Тошкент шаҳрида бўлиб ўтган U15 ёш тоифасидаги бокс бўйича Осиё чемпионатида Ўзбекистон терма жамоаси умумжамоа ҳисобида биринчи ўринни эгаллади. Мусобақа якунларига кўра, ўзбекистонлик спортчилар жами 27 та медални қўлга киритиб, турнир иштирокчилари орасида энг яхши натижани қайд этди.
АҚШда ўзбек мусиқасига бағишланган янги альбом — “Contemporary Uzbek Music for Clarinet and Piano” (“Кларнет ва фортепиано учун замонавий ўзбек мусиқаси”) тингловчилар эътиборига ҳавола этилди. Лойиҳа ўзбек кларнетчиси Сайёд Мирзомуродов ташаббуси билан амалга оширилди.
Беларусь пойтахтида “Соғлиққа бўлган ҳуқуқ: замонавий чақириқлар ва давлат масъулияти. МДҲ ҳудудида инсон ҳуқуқларини ҳимоя қилиш бўйича тажриба ва илғор амалиёт алмашинуви” мавзусида халқаро конференция бўлиб ўтди.
Ўзбекистонлик гроссмейстер Жавоҳир Синдаров Super Chess Classic Romania 2026 мусобақасининг иккинчи турида ҳиндистонлик Рамешбабу Прагнанандхага мағлуб бўлди. Бухарест шаҳрида ўтаётган турнирдаги ушбу натижа Синдаров учун ўтган йил сентябридан буён классик вақт назоратидаги илк мағлубият бўлди.
Ўзбекистонда эшитишида нуқсони бўлган сайёҳларга хизмат кўрсатувчи сурдогидлар тайёрлаш тизимини ривожлантириш ишлари давом этмоқда. Айни пайтга қадар 20 нафар мутахассис сертификат олган бўлса, яна 26 киши ўқув жараёнида иштирок этмоқда.
Тошкент шаҳрининг Яшнобод туманида жойлашган кўп қаватли уйда юз берган йирик ёнғин оқибатида бир нечта оила турар жойидан айрилди. Фожиа 15 май куни содир бўлган.
Ўзбекистон миллий терма жамоаси ҳимоячиси Абдуқодир Ҳусанов 2025/26 йилги мавсумда Манчестер Сити сафида Англия кубогини қўлга киритди. Лондондаги Уэмбли стадионида бўлиб ўтган финал учрашувида “Манчестер Сити” Челси устидан 1:0 ҳисобида ғалаба қозонди.
Фарғона вилоятида Давлат хавфсизлик хизмати ходимлари божхона ва ҳуқуқни муҳофаза қилувчи органлар билан ҳамкорликда наркотик моддаларни ноқонуний сотишга уриниш ҳолатини бартараф этди. Ўтказилган махсус операция давомида Учкўприк туманида 24 ёшли Қўқон шаҳри фуқароси бошқарувидаги Chevrolet Cobalt автомобили тўхтатилди.
Минск шаҳрида Мустақил Давлатлар Ҳамдўстлигининг 35 йиллиги муносабати билан халқаро ҳуқуқий форум бўлиб ўтди. Унда Ўзбекистон номидан Инсон ҳуқуқлари бўйича Ўзбекистон Республикаси Миллий маркази директори Акмал Саидов видеомурожаат билан иштирок этди.
Тошкент шаҳрида «Марказий Осиё: минтақавий ривожланишнинг янги парадигмаси» мавзусида халқаро конференция бўлиб ўтди. Тадбир Жаҳон иқтисодиёти ва дипломатия университети ҳузуридаги Дипломатия академияси ҳамда ЕХҲТнинг Ўзбекистондаги лойиҳалар координатори офиси ҳамкорлигида ташкил этилди.
Тошкент шаҳрида Ўзбекистон Республикаси Инсон ҳуқуқлари бўйича миллий маркази директори Акмал Саидов ҳамда Аёлларга нисбатан камситишларни бартараф этиш бўйича БМТ қўмитаси раиси Нахла Хайдар ўртасида учрашув бўлиб ўтди. Мулоқот давомида Ўзбекистоннинг аёлларга нисбатан камситишларни бартараф этиш соҳасидаги халқаро мажбуриятларини бажариш жараёни, Қўмита билан ҳамкорлик ҳамда CEDAWнинг навбатдаги сессиясига тайёргарлик масалалари муҳокама қилинди.
15 май куни Ўзбекистон Республикаси Туризм қўмитаси томонидан 2026–2030 йилларга мўлжалланган Туризмни ривожлантириш стратегияси ҳамда соҳани узоқ муддатли тараққий эттириш модели муҳокамасига бағишланган учрашув ўтказилди. Тадбир Абдулазиз Аккулов раҳбарлигида бўлиб ўтди.
Тошкент вилоятида Ўзбекистон Республикаси Давлат хавфсизлик хизмати ходимлари божхона органлари билан ҳамкорликда гиёҳвандлик воситаларининг ноқонуний айланмасига қарши тезкор тадбир ўтказди. Маълум қилинишича, тадбир давомида Самарқанд вилоятида яшовчи, 2001 ва 2002 йилларда туғилган икки нафар шахс қўлга олинган.
Ўзбекистон Президенти Шавкат Мирзиёев ахалтеке отлари ўртасида ўтказилган «Шарқ дурдонаси – 2026» жаҳон чемпионати ғолиб ва совриндорларига табрик йўллади. Давлат раҳбари ўз мурожаатида мазкур мусобақа Ўзбекистон ва Туркманистон ўртасидаги дўстона муносабатларни мустаҳкамлаш, миллий қадриятлар ва отчилик анъаналарини асраб-авайлашда муҳим аҳамият касб этишини таъкидлади.
Хитойнинг Сиань шаҳрида байдарка ва каноэда гребной слалом бўйича ўтаётган Осиё чемпионатида Ўзбекистон терма жамоаси яна икки кумуш медалга сазовор бўлди. Иккала медаль ҳам жамоавий баҳсларда қўлга киритилди.
Green University — Марказий Осиё атроф-муҳит ва иқлим ўзгаришини ўрганиш университетида Ўзбекистон Экология ва иқлим ўзгариши миллий қўмитаси иштирокида матбуот анжумани бўлиб ўтди. Тадбир Eco Expo Central Asia 2026 халқаро кўргазмаси, Глобал экологик жамғарманинг VIII Ассамблеяси ҳамда экологик таълимни ривожлантириш масалаларига бағишланди.
Ўзбекистон Республикаси Президенти Шавкат Мирзиёев Турк давлатлари ташкилотининг (ТДТ) Туркистон шаҳрида “Сунъий интеллект ва рақамли тараққиёт” мавзусида ўтказилган норасмий саммитида иштирок этди. Тадбирда Илҳом Алиев, Қасим-Жомарт Тўқаев, Садир Жапаров, Режеп Таййип Эрдоған ҳамда ТДТ бош котиби Кубаничбек Омуралиев иштирок этди.
Ўзбекистонда йирик инвестиция лойиҳаларини коррупцияга қарши таҳлил қилиш ва уларнинг рақобат муҳитига таъсирини баҳолаш бўйича янги тартиб расман жорий этилди. Ўзбекистон Республикаси Адлия вазирлигида 2026 йил 8 май куни 3833-рақам билан “Йирик инвестиция лойиҳаларини коррупцияга қарши экспертизадан ўтказиш ва уларнинг рақобат муҳитига таъсирини баҳолаш тартиби тўғрисида”ги йўриқнома давлат рўйхатидан ўтказилди.
Россия Федерациясининг Москова вилоятида 7 ёшли қизга пичоқ билан ҳужум қилганликда гумонланаётган шахс суд қарори билан қамоққа олинди. Маълумотларга кўра, ҳодиса 14 май куни кечқурун Наро-Фоминск шаҳар округидаги «Николины сады» коттеж шаҳарчасида содир бўлган.
16 май куни мамлакат ҳудудининг асосий қисмида кундуз вақтида кўпроқ қуруқ ва барқарор об-ҳаво сақланиб туради. Айрим ҳудудларда эса ноқулай об-ҳаво кузатилиши мумкин.
2026 йил 20–27 сентябрь кунлари Самарқанд шаҳрида Халқаро шахмат федерацияси (FIDE) Конгресси ўтказилади. Ушбу қарор жаҳон шахмат ҳаётидаги энг муҳим йиллик тадбирлардан бири сифатида қайд этилмоқда.
Ўзбекистон Президенти Администрацияси раҳбари Саида Мирзиёева хизмат сафари доирасида Бухоро шаҳридаги қатор ижтимоий инфратузилма объектларини бориб кўрди ва аҳоли учун яратилган шарт-шароитлар билан танишди. Ташриф давомида Бухоро шаҳридаги 9-сонли оилавий поликлиника ҳам кўздан кечирилди.
Ўзбекистон Президенти Администрацияси раҳбари Саида Мирзиёева хизмат сафари давомида Бухородаги ижтимоий объектлар ҳолати билан танишиб, уларни кенг кўламда янгилаш режалари ҳақида маълум қилди. Унинг сўзларига кўра, инспекцион ташрифлар президент топшириқлари ижросини назорат қилиш ва жойлардаги муаммоларни тезкор ҳал этишга қаратилган.
Тошкент шаҳрида U15 ва U17 ёш тоифалари ўртасидаги бокс бўйича Осиё чемпионатининг ярим финал баҳслари якунланди. U17 ёш тоифасидаги мусобақалар якунларига кўра, Ўзбекистон терма жамоаси иштирокчи давлатлар орасида энг яхши натижани қайд этди.
Ўзбекистон Президенти Шавкат Мирзиёев Туркий давлатлар ташкилотига аъзо мамлакатлар делегациялари раҳбарлари билан биргаликда Туркистон шаҳридаги тарихий-маданий марказ фаолияти билан танишди. Олий мартабали меҳмонлар Марказий Осиёдаги ислом меъморчилигининг йирик ёдгорликларидан бири ва Қозоғистоннинг маънавий рамзи ҳисобланган Хожа Аҳмад Яссавий мақбарасини зиёрат қилди.
Ўзбекистон Президенти Шавкат Мирзиёев Туркия Президенти Режеп Таййип Эрдоған билан Туркий давлатлар ташкилотининг норасмий саммити доирасида учрашув ўтказди. Давлат раҳбари матбуот хизмати хабар қилишича, томонлар Ўзбекистон—Туркия стратегик шериклигининг бугунги ҳолати ва истиқболлари, шунингдек халқаро ва минтақавий кун тартибидаги долзарб масалаларни муҳокама қилди.
1 июндан бошлаб Ўзбекистонда электр энергияси ва табиий газ учун янгиланган тарифлар амал қила бошлайди. Тегишли қарор Вазирлар Маҳкамаси томонидан 2025 йилда жорий этилган энергия ресурслари нархларини ҳар йили индексация қилиш механизми доирасида тасдиқланди.
Туркистон шаҳрида ўтаётган Туркий давлатлар ташкилотининг норасмий саммити доирасида Ўзбекистон Президенти Шавкат Мирзиёев ва Қирғизистон Президенти Садир Жапаров ўртасида учрашув бўлиб ўтди. Музокаралар чоғида томонлар Ўзбекистон ва Қирғизистон ўртасидаги дўстлик, яхши қўшничилик ва ҳар томонлама стратегик шериклик муносабатларини янада мустаҳкамлашнинг долзарб масалаларини муҳокама қилдилар.
Туркистон шаҳрига амалий ташриф доирасида Ўзбекистон Президенти Шавкат Мирзиёев Қозоғистон Президенти Қосим-Жомарт Тоқаев билан биргаликда ўзбек томонидан қурилган янги масжид фаолияти билан танишди. Кенг кўламли диний-маърифий мажмуа 7 гектардан ортиқ ҳудудда жойлашган бўлиб, бир вақтнинг ўзида 5 мингдан зиёд намозхонни қабул қилиш имкониятига эга.
Ўзбекистон Президенти Шавкат Мирзиёев Туркий давлатлар ташкилотининг норасмий саммитида иштирок этиш учун амалий ташриф билан Туркистон шаҳрига келди. “Ҳазрат Султон” халқаро аэропортида давлатимиз раҳбарини Қозоғистон Республикаси Давлат маслаҳатчиси Ерлан Карин, Туркистон вилояти ҳокими Нуралхон Кушеров ҳамда бошқа расмий шахслар кутиб олди.