Чилилик спортчи Франциска Кроветто Чадид скит бўйича Олимпия ўйинларида олтин медални қўлга киритди. Отишманинг сўнгги босқичида у Буюк Британия вакили Амбер Руттердан кучлироқ чиқди.
Олимпиадада аёллар ўртасидаги сёрфинг бўйича баҳсларнинг сўнгги босқичлари тўлқинлар йўқлиги сабабли қолдирилди. Ярим финал ва финал ўйинлари 4-август, якшанба куни бўлиб ўтиши керак эди, бироқ ташкилотчилар мусобақани камида 5-август, душанба кунига қолдиришга мажбур бўлди.
Миллий Баскетбол Ассоциациясининг (НБА) асосий юлдузларидан бири, 39 ёшли америкалик баскетболчи Леброн Жеймс Олимпия ўйинлари плей-офф босқичи бошланиши арафасида АҚШ терма жамоаси учун қийин бўлишини айтди. "Ҳозир Олимпиадада жуда кўп ажойиб жамоалар бор.
Жазоирлик гимнастикачи Кайлия Немур 2024-йилда Парижда (Франция) бўлиб ўтган Олимпиада ўйинларининг брус йўналишида машқ қилиш бўйича олтин медални қўлга киритди. У 15,700 натижа кўрсатди.
Велошоссе бўйича аёллар ўртасидаги гуруҳ пойгаси ўз ниҳоясига етди. Унда иштирок этган қизларимиз 158 кмли масофани тўлиқ босиб ўтишди.
Хитойлик гимнастикачи Янг Лю Олимпия ўйинларида ҳалқаларда машқ бажаришда 15,300 балл тўплаган ҳолда олтин медални қўлга киритди. Иккинчи ўринни унинг ҳамюрти Цзинюань Цзоу (15,233) эгаллаган бўлса, кучли учликни Греция вакили Элефериос Петроуниас (15,100) якунлади.
Бугун Олимпия ўйинларида волейбол бўйича аёллар ўртасидаги дастурнинг гуруҳ босқич сўнгги ўйинлари бўлиб ўтмоқда. “А” гуруҳи баҳсида АҚШ терма жамоаси Франция терма жамоасини 3:0 (29:27, 29:27, 25:20) ҳисобида мағлуб этиб, биринчи ўринга чиқиб олди.
Спорт гимнастикаси бўйича филиппинлик Карлос Юло (15,116) таяниб сакраш бўйича олтин медални қўлга киритди. Артур Давтян иккинчи ўринни эгаллади (14,966) ва Арманистонга Париждаги илк медалини келтирди.
Бокс бўйича жаҳон чемпионати совриндори Лазизбек Мулложонов ўз номини Париж-2024 ёзги Олимпия ўйинлари финалчилари қаторига қўшиб қўйди. Ярим финалда тожикистонлик Давлат Болтаев билан жанг қилган юртдошимиз ўзининг аниқ ва кучли зарбалари эвазига 9 август куни чемпионлик учун рингга кўтариладиган бўлди.
Бокс бўйича Рио-2016 ёзги Олимпия ўйинлари чемпиони Ҳасанбой Дўсматов иккинчи бор Олимпиада финалига йўлланма олди. Ярим финалда Кабо-Верде вакили Даниел де Пина билан жанг қилган ҳамюртимиз рақибидан яққол устун эканини намойиш қилиб, финал масаласини ижобий ҳал қилди.
Дунёнинг иккинчи рақамли теннисчиси Новак Жокович Олимпиада финалида Карлос Алкарасдан устун келди – 7:6, 7:6. Жокович Олимпиада олтинини қўлга киритган биринчи сербиялик бўлди. 2008 йилда Пекинда у яккалик баҳсларида бронза медалини қўлга киритган эди.
Хитойлик спортчи Фан Жэндунь Париж-2024 Олимпия ўйинларида олтин медални қўлга киритди. Финалда у Швеция вакили Трулс Карл Эрик Морегарддан 4:1 ҳисобида устун келди.
Францияга қарши финалда умумий ҳисоб кунчиқар юрт вакиллари фойдасига 3:1 бўлиб турганида рақиб камбэк амалга оширди ва ҳисоб тенглашди. Шундан кейин, регламентга кўра, қуръа орқали олтин учун ҳал қилувчи баҳс ўтказиладиган бўлди.
Қозоғистонлик боксчи Олимпиаданинг бокс баҳслари финалига чиқди. Мусобақада -80кг вазн тоифасида иштирок этаётган Нурбек Оралбай Доминикан Республикаси вакили Кристиан Пиналесни 3:2 ҳисобида мағлуб этди ва финалга йўл олди. Энди у финалда кубалик Арлен Лопес ёки украиналик Олександр Хижнякка қарши тўқнаш келади.
Олимпиадада ярим финалга чиққан боксчилар медалларни нақд қилишади. Ўзбекистон терма жамоаси 5 нафар боксчи билан ярим финалга етиб келди.
Халқаро бокс ассоциациясининг (IBA) 2022 йилда ўтказган тестлари Имон Хелифнинг биологик эркак эканлигини аниқлаганди, деди Жаҳон бокс ташкилоти (WBO) вице-президенти ва IBA собиқ бош котиби Истван Ковач. "Муаммо Хелифнинг тестостерон даражасида эмас эди, чунки буни тузатиш мумкин, балки Имоннинг биологик эркак эканлигини аниқ кўрсатган гендер тести натижасида", деди Ковач.
Париждаги Олимпия ўйинларининг очилиш маросимида ўзига нисбатан ўлим таҳдиди билан боғлиқ вазиятни кўрган айрим ташкилотчилар прокуратурага мурожаат қилган. Бу ҳақда Le Parisien нашри хабар бермоқда.
Халқаро бокс ассоциацияси (IBA) томонидан жазоирлик боксчи Иман Хелиф ва тайванлик боксчи Лин Ютингнинг гендер тестлари қонуний асосда олиб борилмаган. Бу ҳақда ХОҚнинг коммуникация бўйича директори Марк Адамс маълум қилди.
Испаниялик теннисчилар Кристина Буча ва Сара Соррибес-Тормо Олимпиаданинг бронза медалларини қўлга киритди. Учинчи ўрин учун кечган баҳсда улар чехиялик Каролина Мучова ва Линда Носковадан 6:2, 6:2 ҳисобида устун келди.
Олимпиадада гендер можаросига аралашган тайванлик боксчи Лин Ютинг 57 килограммгача вазн тоифасида ярим финалга чиқди ва Париждаги Олимпиада ўйинларида камида бронза медални кафолатлади. Чорак финалда Ютинг болгариялик Светлана Каменова-Станевани мағлуб этди.
Қиличбозлик бўйича Украина жамоавий йўналишда Париждаги Олимпиадада олтин медални қўлга киритди. Финалда украиналиклар Жанубий Корея вакилларидан 45:42 ҳисобида аниқроқ ҳаракат қилишди.
Наримон Қурбонов спорт гимнастикаси бўйича Қозоғистонга илк Олимпиада медалини келтирди. У спорт оти баҳсларида иккинчи бўлди.
Хитойлик теннисчи яккалик баҳсларида илк бор Олимпиада чемпиони бўлди. Чжэн Циньвэнь финалда хорватиялик Донна Векични 6:2, 6:3 ҳисобида енгди.
Велоспортчиларимиз Ольга Забелинская ҳамда Янина Кускова гуруҳ пойгаси дастуридаги иштирокларини бошлашди. Дастурга кўра, 93 нафар спортчи 158 км масофани босиб ўтишади.
Россиялик жангчи Александр Вольков 26-октябрь куни Абу-Дабидаги турнирда оғир вазн тоифасида собиқ UFC чемпиони франциялик Сирил Ганга қарши иккинчи жангини ўтказади. Шунингдек, Абу-Дабида россиялик Магомед Анкалаев ва австриялик Александр Ракич (ўрта вазнда иккинчи ва бешинчи), шунингдек, БАА термаси учун курашаётган австралиялик Роберт Уиттакер ва Ҳамзат Чимаев (ўрта вазнда учинчи ва 11-ўринлар) жанг қилади.
Америкалик гимнастикачи Симона Байлз Париж Олимпиадасида таяниб сакраш дастурида ғолиб чиқди ва Олимпия ўйинларининг етти карра чемпионига айланди. Байлз 15,300 балл тўплади, иккинчи ўрин бразилиялик Ребека Андраде (14,966), учинчи ўрин америкалик Жейд Кэрига (14,466) насиб қилди.
Афғонистонлик дзюдочи Муҳаммад Самим Файзаднинг Париж Олимпиадаси вақтида ўтказилган допинг тестида анаболик стероид станозолол топилди. Намуна 30 июль куни 81 килограммгача бўлган вазн тоифасида 1/16 финал баҳсидан сўнг олинган бўлиб, унда Файзад австриялик Воҳид Борхашвилига ютқазиб қўйганди.
Париж-2024 ёзги Олимпия ўйинларидан сўнг маҳоратли дзюдочи Гулноза Матниязова профессионал спортчилик фаолиятини расман якунлаганини эълон қилди. Бир неча кундан сўнг 30 ёшни қарши оладиган спортчимиз Рио-2016, Токио-2020 ва Париж-2024 ёзги Олимпия ўйинлари, 3 та Осиё ўйинлари, Жаҳон чемпионатлари, “Катта дубулға” ва Гран-при мусобақаларида Ўзбекистон шарафини муносиб ҳимоя қилди.
Хабарингиз бор, айни кунларда Франция пойтахти Париж шаҳрида ёзги Олимпиада баҳслари бўлиб ўтмоқда. Ушбу мусобақанинг футбол спорт тури доирасида Марокаш Испания учрашувида Илгиз Танташев бошчилигидаги ҳакамларимиз иш олиб боради.
Енгил атлетикачимиз Анвар Анваров Париж-2024 ёзги Олимпия ўйинларидаги иштирокини тугатди. Узунликка сакраш дастурида қатнашган бухоролик атлетимиз саралашда 7.77 метр натижа кўрсатди.