидаги қарорини кўриб чиқишга киришди. Ҳужжатнинг Конституцияга мувофиқлигини аниқлаш бўйича йиғилиш 13 март куни бўлиб ўтади.
Мазкур фуқаронинг шахсига аниқлик киритилган. У нима сабабдан бу ишни қилганини тушунтирди.
Март ойидан бошлаб мобил Интернет тезлиги оширилади. Жорий йилнинг март ойидан бошлаб мобил интернет тезлиги оширилади ва бутун мамлакат бўйлаб 5G технологияси жорий этилади, дея хабар берди «Ўзбектелеком» АК ахборот хизмати раҳбари Темур Мамажонов АОКАда ўтказилган брифингда.
Жамоатчилик эътирозидан сўнг янги Конституция лойиҳасидан «халқ соғлиғи ва маънавиятини» ҳимоя қилиш мақсадида ахборотни тарқатиш чекланиши ҳақидаги норма чиқариб ташланди. Унинг ўрнига «аҳолининг соғлиғи, ижтимоий ахлоқ» жумлалари киритилди.
Ижтимоий тармоқда тарқалган хабарларга кўра, эркак қизнинг олдига келиб, унга нисбатан уятсиз ҳаракатлар қилган. Қиз эса қўрқиб кетиб, бақириб юборган.
Жорий йил 11-12 март кунлари пойтахтда оммавий югуриш мусобақаси ўтказилади. Тошкент шаҳар ҳокимлигининг хабар беришича, жорий йилнинг 12 март куни Наврўз умумхалқ байрамига бағишланган оммавий югуриш мусобақаси ўтказилиши муносабати билан айрим кўчаларда автотранспорт воситаларининг ҳаракати вақтинча чекланади.
Ўзбекистонда тиктокчи машҳурлик учун қушнинг қанотларини боғлаб қўйиб, уни азоблаган.
Ўқувчи дарс вақтида телефон ўйнаб, ўқитувчининг дарс ўтишига халақит берган. Жорий йилнинг 2 март куни Тошкент шаҳридаги мактабларнинг бирида ўқитувчи ўқувчини калтаклагани акс этган видео ижтимоий тармоқларга сиздирилди.
Россияда мусофир бўлиб ишлаган 43 ёшли Қорақалпоғистон фуқароси жанговар ҳаракатлар натижасида ҳалок бўлди. Жорий йилнинг 30 январь куни Россия томонидан Украина ҳудудида жанг қилган 43 ёшли Ф.Х.нинг жасади Ўзбекистонга етказилди, деб хабар бермоқда Давлат хавфсизлик хизмати.
Зооҳимоячилар Тошкент вилоятида итлар кушхонасини аниқлашган.
Қонунчилик палатаси Конституцияни ўзгартириш бўйича умумхалқ референдумини — 30 апрель, якшанба куни ўтказишни маъқуллади. Тегишли қарорни 134 нафар депутат қўллаб-қувватлади, 2 нафари бетараф қолди, 1 нафари эса овоз бермади.
Конституциявий қонун лойиҳаси депутатлар томонидан маъқулланди. Ҳеч ким қарши овоз бермади.
Олий Мажлис Қонунчилик палатаси депутатлари «Ўзбекистон Конституцияси тўғрисида»ги қонуннинг янги таҳририни қабул қилди, кейинчалик у референдумга қўйилади.Олий Мажлис Қонунчилик палатаси 10 март куни бўлиб ўтган мажлисда Ўзбекистон Конституцияси тўғрисидаги қонунни янги таҳрирда қабул қилди.
Ўзгидромет қатор вилоятларда сел-сув тошқини юзага келиши мумкинлигидан огоҳлантирди. Ўзгидромет хабарига кўра, жорий йилнинг 11-12 март кунлари кутилаётган кучли ёмғирлар ёғиши сабабли, республиканинг тоғ олди ва тоғли ҳудудларида, жумладан: Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида; Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробод туманларида; Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманларида; Навоий вилояти: Хатирчи, Навбаҳор, Нурота, Конимех, Кармана туманларида; Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод туманларида; Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида; Наманган вилояти: Поп, Косонсой, Чортоқ, Чуст, Наманган, Янгиқўрғон туманларида; Фарғона вилояти: Сўх, Шоҳимардон, Фарғона, Бешариқ туманларида; Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонабод шаҳрида сел-сув тошқин ҳодисалари юзага келиши мумкин.
У аёлларга видеомурожаат қилиб, видеони ижтимоий тармоққа жойлаган. ИИВ ҳолатга муносабат билдирди.
20 ёшли ҳайдовчининг рул бошқарувини йўқотиши сабаб машина қурилиш ишлари олиб борилаётган бинонинг ер тўласига тушиб кетди. Самарқанд вилояти ИИБ Матбуот хизматининг хабарига кўра, 2023 йил 7 март куни тунги соат 21:40 ларда Самарқанд шаҳар Садриддин Айний кўчасида ҳайдовчи 2003 йилда туғилган Самарқанд туман “Қўлбапоён” МФЙда яшовчи фуқаро бошқарувида бўлган Nexia-3'да йўловчиларсиз ҳаракатланиб бораётиб рул бошқарувни йўқотган.
Голдман Сачс компаниясининг Малайзиядаги собиқ раҳбари йирик молиявий коррупция схемасидаги роли учун AҚШ қамоқхонасига юборилади. AҚШ судяси Рожер Нгни ўтган йили мамлакатнинг 1МДБ суверен жамғармасидан миллиардлаб долларларни талон-тарож қилишда айбдор деб топиб, 10 йилга ҳукм қилди.Бу жанжал Голдманга катта миқдорда жарима солинишига олиб келди ва Малайзия сиёсатини ларзага солди.
Ўзбекистон Республикаси Президентининг 2023-йил 16-февралдаги «Жамоат транспорти тизимини ислоҳ қилиш чора-тадбирлари тўғрисида»ги ПҚ-59-сон қарорига асосан Тошкент шаҳри жамоат транспорти учун 200 дона 18 метрли ва 500 дона 12 метрли табиий газда ишлайдиган автобуслар ҳамда 300 дона 12 метрли электробуслар харид қилиш белгиланган. Хитойнинг “Хиамен Кинг Лонг Унитед Аутомотиве Индустрй Cо., Лтд” компанияси ва “Тошшаҳартрансхизмат” АЖ ўртасида тузилган шартномага асосан 200 дона «Кинг Лонг” русумли ўта катта сиғимли автобусларни ишлаб чиқариш жадал давом этмоқда.