Самарқанд вилоят судида икки қисмдан иборат матбуот анжумани бўлиб ўтди. Дастлаб жорий йилнинг биринчи ярмида суд ишларини амалга ошириш борасидаги вилоят судлари фаолияти бўйича ҳисобот берилди, сўнгра судья ва суд ходимлари иштирогида ўтган “Китоб – маънавият кўзгуси” танлови ғолибларининг тақдирлаш маросими ўтказилди.
Ўзбекистон бош консули Юсуф Кабулжанов Приморск ўлкаси Инсон ҳуқуқлари бўйича вакили Юрий Мельников ва Россия Ички ишлар вазирлигининг ўлка бўйича раҳбарияти билан учрашувлар ўтказди, деб хабар бермоқда «Дунё» АА нашри. Приморск ўлкаси Инсон ҳуқуқлари бўйича вакили билан кечган мулоқот чоғида меҳнат миграцияси соҳасида икки томонлама ҳамкорликнинг долзарб масалалари, шунингдек, мазкур ҳудудда вақтинча бўлиб турган Ўзбекистон фуқароларининг ҳуқуқ ва манфаатларини ҳимоя қилиш масалалари муҳокама қилинди.
Ўзбекистон Иқтисодиёт ва молия вазирлиги Давлат бюджети даромадлари ва харажатларининг 2024 йил 1-ярим йиллик ижроси тўғрисида маълумот берди. Давлат бюджетининг ярим йиллик даромадлари 2023 йилнинг мос даврига нисбатан 18,3 фоизга ошиб, 121,0 трлн сўмни ташкил этди. Шунингдек, даромадларнинг 80,6 фоизини солиқлар, 19,4 фоизини эса солиқсиз тушумлар ва бошқа даромадлар ташкил қилди.
Юртимизда оила жамиятнинг асоси деб эътироф этилади. Демак, оила шахсий масала эмас, балки ижтимоий аҳамиятга эгадир.
Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Наманган вилояти ҳудудий бошқармаси Косонсой туман Ободонлаштириш бошқармаси амалга оширган 28 та тендер савдолари устидан мониторинг ўтказди. Қайд этилишича, Косонсой туман Ободонлаштириш бошқармаси томонидан 2023 йилда 15 та бошланғич нархи 970 млн сўмга яқин ва 2024 йил биринчи ярим йиллигида 13 та 1 млрд 356 млн сўмлик тендер савдоларида буюртмачи ташкилот томонидан иштирокчилар («ISLAMOV TRADER» МЧЖ, «BERUNIY MEDICAL»МЧЖ) тақдим этган танлов таклифларини баҳолаш мезонларини белгилашда қонунбузилиши ҳолатларига йўл қўйилгани аниқланган.
27 июль куни Ўзбекистон U-23 терма жамоаси Париж-2024 Олимпия ўйинлари гуруҳ босқичида иккинчи учрашувини ўтказди. Мисрга қарши кечга баҳсда минимал ҳисоб қайд этилди.
Вазирлар Маҳкамасининг «Ўзбекистонда ихтисослаштирилган психиатрия ва наркология хизматини кўрсатишнинг ягона ташкилий-услубий вертикал бошқарув тизимини жорий этиш тўғрисида»ги қарори қабул қилинди. Республика ихтисослаштирилган руҳий саломатлик илмий-амалий тиббиёт маркази ва унинг ҳудудий филиалларининг қуйидаги асосий вазифалари белгиланди: психиатрия ёрдами хизматларини бирламчи тиббий ёрдам муассасаларига интеграция қилиш орқали руҳий касалликларни эрта аниқлаш ва даволаш; бирламчи бўғин тиббиёт муассасаси шифокорларининг руҳий касалларни клиник баҳолаш, даволаш ва кузатиш бўйича кўникма ва билимларини ошириш; аҳоли, айниқса болалар ва ўсмирларнинг руҳий саломатлигини мустаҳкамлаш; тиббиёт ходимларининг касбий даражасини ошириш ва такомиллаштириш, шу жумладан мутахассисларнинг касалликларига ташхис қўйиш ва уларни даволашнинг замонавий усуллари соҳасида етакчи хорижий тиббиёт ўқув юртлари ва клиникаларида стажировкаларини ташкил этиш; касалликларнинг олдини олиш, ташхис қўйиш ва даволашнинг илғор усуллари ва технологияларини ишлаб чиқишга қаратилган илмий тадқиқотлар ўтказиш, шунингдек уларни тиббиёт амалиётига жорий этиш; етакчи хорижий тиббиёт муассасалари билан халқаро ҳамкорликни кенгайтириш ва мустаҳкамлаш.
Нью Деҳли шаҳрида ўтказилган ЮНEСКОнинг 46-сессиясида Ўзбекистон делегацияси билан ICOMOS (Ёдгорликлар ва диққатга сазовор жойларни муҳофаза қилиш бўйича халқаро кенгаш) мутахассислари ўртасида учрашув бўлиб ўтди, дея хабар берди ЎзА нашри. Тадбирда «Боқий Бухоро» маданий-этнографик боғини барпо этиш ва Шаҳрисабзни Бутунжаҳон мероси рўйхатида сақлаб қолиш билан боғлиқ масалалар муҳокама қилинди.
Олий Мажлис Қонунчилик палатаси ҳамда маҳаллий кенгашлар депутатлари сайлови кампаниясига старт берилди. Бу ҳақда Марказий сайлов комиссияси Матбуот хизмати хабар бермоқда.
Ижтимоий тармоқларда Тошкент шаҳри Учтепа туманида сув қувурлари ёрилиб кўчаларга сув тошаётгани тасвирланган фото ва видеолар тарқалди. Туман ҳокимининг уй-жой коммунал хизмат кўрсатиш ва ободонлаштириш масалалари бўйича ўринбосари Азиз Наимов ҳолат юзасидан маълумот берди.
2024 йил 1 июль ҳолатига Ўзбекистоннинг доимий аҳолиси сони 37 миллион 134 минг кишини ташкил этди. Бу ҳақда Статистика агентлиги маълум қилди.
Бугунги куннинг энг долзарб масалаларидан яна бири – аҳоли даромадларини ошириш учун шарт-шароит яратиш ва ёрдам беришдан иборат. Президент Халқ қабулхоналарига жорий йил ярмида энг кўп келиб тушган мурожаатлар айнан ижтимоий таъминот масаласида экани ҳам буни далиллайди.
Ўзбекистон Республикаси Олий Мажлисининг Қонунчилик палатаси ҳамда маҳаллий кенгашлар депутатлари сайлови кампаниясига старт берилди. Бу ҳақда Марказий Сайлов Комиссияси хабар берди.
Бу ҳақда “Ўзгидромет” хабар берди. Қайд этилишича, шу куни жала ва дўл ёғиб ўтган.
Қарорга мувофиқ, Бадиий таржима соҳасида Мухаммад Ризо Огаҳий номидаги халқаро мукофот тўғрисидаги низом тасдиқланди. Ушбу Низом бадиий таржима соҳасида Муҳаммад Ризо Огаҳий номидаги халқаро мукофот учун ҳужжатларни тақдим этиш, уларни кўриб чиқиш, ғолибларни аниқлаш ва тақдирлаш тартибини белгилайди.
Парижда бўлиб турган Ўзбекистон делегацияси аъзоларига миллий таомлар жўнатилди. Бу ҳақда Миллий Олимпия қўмитаси матбуот хизмати хабар берди.
Ўзгидромет хабарига кўра, бугун кундузи республика бўйича ёғингарчилик кутилмайди. Республиканинг тоғ олди ва тоғли ҳудудларда сел-сув тошқин ҳодисалари юзага келиши мумкин.
1 августдан бошлаб қонун ҳужжатларидаги ўзгартириш ва янгиликлар кучга киради. Бу ҳақда Norma.uz портали хабар берди.
“Заргарлик буюмларини ишлаб чиқариш соҳасини янада ривожлантириш ва уларнинг рақобатбардошлигини таъминлаш чора-тадбирлари тўғрисида”ги Президент Фармони (ПФ-104-сон, 23.07.2024 й.) қабул қилинди. Фармонга кўра: kns-sco.ru РЕКЛАМА Получить прайс лист на Канализационные насосные станции!
584 мингдан ортиқ пенсионерлар расман ишламоқда. Бу ҳақда Бандлик вазирлиги хабар берди.
Корея Республикаси пойтахтининг марказий кўчаларида Ўзбекистоннинг сайёҳлик салоҳиятига бағишланган фотосуратлар туширилган жамоат автобуслари ҳаракатланмоқда, деб хабар бермоқда «Дунё» АА . Ўзбекистоннинг туризм салоҳиятини кенг тарғиб қилиш мақсадида юртимизнинг сайёҳлик салоҳиятига бағишланган фотосуратлар туширилган жамоат автобуси Сеул шаҳрининг марказий кўчаларида ўз қатновини бошлади.
“Ўзгидромет” 25 июль, пайшанба куни учун об-ҳаво прогнозини эълон қилди. Тошкент шаҳрида ҳаво бир оз булутли бўлади, ёғингарчилик кутилмайди.
Жорий йилнинг ўтган даврида МИБнинг Тошкент вилояти бошқармаси томонидан алимент ундирувига оид 29.843 та ҳужжат бўйича 159 млрд. сўм қарздорликлар ундирилган.
Ижтимоий тармоқларга Қорақалпоғистонда ўлим билан боғлиқ бўлган аянчли йўл-транспорт ҳодисаси акс этган видео тарқалди. Қорақалпоғистон ИИВ Матбуот хизматининг хабар беришича, автоҳалокат жорий йилнинг 22 июль куни соат 19:05 атрофида Қўнғирот тумани «Елабат ППЖ» ҳудудида содир бўлган.
Ўзбекистонлик алпинистлар илк бор Ўзбекистоннинг энг баланд нуқтаси — денгиз сатҳидан 4668 метр баландликка кўтарилди. Тоққа кўтарилиш шимоли-ғарбий томондан амалга оширилиб, у мураккаблиги жиҳатидан 4 А тоифага эга.
Корпоратив муносабатларнинг ҳуқуқий асослари янада такомиллаштирилмоқда Олий Мажлис Қонунчилик палатасининг навбатдаги ялпи мажлисида Адлия вазирлиги томонидан ишлаб чиқилган “Корпоратив муносабатларнинг ҳуқуқий асослари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонун лойиҳаси биринчи ўқишда консептуал жиҳатдан кўриб чиқилди. Ялпи мажлисда Адлия вазири ўринбосари Х.Мелиев томонидан қонун лойиҳасида назарада тутилган ўзгартириш ва қўшимчалар ҳақида депутатларга маълумот берилди.
«Аҳолини давлат томонидан ижтимоий қўллаб-қувватлаш тартибини тубдан такомиллаштириш тўғрисида»ги Ўзбекистон Республикаси Президентининг қарори эълон қилинди. Маълум қилинишича, аҳолини давлат томонидан ижтимоий қўллаб-қувватлашга оид барча чораларни рақамли технологиялар асосида тақдим этишга ўтишнинг асосий йўналишлари этиб бир қатор вазифалар белгиланмоқда.
Ўзбекистон Республикаси Президенти Шавкат Мирзиёевга туғилган куни муносабати билан табриклар келмоқда. Жумладан, Президент Шавкат Мирзиёев 24 июль куни Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов билан телефон орқали мулоқот қилди.
Сурхондарё вилояти Сариосиё туманида Damas ва Nexia 3 автомашиналари тўқнашди. Тармоқда тарқалган видеоларда бир неча киши, жумладан ёш бола ҳам ерда ётгани акс этган.
Ўзбекистоннинг янги тайинланган фавқулодда ва мухтор элчиси Нодир Ғаниев Франция пойтахтига борди. Ғаниев 52 ёшда, Тошкент давлат университети (ҳозирги Ўзбекистон Миллий университети) шарқшунослик факултетини битирган.