Жамоатчилик муҳокамаси учун эълон қилинган қарор лойиҳасига кўра, фуқаронинг пластик картасига бир ой давомида бошқа шахслардан келиб тушган пуллар миқдори 500 БҲМдан (ҳозирги ҳисобда 187,5 млн сўмдан) ошса, банклар бу ҳақда солиқ органларига автоматик равишда маълумот узатиши кўзда тутилмоқда. Бунда яқин қариндошлар орасидаги ўтказмалар мустасно.
“Тошкент” Республика фонд биржасида халқаро инвестиция компаниялари вакиллари иштирокида учрашув бўлиб ўтди. Тадбирда WOOD & Company бошчилигидаги делегация ҳамда жаҳон молия бозорининг нуфузли иштирокчилари қатнашди.
Ўзбекистонда аҳолининг даромадларини қўллаб-қувватлашга қаратилган навбатдаги қарор қабул қилинди. Президентнинг “Иш ҳақи, пенсиялар, стипендиялар ва нафақалар миқдорини ошириш тўғрисида”ги фармонига мувофиқ, жорий йилнинг иккинчи ярмидан бошлаб бир қатор ижтимоий тўловлар ва иш ҳақи миқдорлари оширилади.
Ўзбекистонда нақд пулсиз ҳисоб-китобларни янада ривожлантириш ва замонавий тўлов хизматларини кенгайтириш мақсадида ягона QR-тўлов тизими UzQR жорий этилди. Янги тизим фойдаланувчиларга исталган банк ёки тўлов иловаси орқали битта QR-код ёрдамида тўловларни амалга ошириш имконини беради.
Президент Шавкат Мирзиёев Наманган вилоятининг Тўрақўрғон туманида барпо этилаётган “Наманган қўйчилик кластери” фаолияти билан танишди. Йирик инвестиция лойиҳаси чорвачилик соҳасини замонавий асосда ривожлантириш, гўшт ишлаб чиқариш ҳажмини ошириш ва янги иш ўринлари яратишга хизмат қилиши кутилмоқда.
Франциянинг Voltalia компанияси билан ҳамкорликда амалга оширилаётган агровольтаик лойиҳа доирасида қуввати 500 киловатт бўлган қуёш электр станцияси қурилишига старт берилди. Шу муносабат билан ташкил этилган тадбирда Энергетика вазирлиги, Қишлоқ хўжалиги вазирлиги, Қишлоқ хўжалигида билим ва инновациялар миллий маркази, Сабзавот-полиз экинлари ва картошкачилик илмий-тадқиқот институти вакиллари ҳамда «Voltalia» компаниясининг бош ижрочи директори Роберт Клейн иштирок этди.
Европа тикланиш ва тараққиёт банки (ЕТТБ) Ўзбекистоннинг қурилиш материаллари саноатидаги йирик корхоналаридан бири бўлган «Khorezm Insulation Group» (KIG) компаниясини қўллаб-қувватлаш мақсадида 29 миллион АҚШ долларигача миқдорда кредит ажратади. Молиявий маблағлар компаниянинг молиявий барқарорлигини мустаҳкамлаш, балансини қайта тузиш ҳамда ишлаб чиқариш қувватларини кенгайтириш дастурини амалга оширишга йўналтирилади.
16–18 июнь кунлари Тошкент шаҳрида V Тошкент халқаро инвестиция форуми (TIIF 2026) бўлиб ўтади. Унда дунёнинг турли мамлакатларидан етакчи инвесторлар, халқаро бизнес вакиллари, молия институтлари ҳамда давлат идоралари раҳбарлари иштирок этиши кутилмоқда.
Ўзбекистонда давлат-хусусий шериклик асосида янги Бухоро халқаро аэропортини қуриш ва бошқариш лойиҳаси бўйича малакавий саралаш сўрови босқичи якунланди. Аризаларни кўриб чиқиш натижаларига кўра, Идоралараро тендер комиссияси дастлабки малакавий саралашдан муваффақиятли ўтган ва тендернинг иккинчи босқичи — таклифлар сўровида иштирок этиш ҳуқуқини қўлга киритган иштирокчилар рўйхатини тасдиқлади.
Ўзбекистонлик тадбиркорлар Беларусдаги бир қатор чорвачилик мажмуаларини ижарага олиш ёки сотиб олиш имкониятларини ўрганмоқда. Бу масала Ўзбекистон Савдо-саноат палатаси делегациясининг Беларус ҳудудларига ташрифи давомида муҳокама қилинди.
ТМХ таркибига кирувчи «Транстелесофт» компанияси Ўзбекистон темир йўлларининг Ўзбекистон сериясидаги икки юк-йўловчи электровозини «БОРТ» локомотив ҳаракати хавфсизлиги тизими билан жиҳозлади. Ушбу тизим локомотивлар, электр ва дизель поездлар ҳаракатини назорат қилиш ҳамда авариявий ҳолатларнинг олдини олиш мақсадида қўлланилади.
Иқтисодий тадқиқотлар ва ислоҳотлар маркази баҳолашларига кўра, 2026 йил апрель ойида Ишбилармонлик фаоллиги индекси 6,5 фоизга ўсди. Барча ҳудудларда ижобий динамика кузатилиб, банк операциялари, биржа савдолари ва янги товар белгилари фаоллиги иқтисодий фаоллашувнинг асосий драйверларига айланди.
Тjшкент, 19 май 2026 й. Иқтисодий тадқиқотлар ва ислоҳотлар маркази Ўзбекистон автомобиль бозорининг навбатдаги шарҳини тақдим этди.
Тошкент вилоятидаги «Амирсой» тоғ курорти ҳудудида Ўзбекистон Республикаси ва Беларусь Республикаси ўртасидаги икки томонлама ҳамкорлик бўйича Қўшма ҳукуматлараро комиссиянинг 12-йиғилиши бўлиб ўтди. Йиғилиш Ўзбекистон Республикаси Бош вазири ўринбосари Жамшид Хўжаев ва Беларусь Республикаси Бош вазири ўринбосари Юрий Шулейко ҳамраислигида ўтказилди.
Халқаро молия ва инвестиция доиралари вакиллари Ўзбекистон иқтисодиёти ва мамлакатда амалга оширилаётган ислоҳотларни ижобий баҳоламоқда. «Templeton asset management» ва «Templeton global investment» компаниялари бош ижрочи директори Манраж Сеҳоннинг таъкидлашича, Ўзбекистон кучли иқтисодий база ва бой ресурсларга эга давлатлардан бири ҳисобланади.
Тошкент, 2026 йил 18 май. – Евроосиё тараққиёт банки (ЕОТБ) Ўзбекистон Республикасида ўз ваколатхонасини расман очди.
Лондон шаҳрида ўтказилган Uzbekistan Investor Day халқаро инвестиция форумида Uzbekistan Airports делегацияси иштирок этди. Форум дунёнинг етакчи молиявий институтлари ва инвестиция ҳамжамияти вакилларини бир майдонга жамлади.
Ўзбекистон иқтисодиёти тарихида илк бор миллий акциялар халқаро оммавий савдога чиқарилди. Ўзбекистон Миллий инвестиция жамғармаси “Franklin Templeton” компанияси билан ҳамкорликда бир вақтнинг ўзида Лондон ва Тошкент фонд биржаларида IPO жараёнини бошлади.
2026 йил 14 май куни Тошкент шаҳрига Centrum Air авиакомпаниясининг флотини кенгайтирувчи янги ҳаво кемаси келиб қўшилди. Бу — авиакомпания флотидаги 16-ҳаво кемаси бўлиб, Airbus A320-214 (UK32077) самолёти ҳисобланади.
Asman Airlines авиакомпанияси Тошкент ва Иссиқкўл ўртасида янги мунтазам авиақатновни очишни режалаштирмоқда. Янги рейсларни йўлга қўйиш масаласи 15 май куни қирғиз авиакомпанияси ва Uzbekistan Airports вакиллари ўртасидаги учрашувда муҳокама қилинди.
Апрель ойида бизнеснинг жорий ҳолати бўйича индекс сезиларли ошди. Бу тадбиркорларнинг кутилмалари ва амалдаги ҳолат ўртасидаги фарқ камайганини кўрсатади.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) ва «Elektron onlayn-auksionlarni tashkil etish» AЖ томонидан “E-auksion” электрон савдо платформасида уй-жой қуриш учун ер участкалари савдолари таҳлил қилинди. 2026-йилнинг I чорагида уй-жой қурилиши учун кимошди савдосида сотилган жами ер майдонлари камайган.
Президент Шавкат Мирзиёев корхоналар фаолияти барқарорлигини ошириш ва тадбиркорлар муаммоларини ҳал этишга қаратилган чора-тадбирлар тақдимоти билан танишди. Муҳокама давомида қайд этилдики, бизнес фаол ривожланаётгани ва янги ишлаб чиқаришлар йўлга қўйилаётганига қарамай, айрим корхоналар тўлиқ қувватда ишламаяпти ёки тушум камайишига дуч келмоқда.
Хитой — Қирғизистон — Ўзбекистон темир йўли лойиҳасини амалга ошириш минтақанинг транзит салоҳиятини сезиларли даражада ошириб, халқаро юк ташиш жараёнларини тезлаштиради. Бу ҳақда Ўзбекистон Президенти Шавкат Мирзиёев Осиё тараққиёт банки йиғилишидаги нутқи давомида маълум қилди.
3 май куни Осиё тараққиёт банки Бошқарувчилар кенгаши йиғилиши доирасида Президент Саудия Арабистонининг ACWA Power компанияси делегацияси билан учрашув ўтказди. Делегацияга компания раиси Муҳаммад Абунайян бошчилик қилди.
3 май куни Осиё тараққиёт банки Бошқарувчилар кенгаши тадбирлари доирасида Ўзбекистон Республикаси Президенти Шавкат Мирзиёев Корея Республикаси делегацияси билан учрашув ўтказди. Делегацияга Бош вазир ўринбосари, иқтисодиёт ва молия вазири Ку Юн Чхол бошчилик қилди.
Самарқанд вилоятининг Пайариқ туманида 11 та автомобил газ қуйиш шохобчаси сиқилган газ нархини бир вақтнинг ўзида оширгани учун рақобатга қарши келишилган ҳаракатлар содир этганликда айбланиб, жаримага тортилди. Текширувга маҳаллий аҳолининг қўшни туманларга нисбатан нархларнинг асоссиз оширилгани ҳақидаги мурожаатлари сабаб бўлди.
Президент Шавкат Мирзиёев раислигида биринчи чорак кўрсаткичларини тармоқ ва ҳудудлар кесимида танқидий таҳлил қилиш ва йилнинг қолган даврида қилинадиган ишлар муҳокамасига бағишланган видеоселектор йиғилиши бўлиб ўтмоқда. Биринчи чорак якуни билан ялпи ички маҳсулотимиз 8,7 фоизга, саноат 8 фоизга, хизматлар 16,1 фоизга, қишлоқ хўжалиги 5,1 фоизга ўсди.
Янги ҳисоб-китоб тартиблари жорий этилиши арафасида уй-жой олди-сотдиси сезиларли кўпайди. Республика бўйлаб деярли барча ҳудудларда бозор фаоллиги ошди.
Жорий йилнинг 16 апрель куни Иқтисодийтадқиқотлар ва ислоҳотлар маркази томонидан“Ўзбекистонда Қишлоқ хўжалиги, ўрмон хўжалиги ва ердан фойдаланиш соҳаларида (AFOLU)декарбонизация имкониятлари ва истиқболлари”мавзусида халқаро экспертлар иштирокида илмий анжуман ташкил этилди. Анжуман иқтисодиётнингасосий тармоқларидан бири ҳисобланган Қишлоқхўжалиги, ўрмон хўжалиги ва ердан фойдаланишсоҳаларини (AFOLU) чуқур декарбонизация қилишбўйича сценарийларни ишлаб чиқиш мақсадидаўтказилди. Ўзбекистонда илк бор Қишлоқ хўжалиги, ўрмон хўжалиги ва ердан фойдаланиш соҳалари(AFOLU) секторини паст углеродли трансформация қилиш имкониятлари комплекс тарзда кўрибчиқилмоқда. Мазкур йўналиш иқтисодийбарқарорлик, озиқ-овқат хавфсизлиги ҳамда табиийресурслардан оқилона фойдаланиш нуқтаиназаридан стратегик аҳамиятга эга ҳисобланади.