Тошкент шаҳрида шаҳар йўналишли такси ва автобус йўналишларини ташувчиларга бириктириш бўйича e-tender.uztrans.uz электрон платформаси орқали очиқ тендер ўтказилади. Тендер доирасида вақтинчалик (2026 йил 15 октябрдан) ҳамда узоқ муддатли (2026 йил 11 ноябрдан) шартномалар асосида «Бешқўрғон маҳалласи – Чорсу савдо маркази» (191М) ва «Ниёзбоши маҳалласи – Жанубий вокзал» (194) йўналишлари бўйича лотлар тақдим этилади.
Ўзбекистон Республикаси Туризм қўмитасида «Air Arabia» авиакомпанияси вакиллари билан учрашув бўлиб ўтди. Музокараларда Самарқанд, Бухоро ва Хива каби тарихий шаҳарларга янги тўғридан-тўғри авиарейсларни очиш ҳамда амалдаги Тошкент – Шаржа ва Тошкент – Абу-Даби йўналишлари бўйича парвозлар частотасини ошириш масалалари муҳокама қилинди.
2026 йилнинг саккиз ойида табиий газ қазиб олиш 16,3 фоизга, кўмир қазиб олиш эса 10,2 фоизга камайди. Ушбу фонда металл рудаларини қазиб олиш ўсмоқда, бироқ у ёнилғи секторидаги пасайишни қоплай олмади.
Навоий кон-металлургия комбинати (НКМК) 2025 йил якунларига кўра 98 тонна олтин ишлаб чиқарди ва ушбу қимматбаҳо металлни ишлаб чиқарувчи дунёдаги энг йирик корхоналар қаторидан ўрин олди. 2030 йилга бориб компания ишлаб чиқариш ҳажмини йилига 125 тоннагача — жорий кўрсаткичга нисбатан тахминан 30 фоизга оширишни ният қилган.
Ўзбекистоннинг ташқи савдоси ўсмоқда, бироқ товар айирборувининг ортиши ортидан хавотирли тенденция яширинган: импорт кескин тезлашди, экспорт эса қисқарди. Саккиз ой ичида мамлакат хориждан ўзи экспорт қилганига қараганда қарийб 11,7 миллиард долларга кўп қийматдаги товар ва хизматларни сотиб олди.
Миллий статистика қўмитаси маълумотларига кўра, жорий йилнинг январ-август ойларида Ўзбекистонда уюшмаган савдо (жисмоний шахсларнинг деҳқон ва мол бозорларидаги мустақил савдоси) ҳажми 38 триллион сўмни ташкил этиб, ўтган йилнинг мос даврига нисбатан 23,9 фоизга ўсди. Бу чакана савдонинг асосий тоифалари орасида энг юқори ўсиш суръати ҳисобланади.
Миллий статистика қўмитаси маълумотларига кўра, сентябрь ойида шакар нархи арзонлашган кам сонли маҳсулотлардан бири бўлди. Ой давомида унинг нархи ўртача 0,9 фоизга арзонлашди, йиллик ҳисобда эса ўсиш бор-йўғи 0,1 фоизни ташкил этди.
Ўзбекистон Республикаси Инвестициялар, саноат ва савдо вазирлиги маълумотларига кўра, мамлакатимиз АҚШ билан тузилган 35 миллиард долларлик инвестициявий келишувлар портфелидан 7 миллиард долларлик қисмини муваффақиятли амалиётга татбиқ этди. Ушбу натижа икки томонлама иқтисодий муносабатлар тарихидаги энг юқори кўрсаткичлардан бири бўлиб, Ўзбекистон ва АҚШ ўртасидаги йиллик товар айирбошлаш ҳажми илк бор 1 миллиард долларлик довондан ошди.
Миллий статистика қўмитаси маълумотларига кўра, 2026 йилнинг январь–июль ойларида Ўзбекистоннинг импорт ҳажми 29,6 млрд АҚШ долларини ташкил этган. Бу кўрсаткич 2025 йилнинг мос даврига нисбатан 17,8 фоизга ошган.
17 сентябр куни Тошкент шаҳрида Cbondsнинг “Ўзбекистон Республикаси капитал бозори” VIII халқаро конференцияси бўлиб ўтди. Конференцияда бозор ликвидлигини ошириш, янги молиявий инструментларни жорий этиш, хорижий капитални жалб қилиш, шунингдек, исломий молия, сукук, рақамли активлар ва токенизация каби йўналишлар муҳокама қилинди.
БМТнинг Озиқ-овқат ва қишлоқ хўжалиги ташкилоти (ФАО) Фарғона водийсида фермерлар ва томорқа ер эгаларининг иқлим ўзгариши шароитида барқарор ишлаб чиқариш бўйича амалий билим ва кўникмаларини мустаҳкамлашга қаратилган учта Фермерлар дала мактабини ташкил этди. Фермерлар дала мактаблари Андижон вилоятининг Қўрғонтепа, Наманган вилоятининг Наманган ҳамда Фарғона вилоятининг Фарғона туманларида фаолият юритмоқда.
«Статистикани ривожлантириш — 2030» миллий стратегияси доирасида тадбиркорлик субъектлари учун статистик ҳисобот бериш жараёнларини соддалаштириш ва рақамлаштириш белгиланди. Давлат органларининг маъмурий маълумотлар базасини интеграция қилиш ва такрорий сўровларни камайтириш орқали 2030 йилга қадар тадбиркорларнинг статистик ҳисобот юки 20 фоизга қисқартирилади.
Ўзбекистон Рақобат қўмитаси истеъмолчилар ҳуқуқлари бузилаётгани сабабли «WB TAXI» МЧЖга зарур шароитларни яратиш юзасидан расмий сўров юборди. 2026 йилнинг январь-август ойларида идорага мазкур сервислар бўйича 20 га яқин мурожаат келиб тушган.
Миллий статистика қўмитаси маълумотларига кўра, 2026 йилнинг январь–июнь ойларида Тошкент шаҳрининг ялпи ҳудудий маҳсулоти 226 трлн сўмни ташкил этган ва 2025 йилнинг мос даврига нисбатан 13,3 фоизга ўсган. Шу даврда республика ялпи ички маҳсулоти шаклланишида Тошкент шаҳри 21,1 фоизлик улуш билан ҳудудлар орасида энг катта ҳисса қўшган.
2026 йил 15 сентябрдан Ўзбекистон Марказий банкининг расмий валюта курсларини шакллантириш ва эълон қилиш амалиёти такомиллаштирилади. Эндиликда расмий курсни ҳисоблашда нафақат валюта биржасидаги, балки банклараро биржадан ташқари бозорда тузилган битимлар ҳам инобатга олинади.
Ўзбекистон Республикаси Президенти фармони билан Президент Администрацияси раҳбари Саида Шавкатовна Мирзиёева Тошкент халқаро молия маркази бошқарувчиси этиб тайинланди. У мазкур лавозимни ҳозирги вазифаси билан ўриндошлик асосида бажаради.
Ўзбекистонда тадбиркорлар ҳуқуқларини ҳимоя қилишни кучайтиришга қаратилган янги тартиб жорий этилади. Унга кўра, тадбиркор ёки компания мансабдори қонун талабларига мувофиқ ҳаракат қилган ҳисобланади.
Ўзбекистонда юридик шахслар томонидан қишлоқ хўжалиги учун мўлжалланган ерлар бўйича 2026 йилги ер солиғи йиллик суммасининг 30 фоизини тўлашнинг охирги муддати 2 сентябрь этиб белгиланди. Солиқ кодексининг 432-моддаси 3-қисмига мувофиқ, ушбу тўлов аслида 31 августга қадар амалга оширилиши лозим эди.
1–4 сентябрь кунлари Владивостокда XI Шарқий иқтисодий форум бўлиб ўтади. Ўзбекистон яна бир бор унинг спорт дастурида иштирок этади, бироқ республиканинг Олис Шарққа бўлган қизиқиши мусобақалар доирасидан анча четга чиқади.
Миллий статистика қўмитаси маълумотларига кўра, 2026 йилнинг январь–июнь ойларида Ўзбекистон хорижий давлатларга қиймати 4,2 млн АҚШ долларига тенг бўлган 4,1 минг тонна лимон экспорт қилган. Лимон экспорти ҳажми 2025 йилнинг мос даврига нисбатан 2,2 баробарга ошган.
Ўзбекистонда кичик тадбиркорлик субъектларини текширишга уч йил муддатга мораторий жорий этилди. Бу Президентнинг ПФ–175-сонли фармони билан белгиланди.
Миллий статистика қўмитаси маълумотларига кўра, 2026 йилнинг январь–июль ойларида Ўзбекистон ва Ҳиндистон ўртасидаги ташқи савдо айланмаси 698,7 млн АҚШ долларини ташкил этди. Ташқи савдо айланмаси таркибида:Экспорт — 91,3 млн АҚШ доллари Импорт — 607,4 млн АҚШ доллари Инвестициялар ва корхоналар: Ҳиндистондан асосий капиталга ўзлаштирилган инвестиция ва кредитлар — 225,9 млн АҚШ доллари (январь-июнь ойларида) Ўзбекистонда Ҳиндистон капитали иштирокидаги корхоналар сони — 439 та (2026 йил 1 август ҳолатига) Туристик сафарлар (январь-июль): Ҳиндистондан Ўзбекистонга келган туристлар — 32 462 нафар Ўзбекистондан Ҳиндистонга борган туристлар — 12 003 нафар Таълим мақсадидаги сафарлар: Ҳиндистондан Ўзбекистонга ўқиш мақсадида келганлар — 3 853 нафар Ўзбекистондан Ҳиндистонга ўқиш мақсадида кетганлар — 44 нафар
Миллий статистика қўмитаси маълумотларига кўра, 2026 йил 1 август ҳолатига Ўзбекистонда хорижий инвестициялар иштирокидаги 20 973 та корхона фаолият юритмоқда. Уларнинг иқтисодий фаолият турлари бўйича сони қуйидагича: − савдо соҳасида – 7 450 та; − саноат соҳасида – 4 098 та; − қурилиш соҳасида – 1 732 та; − ахборот ва алоқа соҳасида – 1 764 та; − яшаш ва овқатланиш бўйича хизматлар соҳасида – 920 та; − ташиш ва сақлаш соҳасида – 646 та; − қишлоқ, ўрмон ва балиқчилик хўжалиги соҳасида – 532 та; − соғлиқни сақлаш ва ижтимоий хизмат кўрсатиш соҳасида – 241 та; − бошқа соҳаларда – 3 590 та.
Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг расмий ахборот ресурслари ишга туширилди. Жумладан, Инспекциянинг расмий веб-сайти ҳамда Telegram, Facebook ва Instagram ижтимоий тармоқларидаги саҳифалари фаолият бошлади.
18 август куни Омонатларни кафолатлаш агентлигида Халқаро валюта жамғармаси (ХВЖ) Фискал департаменти делегацияси билан учрашув бўлиб ўтди. Учрашувда Омонатларни кафолатлаш агентлиги бош директори Улуғбек Ҳамдамов, ХВЖ миссияси раҳбари, Фискал департамент катта иқтисодчиси Аманда Сайе, давлат молияси ва фискал хатарларни бошқариш бўйича минтақавий маслаҳатчи Янник Вел, давлат молиясини бошқариш соҳаси эксперти Магдалена Томчинска-Смит, шунингдек, Агентликнинг тегишли бўлинмалари вакиллари иштирок этди.
Тошкент шаҳрини 2030 йилгача ривожлантириш стратегияси лойиҳасида пойтахт иқтисодиётини кейинги беш йилда 2,1 баробар ошириб, 60,4 миллиард долларга етказиш мақсади белгиланган. «Тошкент — 2030» стратегияси лойиҳаси Тошкент шаҳар халқ депутатлари Кенгаши сессиясида муҳокама қилинди.
Ўзбекистонда электрон тижорат соҳасида фаолият юритувчи операторларни тартибга солишнинг янги механизми жорий этилмоқда. 2026 йил 22 июндаги ЎРҚ-1154-сон Қонунга мувофиқ, сентябрь ойидан электрон тижорат операторлари фаолиятини хабар бериш тартибида амалга оширади.
Тошкент шаҳрининг Бектемир туманида Bektemir Business City барпо этилиши режалаштирилмоқда. Лойиҳанинг дастлабки қиймати 1,2 миллиард доллар, майдони эса қарийб 58 гектар бўлиши кутилмоқда.
Ўзбекистонда умумий инфляция даражаси пасайишда давом этмоқда. 2026 йил июль ойида йиллик инфляция 6,4 фоизни ташкил этди.
Ўзбекистонда 2026 йил январь–июнь ойларида кузатилмайдиган иқтисодиётнинг ялпи қўшилган қиймати 245,5 триллион сўмни ташкил этди. Бу мамлакат ЯИМининг 22,9 фоизига тенг.