Беларусда 6 июль куни III Ўзбекистон–Беларусь ҳудудлар форуми ўз ишини бошлади. 8 июлга қадар давом этадиган тадбир Беларусь Миллий экспортни қўллаб-қувватлаш маркази ҳамда Ўзбекистон Инвестициялар, саноат ва савдо вазирлиги ҳамкорлигида ташкил этилмоқда.
Португалия терма жамоаси 2026 йилги жаҳон чемпионатининг 1/8 финалида Испанияга 0:1 ҳисобида мағлуб бўлиб, мусобақани тарк этди. Ушбу натижадан сўнг жамоа сардори Криштиану Роналду майдонни кўз ёшлари билан тарк этди.
Футбол бўйича 2026 йилги жаҳон чемпионатининг 1/8 финал босқичида Испания терма жамоаси Португалия устидан минимал ҳисобда ғалаба қозониб, мусобақанинг чорак финалига йўл олди. АҚШнинг Техас штатидаги Арлингтон шаҳрида бўлиб ўтган баҳснинг асосий вақтида жамоалар ҳисобни оча олмади.
Ўзбекистон Президенти Шавкат Мирзиёев 6 июль куни Иордания Ҳошимийлар Қироллиги Бош вазирининг ўринбосари, ташқи ишлар ва хориждаги фуқаролар ишлари вазири Айман Ҳусайн Сафадий бошчилигидаги делегацияни қабул қилди. Учрашувда Иордания делегацияси раҳбари Ўзбекистон Президентига Қирол Абдулла II ибн ал-Ҳусайннинг самимий саломи ва эзгу тилакларини етказди.
Андижон шаҳридаги 2-сон туғруқ мажмуасида аёл бир вақтнинг ўзида беш нафар фарзандни дунёга келтирди. Бу ҳақда Соғлиқни сақлаш вазирлиги матбуот хизмати хабар қилди.
Энергетика вазирлигида ўтказилган йиғилишда соҳада коррупцияга қарши курашни кучайтиришга қаратилган қатор чора-тадбирлар белгиланди. Хусусан, коррупция жиноятлари учун судланган ходимларни ишдан бўшатиш амалиёти жорий этилиши маълум қилинди.
Ўзбекистонлик тадбиркор Улуғбекхон Мақсумов мамлакатдаги касб-ҳунар таълими муассасаларига замонавий ўқув жиҳозларини тақдим этиб, хайрия ёрдамини кўрсатди. «Дунё» АА хабар қилишича, INKAS компанияси 20 та компьютер, 10 та принтер, 5 та тикув машинаси ва 5 та нуқтали пайвандлаш аппаратини бепул топширди.
Миллий статистика қўмитаси маълумотларига кўра, бир килограмм паловнинг ҳудудлар кесимида ҳисобланган қийматлари қуйидагича (2026 йил июнь ойи учун): Қорақалпоғистон Республикаси – 105 215 сўмАндижон вилояти – 114 625 сўмБухоро вилояти – 116 578 сўмЖиззах вилояти – 116 675 сўмҚашқадарё вилояти – 118 582сўмНавоий вилояти – 117 750 сўмНаманган вилояти – 116 536 сўмСамарқанд вилояти – 120 721 сўмСурхондарё вилояти – 118 624 сўмСирдарё вилояти – 112 222 сўмТошкент вилояти – 120 548 сўмФарғона вилояти – 123 759 сўмХоразм вилояти – 116 010 сўмТошкент шаҳри – 126 807сўм
Ўзбекистонлик гроссмейстер Жавоҳир Синдаров америкалик шахматчи Даниэль Народицкий хотирасига бағишланган Naroditsky Memorial Rapid ва Blitz 2026 халқаро турнирларида икки йўналиш бўйича чемпионликни қўлга киритди. Рапид баҳсларида Синдаров 7 та партиядан 6 очко тўплаб, мусобақани биринчи ўринда якунлади.
Ўзбекистонда “Хавфсиз ва соғлом юрт” тезкор-профилактик тадбирлари доирасида гиёҳвандлик воситаларининг ноқонуний айланмасига қарши қатор тезкор тадбирлар ўтказилди. Бу ҳақда Давлат хавфсизлик хизмати маълум қилди.
Миллий статистика қўмитаси маълумотларига кўра, 2026 йилнинг январь-май ойларида Ўзбекистонда кўрсатилган бозор хизматлари ҳажми 533,1 трлн сўмни ташкил этди. Хизматлар турлари бўйича ўсиш суръатлари қуйидагича: молиявий хизматлар — 124,9 %; алоқа ва ахборотлаштириш хизматлари — 122,2 %; таълим соҳасидаги хизматлар — 121,0 %; ижара хизматлари — 117,6 %; кўчмас мулк билан боғлиқ хизматлар — 117,5 %; меъморчилик ва муҳандислик соҳасидаги хизматлар — 115,3 %; соғлиқни сақлаш соҳасидаги хизматлар — 114,7 %; яшаш ва овқатланиш хизматлари — 114,1 %; савдо хизматлари — 114,0 %; транспорт хизматлари — 113,3 %; компьютер ва маиший товарларни таъмирлаш бўйича хизматлар — 113,0 %; шахсий хизматлар — 111,6 %; бошқа хизматлар — 115,8 %.
Жаҳон чемпионати–2026нинг 1/8 финал босқичида Англия терма жамоаси Мексика устидан иродали ғалабага эришиб, чорак финалга йўлланма олди. Мехико шаҳридаги машҳур «Ацтека» стадионида бўлиб ўтган учрашув 3:2 ҳисобида англияликлар фойдасига якунланди.
Жаҳон чемпионати–2026нинг 1/8 финал босқичида Норвегия терма жамоаси Бразилия устидан 2:1 ҳисобида ғалаба қозониб, тарихида биринчи марта мусобақанинг чорак финалига йўлланма олди. Ист-Ратерфорд шаҳрида бўлиб ўтган баҳснинг ҳал қилувчи қаҳрамони Эрлинг Холанд бўлди.
Миллий статистика қўмитаси маълумотларига кўра, 2025 йилда Ўзбекистонда доимий аҳолининг ўртача умр кўриш давомийлиги 75,4 ёшни ташкил этган. Ушбу кўрсаткич: Аёлларда — 77,3 ёш Эркакларда — 72,9 ёш Аввалроқ, Ўзбекистон аҳолисининг ўртача ёши ҳақида маълумот берилган эди.
Жаҳон чемпионатининг 1/8 финал босқичида Марокаш терма жамоаси Канада устидан ишончли ғалабага эришиб, мусобақанинг чорак финалига йўл олган биринчи жамоага айланди. Ҳьюстон шаҳрида бўлиб ўтган учрашув марокашликларнинг 3:0 ҳисобидаги ғалабаси билан якунланди.
Аҳоли ва қишлоқ хўжалигини рўйхатга олиш тадбирининг дастлабки натижаларига кўра, аҳолининг 35,7 млн нафари ёки 91,3 фоизи ўзбек тилини она тили сифатида кўрсатган. Бу кўрсаткич этник ўзбеклар улушидан 1,9 фоиз пунктга юқори.
Президент Шавкат Мирзиёев раислигида ўтказилган видеоселектор йиғилишида Сергели ва Янгиҳаёт туманлари аҳолисини кўп йиллардан буён қийнаб келаётган оқова сувларни тозалаш иншооти атрофидаги бадбўй ҳид муаммоси муҳокама қилинди. Масъулларга 1 сентябргача оқова сувларни қабул қилиш иншоотига замонавий фильтрлаш ускуналарини ўрнатиш вазифаси юклатилди.
Ўзбекистонда гиёҳвандлик воситаларининг ноқонуний айланмасига қарши кураш доирасида ўтказилган тезкор тадбирларда йирик миқдордаги наркотик моддалар аниқланди. Давлат хавфсизлик хизмати маълумотига кўра, Сурхондарё вилоятида ДХХ бошқармаси ходимлари ва Чегара қўшинлари ҳарбий хизматчилари ҳамкорлигида ўтказилган тадбирда “ўзбек-афғон” давлат чегарасининг Термиз тумани ҳудудидан ўтувчи қисмида ташлаб кетилган 2 килограмм 562 грамм оғирликдаги опий гиёҳвандлик воситаси топилди.
Дастлабки ҳисоб-китобларга кўра, бир нафар аҳолини рўйхатга олиш учун сарфланган харажат 0,12 АҚШ долларини ташкил этган. Бу ҳақда аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинди.
Жаҳон чемпионати–2026нинг 1/8 финал босқичида Франция терма жамоаси Парагвай устидан минимал ҳисобда ғалаба қозониб, чорак финалга йўлланма олди. Филадельфия шаҳрида бўлиб ўтган учрашув тақдирини ягона гол ҳал қилди.
“Сизга ҳамда дўст Америка халқига кўп миллатли Ўзбекистон халқи номидан энг самимий табриклар ва эзгу тилакларни йўллашдан ғоят мамнунман. Сизнинг дадил ва шижоатли раҳбарлигингиз остида АҚШ иқтисодий қудрати ва таъсирини янада ошириб, глобал тараққиёт ҳамда хавфсизликни таъминлашда муҳим ўрин тутмоқда, барча давлатлар билан амалий ҳамкорлик алоқалари жадал ривожланмоқда”, – дейилади мактубда.
3 июль куни соат 14:30 ларда Шаҳрисабз тумани 70В010 автомобил йўлининг 22 кмда, НОWО русумли юк транспорт воситасининг тормоз тизимида юзага келган носозлик сабабли, ўзи билан бир қаторда ҳаракланиб кетаётган жами 9 та — 2 та Лаcетти, Траcкер-2, Нексиа-1, Нексиа-3, Матиз, Дамас, Спарк транспорт воситалари ўзаро тўқнашуви натижасида йўл-транспорт ҳодисаси содир бўлган. Тўқнашувдан зарбидан сўнг Нексиа-1 ҳайдовчиси йўлнинг четки қисмидаги пиёдани туртиб юборган.
Жорий йилда энергия ресурсларидан ноқонуний фойдаланиш бўйича 1 837 та ҳолат аниқланди. Ушбу ноқонуний фойдаланишларнинг дастлабки ҳисоб-китоб натижасига кўра, давлат манфаатларига жами 462,4 миллиард сўм зарар етказилганлиги маълум бўлди.
Ижтимоий тармоқларда Зарафшон дарёси бўйида жойлашган темир йўл участкасининг шикастлангани акс этган видеолар тарқалганидан сўнг, “Ўзбекистон темир йўллари” АЖ расмий изоҳ берди. Маълум қилинишича, 3 июль куни Самарқанд вилоятининг Тайлоқ тумани ҳудудидан ўтувчи “Самарқанд – Ургут” темир йўл участкасининг маълум қисмига зарар етган.
5 июль куни Ўзбекистон ҳудуди бўйлаб қуруқ ва илиқ об-ҳаво сақланиб қолади. Синоптиклар маълумотига кўра, республика бўйича ёғингарчилик кутилмайди.
Ўзбекистон ва Қозоғистон атмосфера ҳавосини муҳофаза қилиш ҳамда трансчегаравий ифлосланишга қарши кураш соҳасида ҳамкорликни кенгайтиришга келишиб олди. Бу ҳақда икки мамлакатнинг масъул идоралари вакиллари Green University – Марказий Осиё атроф-муҳит ва иқлим ўзгаришини ўрганиш университетида бўлиб ўтган учрашувда маълум қилинди.
Қирғизистонда Миллий хавфсизлик давлат қўмитасининг собиқ раиси Қамчибек Ташиев ҳамда яна етти нафар шахсга нисбатан суд ҳукми эълон қилинди. Суд қарорига кўра, айбланувчилар “Ҳокимиятни зўрлик билан эгаллаб олишга қаратилган ҳаракатлар” моддаси бўйича айбдор деб топилиб, мол-мулки мусодара қилинган ҳолда тўрт йил муддатга озодликдан маҳрум қилиш жазоси тайинланди.
«Ўзгидромет» маълум қилишича, 4–6 июль кунлари мамлакатнинг тоғли ва тоғ олди ҳудудларида кучли ёмғирлар кузатилиши кутилмоқда. Қашқадарё, Сурхондарё, Самарқанд, Навоий, Жиззах, Тошкент, Наманган, Фарғона ва Андижон вилоятларининг айрим тоғли ва тоғ олди ҳудудларида сел ва тошқин ҳодисалари юзага келиши мумкин.
Ўзбекистон Республикасининг Грузиядаги элчихонасини таъсис этиш тўғрисида қарор қабул қилинди. Икки давлат ўртасида дипломатик муносабатлар ўрнатилганидан қарийб 32 йил ўтиб, Тбилисида Ўзбекистон элчихонаси фаолияти йўлга қўйилади.
Ўзбекистон Республикаси Президенти Шавкат Мирзиёевнинг Грузияга давлат ташрифи доирасида Грузия Бош вазири Ираклий Кобахидзе билан тор доирада ва расмий делегациялар иштирокида музокаралар бўлиб ўтди. Учрашувда икки мамлакат ўртасидаги сиёсий, савдо-иқтисодий, инвестициявий, транспорт-транзит, туризм ҳамда маданий-гуманитар ҳамкорликни янада кенгайтириш масалалари муҳокама қилинди.