Россиялик сузувчи Евгений Сомов Париждаги Олимпия ўйинларида қатнашишни ёқтиришини айтди. 27 июль куни Сомов 100 метрга брасс усулида сузишда 13-натижани кўрсатиб, ярим финалга чиқди.
Грузиялик Нино Салуквадзе ўз фаолиятидаги ўнинчи Олимпиадасида қатнашиб, канадалик чавандоз Ян Милларнинг рекордини такрорлади. 55 ёшли Салуквадзе 27 июль куни 10 метр масофага пневматик тўппончадан ўқ отиш бўйича саралаш босқичида қатнашиб, 44 нафар иштирокчи орасида 38-ўринни эгаллаб, финалга чиқа олмади.
Сербиялик теннисчи, дунёнинг иккинчи ракеткаси Новак Жокович Париждаги Олимпиаданинг иккинчи босқичига йўл олди. Турнирда биринчи рақам остида сараланган 37 ёшли сербиялик илк учрашувда австралиялик Метью Эбденни 6:0, 6:1 ҳисобида мағлуб этди.
Баландликка сакраш бўйича италиялик спортчи Жанмарко Тамбери Париждаги Олимпия ўйинларининг очилиш маросимида никоҳ узугини йўқотди. Узук Сена дарёсига тушиб кетди.
Red Bull жамоасининг нидерландиялик учувчиси Макс Ферстаппен мавсумдаги Формула 1'нинг 14-босқичига саралашда биринчи ўринни эгаллади, бу Бельгия Гран-присида содир бўлди. Аммо Ферстаппен аввалроқ бешинчи позициядаги двигателни ўрнатгани учун Гран-прида ўз рейтингидан ўн ўринлик пастга тушиш жаримасига учраган эди.
Дзюдо бўйича 2024-йилги Олимпиаданинг илк медаллари ўз эгаларига топширилди. Аёллар (48 кг): 1. Нацуми Цунода (Япония)2. Бавуудорж Баасанхуу (Монголия)3. Тара Бабулфат (Швеция)3. Ширин Букли (Франция) Эркаклар (60 кг): 1. Елдос Сметов (Қозоғистон)2. Лука Мхеидзе (Франция)3. Рию Нагаяма (Япония)3. Франсиско Гарригос (Испания).
Самоа бокс терма жамоаси мураббийи Лионель Элика Париждаги Олимпия шаҳарчасида 60 ёшида вафот этди. Ўлимга юрак хуружи сабаб бўлган.
Испания терма жамоаси Олимпия ўйинларининг чорак финалига биринчи бўлиб етиб келди. Бу 2-турда Доминикан Республикаси устидан қозонилган ғалабадан сўнг (3:1) юз берди.
Аргентина терма жамоаси футбол бўйича Олимпия ўйинларининг очилиш учрашувида Марокашга 1:2 ҳисобида имкониятни бой берди. Иккинчи бўлимга қўшиб берилган дақиқаларда "альбиселесте" иккинчи голни урди ва шундан сўнг стадионда тартибсизликлар бошланди.
Велоспортчимиз Ольга Забелинская Париж олимпиадасида индивидуал вақт пойгаси дастуридаги иштирокини якунлади. Ҳамюртимиз 32.4 км масофага кечган баҳсда 43:53.51 дақиқа натижа кўрсатди.
Олимпиаданинг биринчи босқичидаги кутилмаган ва шов-шувли мағлубиятдан сўнг, Аргентина терма жамоаси ироқлик рақибларини мағлуб этиб, ниҳоят ғалаба қозонди. 13-дақиқадаёқ чап қанотдан оширилган тўпдан сўнг Хулиан Альварес кўкраги билан Тьяго Альмадага узатма берди, у ўн икки метрлардан дарвозанинг чап бурчагига қаттиқ ва аниқ зарба берди - 1:0. Тайм охирида Аймен Ҳусайн тўпни боши билан дарвозанинг ўнг бурчагига йўллади – 1:1. 62-дақиқада Лучано Гондоу яқин масофадан тўпни дарвоза бурчагига йўллади - 2:1. Якунда Игнасио Фернандес 20 метрлардан дарвозанинг юқори ўнг бурчагига кескин зарба берди - 3:1. Бу натижадан сўнг Марокаш, Ироқ ва Аргентина терма жамоаларида уч очко бор, украиналикларда эса очко нолга тенг.
Париж Олимпиадасида иштирок этиши керак бўлган ироқлик дзюдочи Сажжод Ғаним Сиҳин допинг сабаб мусобақалардан четлатилди.28 ёшли спортчининг қонида метандиенон ва болденон тақиқланган моддалари топилган.
Париж олимпиадасининг бокс мусобақасида бугун илк спортчимиз рингга кўтарилиши керак эди. -54 кг вазнда ўзининг илк баҳсини мисрлик Ёмна Айядга қарши ўтказиши керак бўлган вакиламиз, рақибасининг жангдан бош тортганлиги сабаблари тўғридан-тўғри кейинги босқичга йўл олди.
Париж Олимпиадасининг футбол баҳсларида бугун 2-тур ўйинлари ўтказилмоқда. Ўзбекистон ОТЖ бироздан кейин Мисрга қарши учрашувни бошлайди.
Париж Олимпиадасида академик эшкак эшиш баҳсларига старт берилди. 27 июль санасида ўзбекистонлик Анна Пракатен ўз иштирокини бошлади.
Париж Олимпиадасида дзюдо баҳсларига старт берилди. 27 июль санасида ўзбекистонлик Достон Рўзиев ва Ҳалима Қурбонова Олимпия ўйинларида дебют қилди.
Ироқлик дзюдочи Сажжад Сехен 2024-йилда Парижда (Франция) бўлиб ўтадиган Олимпия ўйинлари бошланишидан олдин допинг-тестдан ижобий ўтди, деб хабар беради outkick. Париждаги Олимпия ўйинларида у иккита анаболик стероид учун ижобий натижа берди.
Аёллар ўртасидаги яккалик баҳсларида “Катта дубулға” туркумига кирувчи турнирларнинг 23 карра чемпиони, дунёнинг собиқ биринчи рақамли теннисчиси америкалик Серена Уильямс 20 ёшли теннисчи, дунёнинг иккинчи рақамли ракеткаси Кори Гауфф ҳақида гапирди. У Гауффнинг мамлакат байроқдорига айланганидан хурсанд бўлди.
Франциядаги Олимпия шаҳарчасида иккита асосий озиқ-овқат: товуқ ва тухум танқислиги кузатилмоқда, дея хабар беради outkick. Лондоннинг Times газетаси хабарига кўра, баъзи спортчилар товуқ ва тухум ололмагани учун шаҳарчага қадоқланган озиқ-овқат олиб киришга ҳаракат қилмоқда.
"Катта Дубулға" турнирларининг 22 карра ғолиби, дунёнинг собиқ биринчи рақамли теннисчиси, испаниялик Рафаэль Надаль ва унинг оиласи Париждаги Олимпия ўйинларининг очилиш маросимида иштирок этди. Надаль яккалик баҳсларининг биринчи даврасида венгриялик Мартон Фучсовичга қарши кортга чиқади, агар у кейинги босқичга чиқса, унинг рақиби Новак Жокович бўлиши мумкин.
Парижда 2024-йилги Олимпия ўйинларининг очилиш маросими бўлиб ўтди. Маросим якунида Эйфел минораси яқинида Олимпия байроғи тантанали равишда кўтарилди. Бироқ, у байроқ ўз устунига тескари осилиб қолди.
2024-йилда Парижда бўлиб ўтадиган ёзги Олимпия ўйинлари учун бюджет кутилганидан деярли икки баравар кўп бўлди. Ариза топшириш вақтида Олимпиаданинг умумий қиймати 6,2 миллиард еврога баҳоланган бўлса, ҳозир бу маблағ 11 миллиард еврони ташкил этади.
"Transfermarkt" портали Париж Олимпиадасида иштирок этаётган энг қиммат 10 та футболчи рўйхатини эълон қилди.
Россиялик теннисчи Мирра Андреева 17 ёшида Руминиянинг Ясси шаҳрида бўлиб ўтган турнирда ғалаба қозониб, фаолиятидаги WТА даражасидаги илк ғалабасини қўлга киритди. Об-ҳаво туфайли бир неча соат кеч бошланган финалда Андреева ҳамюрти Элина Аванесянни 5:7, 7:5, 4:0 ҳисобида мағлуб этди.
Ўзбекистон олимпия терма жамоасининг бугунги рақиби Мисрнинг энг қиммат футболчилари билан танишинг 1. Зизо ("Замалек") - 4.5 млн евро 2. Муҳаммад Элнени ("Арсенал") - 3.5 млн евро 3. Иброҳим Адел ("Пирамидс") - 1.2 млн евро 4. Аҳмад Каука ("Ал-Аҳли") - 600 минг евро 5. Омар Фаед ("Фенербахче") - 600 минг евро Манба: @SamvelKarlenovich
Бугун Ўзбекистон Олимпиада-2024 доирасида Мисрга қарши тўп тепади. Миср олимпиа терма жамоаси футболчиларининг асосий қисмини маҳаллий чемпионатда тўп сурадиган футболчилар ташкил этишади.
Бугун Париж-2024 ёзги Олимпия ўйинларига расман старт берилади. Мусобақанинг биринчи кунида Ўзбекистон делегацияси 7 та спорт турида иштирок этади.
Сешанба куни Париждаги Олимпиадада иштирок этиши керак бўлган ироқлик дзюдочи Сажжад Ғаним Сеҳеннинг анаболик стероид тести ижобий чиқди ва у мусобақадан четлаштирилди. 30 июль куни Сеҳен 81 кг вазн тоифасида рингга чиқиши керак эди, унинг биринчи жанги ўзбекистонлик Шарофиддин Балтабоевга қарши режалаштирилган эди.
Узунликка сакраш бўйича руминиялик спортчи Флорентина Юшко антидопинг қоидаларини бузгани учун дисквалификация қилинди ва Париждаги Олимпиадада қатнашмайди. Бу ҳақда Жаҳон антидопинг агентлиги (WАDА) хабар берди.
11 ёшли хитойлик скейтбордчи Чжэн Хаохао 2024 йилда Парижда бўлиб ўтадиган Олимпия ўйинларида иштирок этади. У танловнинг энг ёш иштирокчисига айланади.