24 июль куни Тошкентда старт олган ва дунёнинг энг кучли жамоаларини бир майдонга тўплаган волейбол бўйича йигитлар ўртасидаги U-19 Жаҳон чемпионати кеча ўз якунига етди. Сўнгги куннинг финал баҳсида амалдаги чемпион Франция терма жамоаси Польшани 3:1 ҳисобида мағлуб этиб, яна бир карра жаҳон чемпионлигини қўлга киритди.
Кеча Таиланднинг Бангкок шаҳрида бокс бўйича Asian Boxing Осиё чемпионатининг учинчи кунги беллашувлари ўтказилди. Унда Ўзбекистон терма жамоасининг жами 7 нафар чарм қўлқоп устаси рингга чиқиб, ўз жангларида ғалаба қозонишди.
Россия Федерациясининг Екатеринбург шаҳрида бильярд спорти бўйича Екатеринбург шаҳар ҳокими соврини учун ўтган жаҳон кубогида ҳамюртимиз бронза медалига сазовор бўлди. Нуфузли мусобақада эркаклар ўртасидаги баҳсларда мамлакатимиз шарафини Жасур Раҳматуллаев, Жамолиддин Қўчқоров, Амир Рустамов ҳимоя қилган бўлса, аёллар мусобақасида Наргиз Тошева совринли ўринларга даъвогарлик қилди.
Грузияда таэквондо WT бўйича турли ёш тоифаларида ўтказилган “Batumi Open-2025” халқаро турнирида мамлакатимиз шарафини ҳимоя қилган ИИВ “ЖАР” спорт-соғломлаштириш комплекси таэквондочилари 3 та олтин ва 1 та кумуш медалига эга чиқди. Жумладан, нуфузли мусобақанинг сўнгги кунида Усмон Абдуғаниев (-27 кг.) грузиялик Йоане (loane) Жорбенадзени, Торгва Сумбадзени, туркиялик Али Барат Аталанни енгиб финал босқичига йўл олди.
Тошкентда ўтаётган волейбол бўйича йигитлар ўртасидаги U19 жаҳон чемпионати ўз якунига етиб бормоқда. Бугун Ўзбекистон ёшлар терма жамоаси аъзолари покистонлик тенгқурларига қарши 13-ўрин учун баҳс олиб боришди.
Малайзиянинг Кучинг шаҳрида пара таэквондо бўйича навбатдаги Осиё чемпионати ўтказилди. Унда қитъамизнинг 22 та мамлакатидан жами 180 нафарга яқин пара таэквондочилар иштирок этди.
Хабарингиз бор, 30 июлдан 12 августга қадар Таиланднинг Бангкок шаҳри 22 ёшгача бўлган боксчилар ва ёшлар ўртасида Осиё чемпионатига мезбонлик қилмоқда. Навбатдаги кун доирасида 22 ёшгача бўлган боксчиларимиз ўз баҳсларини ўтказади. -48 кг да Робия Бахтиёрова филиппинлик Офелиа Магнони 5:0 ҳисобида мағлуб этди; -51 кг да Гулсевар Ганиевада Ҳиндистон вакиласи Девика Горпадедан 5:0 ҳисобида устун келди; -57 кг да Хуморабону Мамажонова қозоғистонлик Виктория Баидуковани 3:2 ҳисобида таслим қилди; -50 кг да Беҳруз Холдоров Ҳиндистон вакили Вишванат Суреш устидан 3:1 ҳисобида ғалаба қозонди; -55 кг да Самандар Олимов қозоғистонлик Бексултан Боранбекга ҳеч қандай имконият қолдирмади - 5:0; -60 кг да Шоҳрух Абдумаликов непаллик Индра Сунарни қийинчиликсиз мағлуб этди - 5:0; -65 кг да Саят Илясов Хитой вакили Минг Ченни 5:0 ҳисобида енгди; -70 кг да Муҳаммадазизбек Исмоилов жанубий кореялик Гюбин Паркни ҳакамларнинг якдил қарорига кўра таслим қилди - 5:0.
Волейбол бўйича Тошкент вилояти Чирчиқ шаҳридаги Ўзбекистон давлат жисмоний тарбия ва спорт университетида Жаҳон чемпионати ўтказилмоқда. Ушбу турнир доирасида ҳозиргина якунига етган шиддатли баҳсларда Ўзбекистон жамоаси Япония жамоасини 3:1 ҳисобида мағлуб этди.
Таиландда ўтаётган бокс бўйича U19 ва U22 ёш тоифаларидаги Осиё чемпионати доирасида Asian Boxing ташкилотининг Конгресси бўлиб ўтди. Мазкур анжуманда ташкилот раҳбарияти таркиби шакллантириб олинди.
Венгрия ва Чехияда ўтказилган Европа кубоклари ҳамда халқаро ўқув-машғулот йиғинларида муваффақиятли иштирок этган Ўзбекистон ёшлар терма жамоаси Федерация раҳбарияти томонидан илиқ кутиб олинди. Учрашув аввалида федерация раиси Азизжон Камилов, раис ўринбосари Алишер Нарбаев ва бошқа мутасаддилар спортчилар ҳамда уларнинг мураббийларини халқаро майдондаги муносиб натижалари билан қутлашди.
Грузиянинг Тбилиси шаҳрида қиличбозлик бўйича катталар ўртасидаги дунё биринчилиги ниҳоясига етди. Дунёнинг 60 та мамлакатидан келган 300 нафарга яқин спортчилар қаторида ўзбекистонлик атлетлар ҳам медаллар учун баҳс олиб боришди.
Профессионал бокснинг супероғир вазн тоифасидаги чарм қўлқоп устамиз Баҳодир Жалолов Тошкентга қайтди. Box.rec интернет портали бир неча кун олдин Жалоловнинг 9 август куни Калифорния штати (АҚШ)да жанг қилиши ҳақида хабар берганди.
Греция пойтахти Афина шаҳри мезбонлик қилаётган спорт курашлари бўйича ўсмирлар (U17) ўртасидаги жаҳон чемпионатида биз учун тарихий натижа қайд этилди. Аёллар кураши беллашувларида илк бор ҳамюртимиз олтин медалга сазовор бўлди.
Таиланд пойтахти Бангкок шаҳри мезбонлик қилаётган Осиё чемпионатининг навбатдаги куни доирасида 22 ёшгача бўлган боксчиларимиз ўз баҳсларини ўтказадилар. Боксчиларимизнинг бугунги иштирокини Робия Бахтиёрова бошлаб берди.
Тошкент мезбонлик қилаётган волейбол бўйича U-19 ёш тоифасидаги Жаҳон чемпионатининг плей-офф учрашувлари бўлиб ўтмоқда. Бугун 1/8 финалда Италияга имкониятни бой берган Ўзбекистон ёшлар терма жамоаси 9-16 ўринлар учун кечган баҳсда Бразилияга қарши баҳс олиб борди.
Бугун Фарғона шаҳридаги “САМО” спорт мажмуасида трамполин спорт тури бўйича кичик ёшдаги ўғил-қизлар ўртасида Фарғона шаҳар 1-сон спорт мактабининг очиқ биринчилиги мусобақаси бўлиб ўтди. Ушбу спорт мусобақаси “Долзарб 90 кун” тадбирлари доирасида, ёшларнинг ёзги таътил давридаги бўш вақтларини мазмунли ва фойдали ўтказиш, уларни спортга кенг жалб қилиш мақсадида ташкил этилди.
Бугун Ўзбекистон таэквондо WТ ассоциацияси раиси, мамлакат Миллий Олимпия қўмитаси раиси ўринбосари Шерзод Ташматов Малайзиянинг Кучинг шаҳрида ўтказилган ўсмирлар ва ёшлар ўртасидаги Осиё чемпионатида муваффақиятли иштирок этиб, ғолиб ва совриндорлар қаторидан жой олган спортчиларимиз билан учрашди. Учрашув давомида Шерзод Рихсибаевич ёш таэквондочиларни қўлга киритилган натижалар билан самимий қутлаб, бу билан тўхтаб қолмаслик керак экани, олдинда уларни Дакар-2026 ўсмирлар Олимпиадаси кутиб турганини таъкидлади.
Таиландда бокс бўйича U-19 ва U-22 ёш тоифаларидаги Осиё чемпионати старт олди. Қитъамизнинг 25 мамлакатидан 367 нафар спортчи қатнашаётган мазкур мусобақада Ўзбекистон терма жамоаси ҳам катта таркибда иштирок этади.
Бугун Спорт вазири Адкҳам Икрамов ҳузурида спорт мактаблари фаолиятини тизимли ташкил этишнинг қўшимча чора-тадбирлари тўғрисида тақдимот ўтказилди. Тақдимот давомида 2025/2026-ўқув йили давомида амалга ошириладиган ишлар, хусусан спорт мактаблари фаолиятини такомиллаштириш бўйича ишлаб чиқилган таклифлар илгари сурилди.
Греция мезбонлик қилаётган спорт курашлари бўйича U-17 ёш тоифасидаги жаҳон чемпионатида Ўзбекистон терма жамоаси яна бир медалга эга чиқди. Ушбу медални қизлар кураши дастурида иштирок этган Муҳайё Раҳимжонова қўлга киритди.
АҚШнинг Техас штатида каратэ бўйича ўтказилган АҚШ Очиқ чемпионатида ҳамюртимиз Шоҳрухбек Турсунмахамматов -75 кг вазн тоифасида якка тартибдаги кумитэ баҳсларида барча рақибларини мағлубиятга учратиб, олтин медалга сазовор бўлди. 7 ёшидан бери каратэ билан шуғулланиб келган Шоҳрухбек Турсунмахамматов кумитэ йўналиши билан бир қаторда, ката машқларини бажаришда ҳам совриндорлар қаторида эътироф этилди.
Маълум қилинишича, боксчимизнинг намунасидан тақиқланган модда — метастерон метаболитлари аниқланган. Шу боис, у спорт мусобақаларидан вақтинча дисквалификация қилинди.
Оғир (120 кг гача) ва яримоғир (93 кг гача) вазн тоифаларида собиқ UFC чемпиони яна муаммолар гирдобига тушиб қолди. Америкалик 38 ёшли аралаш яккакураш устасининг 17 июнь куни Албукеркда (Невада штати, АҚШ) содир бўлган йўл-транспорт ходисаси жойини тарк этгани ҳақидаги иш бўйича иккита суд мажлиси - 14 август ва 2 сентябрь кунлари бўлиб ўтади. Бу ҳақда нуфузли MMA Fighting портали мухбири ва инсайдери Деймон Мартин ўзининг Х (собиқ Twitter) ижтимоий тармоғидаги саҳифасида маълум қилди.
Жорий йилнинг 31 июлидан 3 августига қадар Грузиянинг Батуми шаҳрида таэквондо WT бўйича турли ёш тоифаларида “Batumi Open-2025” халқаро турнири бўлиб ўтади. Унда дунёнинг ўндан ортиқ давлат терма жамоалари қаторида ўзбекистонлик таэквондо усталари ҳам қатнашади.
Греция пойтахти Афина шаҳрида спорт курашлари бўйича U17 ёш тоифасида ўтказилаётган жаҳон чемпионатида юнон-рум кураши баҳслари ўз якунига етди. Унда 51 килограммгача вазнда мамлакатимиз шарафини ҳимоя қилган Отабек Турсунов сўнгги ҳал қилувчи финал беллашувида озарбайжонлик Ҳикмат Ҳагвердиевни 4:1 ҳисобида енгган бўлса, -71 кг вазндаги полвонимиз Беҳрузбек Валиев грециялик Димитриос Соулис устидан 3:1 ҳисобида зафар қучди.
Покистон тоғларида тош кўчкиси остида қолган биатлон бўйича икки карра Олимпиада чемпиони Лаура Далмаер ҳалок бўлди. Бу ҳақда унинг менежери хабар берди.
Бирлашган Араб Амирликларининг Дубай шаҳрида бундан бир ой муқаддам ўтган “Dubai First Off-Season” халқаро робототехника мусобақасида Ўзбекистон вакиллари саралаш босқичида 8 та энг яхши натижани қўлга киритиб, Хитой Халқ Республикасида бўладиган финал босқичида иштирок этиш ҳуқуқини қўлга киритган эди. Дубай баҳсларида яккахон тартибда биринчи, умумжамоа ҳисобида иккинчи ўринни эгаллаб, "Энг яхши бошқарув" номинацияси соҳиби бўлган Ўзбекистон миллий робототехника жамоаси куни кеча Хитойда якунланган финал мусобақаларида ҳам яхши натижаларни қайд этди.Саня шаҳрида ўтказилган “Sanya WRC 2025” халқаро мусобақасида дунёнинг турли давлатларидан 2 минг нафардан ортиқ робототехника йўналишида изланишлар олиб бораётган ёш тадқиқотчилар ўзларининг янги инновацион технологияларини глобал майдонда синовдан ўтказди.
Австралиянинг Сидней шаҳрида Осиё Футбол Конфедерацияси (ОФК) аёллар футболи қўмитасининг навбатдаги йиғилиши бўлиб ўтди. Унда Ўзбекистон футбол ассоциацияси аёллар футболи бўлими бошлиғи Юлия Панина иштирок этди.
World Aquatics билан ҳамкорликнинг янги босқичлари муҳокама қилинди. Ўзбекистон Республикаси Спорт вазири Адҳам Икрамов, Ўзбекистон Миллий Олимпия қўмитаси раисининг биринчи ўринбосари, Осиё Олимпия кенгаши (ООК) вице-президенти Отабек Умаров, Миллий Паралимпия қўмитаси раисининг биринчи ўринбосари, Ижтимоий ҳимоя Миллий агентлиги директорининг биринчи ўринбосари Шаҳноза Мирзиёева, МОҚ Бош котиби Ойбек Касимов Бутунжаҳон сузиш федерацияси (World Aquatics) Президенти, Осиё Олимпия кенгаши Бош директори Ҳусайн Ал Мусаллам билан учрашишди.
Сингапурда ўтаётган сув спорти турлари бўйича жаҳон чемпионати доирасида Ўзбекистон спорти расмийлари Халқаро Олимпия қўмитаси Президенти Кирсти Ковентри ҳамда Олимпия бирдамлиги дастури директори, ХОҚнинг Миллий Олимпия қўмиталари билан ишлаш департаменти раҳбари Жеймс Маклеод билан учрашув ўтказишди. Учрашувда Спорт вазири Адҳам Икрамов, Ўзбекистон Миллий Олимпия қўмитаси раисининг биринчи ўринбосари, Осиё Олимпия кенгаши (ООК) вице-президенти Отабек Умаров ҳамда Миллий Паралимпия қўмитаси раисининг биринчи ўринбосари, Ижтимоий ҳимоя Миллий агентлиги директорининг биринчи ўринбосари Шаҳноза Мирзиёева, МОҚ Бош котиби Ойбек Касимов ХОҚ раҳбари билан суҳбатлашишди.