Ўзбекистонда хусусий секторни кенгайтириш, кичик бизнес ва хусусий тадбиркорликни жадал ривожлантириш йўлида туб бурилиш ясашга қаратилган бутун бир қатор иқтисодий ва ҳуқуқий ислоҳотлар амалга оширилди. Хусусий мулк ва хусусий тадбиркорлик ҳуқуқларини ҳимоя қилиш, бозор инфратузилмасини шакллантириш, давлатнинг тадбиркорлик фаолиятига аралашувини чеклаш бўйича қонунчиликни мустаҳкамлаш борасида катта ишлар амалга оширилиб, тадбиркорлик субектларига нисбатан ҳар қандай жазо чоралари фақат суд қарори билан қўлланилиши юзасидан мониторинг олиб борилмоқда.
Меҳнат шартномаси тарафларига боғлиқ бўлмаган ва меҳнат муносабатларининг давом этишига тўсқинлик қилувчи обектив сабаблар янги Меҳнат кодексининг 168-моддасида санаб ўтилган. Ҳарбий хизматга чақирув мана шундай ҳолатлардан биридир.Агар ходим ҳарбий ёки муқобил хизматга чақирилган бўлса, у билан меҳнат шартномаси айнан шу асос бўйича бекор қилинади.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан Ўзбекистонда урбанизациянинг ривожланиш тенденциялари таҳлил қилинди. «Ўзбекистон — 2030» стратегиясида 2030-йилга бориб, урбанизация даражасини 51% дан 60% га етказиш, Самарқанд ва Наманган шаҳарларини “миллионлик шаҳарлар”га айлантириш, аҳолиси 300 мингдан кўп бўлган шаҳар ва туманлар сонини 28 тага етказиш, ҳамда барча аҳоли пунктларининг бош режаларини ишлаб чиқиш мақсадлари белгиланган.
Ўзбекистон Республикаси Президентининг 16.06.1994 йилдаги ПФ-871-сон Фармони 1-бандининг 3-хатбошисига кўра, бола туғилганда меҳнатга ҳақ тўлашнинг энг кам миқдори 70,3 фоизи миқдорида бир йўла нафақа берилади яъни халқона қилиб айтганда «суюнчи пули» берилади. Ҳозирги кунда Меҳнатга ҳақ тўлашнинг энг кам миқдори — ойига 1 155 000 сўм.
Боку шаҳрига амалий ташриф доирасида Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиев ва Чехия Бош вазири Петр Фиала билан учрашув ўтказди. Унда давлатлар ўртасидаги муносабатларини янада ривожлантириш ва устувор йўналишларда амалий ҳамкорликни кенгайтиришнинг долзарб масалалари муҳокама қилинди.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан иқтисодий фаоллик даражасини баҳолаш ва прогноз қилиш учун республикада уй-жой ва ипотека бозоридаги фаоллик даражаси таҳлил қилинди. Таҳлил давомида қуйидагилар аниқланди: 2024-йилнинг III-чорагида Ўзбекистон уй-жой бозорида фаоллик даражаси пасайди.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2024-йилнинг октябрь ойида автомобиллар нархи таҳлил қилинди. 2024-йилнинг октябрь ойида иккиламчи автомобиль бозорида «Lacetti», «Damas», «Labo» нархлари пасайишда давом этди.
Ҳар қандай жамиятнинг ривожи, тараққиёти албатта ёшларга берилган эътиборга боғлиқдир. Уларни таълим тарбияси билан бир қаторда касбга йўналтириш муҳим омил бўлиб ҳисобланади.
Кириш Энергия самарадорлиги ва энергия тежамкорлиги, айниқса, Ўзбекистон каби жадал ривожланаётган мамлакатларда долзарб муаммолардан бири ҳисобланади. Мамлакат иқтисодиёти ва инфратузилмасини модернизация қилиш, аҳоли сонининг ўсиши билан бирга, энергияга бўлган талабнинг ошиши кузатилмоқда, бу эса ўз навбатида табиий ресурслар ва экотизимга бўлган босимни кучайтирмоқда.
Никоҳланувчи шахсларнинг ёки эр ва хотиннинг никоҳда бўлган даврида ва (ёки) эр ва хотин никоҳдан ажратилган тақдирда уларнинг мулкий ҳуқуқ ҳамда мажбуриятларини белгиловчи келишуви никоҳ шартномаси деб ҳисобланади. Никоҳ шартномасининг мазмуни: Эр ва хотин никоҳ шартномасига кўра биргаликдаги умумий мулкнинг қонунда белгиланган тартибини ўзгартиришга, эр ва хотиннинг барча мол-мулкига, унинг айрим турларига ёхуд эр ва хотиндан ҳар бирининг мол-мулкига нисбатан биргаликдаги, улушли ёки алоҳида эгалик қилиш тартибини ўрнатишга ҳақлидир.
Давлатимиз раҳбари топшириғига асосан Президент Администрацияси ҳамда Халқ қабулхонаси бошчилигидаги Республика ишчи гуруҳи вакиллари энг чекка, ижтимоий-иқтисодий ҳолати оғир ҳудудларда камбағаллик ва ишсизликни қисқартириш, аҳоли бандлигини таъминлаш ҳамда жойларда қиш мавсумига тайёргарлик кўриш бўйича ўз фаолиятини давом эттирмоқда. Ҳозирда ишчи гуруҳ Тошкент вилоятининг Бекобод шаҳри, Бекобод, Бўка, Оққўрғон, Қуйичирчиқ ҳамда Юқоричирчиқ туманларидаги 246 та маҳаллада кенг кўламдаги ишларни амалга оширмоқда.
Тошкент, 2024-йил. Бирлашган миллатлар ташкилотининг Озиқ-овқат ва қишлоқ хўжалиги ташкилоти (ФАО) танлаб олинган қишлоқ хўжалиги маҳсулотларининг (САП) барқарор қиймат занжирларини рағбатлантиришга қаратилган “Бир мамлакат, бир устувор маҳсулот” (ОCОP) ташаббусини амалга оширмоқда.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари “ақлли қишлоқлар”ни ривожлантириш бўйича хорижий тажрибани ўрганди. “Ақлли қишлоқлар” концепцияси нафақат қишлоқларнинг рақамли трансформацияси, балки уларнинг ривожланишига янгича қарашни ҳам ифодалайди.
“ … коррупциянинг ҳар қандай кўринишига муросасиз бўлиш кундалик ҳаёт тарзимизга айланиши шарт. Бу иллатга қарши курашишга барча давлат органлари, сиёсий партиялар, жамоат ташкилотлари, оммавий ахборот воситалари, умуман, ҳар бир фуқаро сафарбар этилиши зарур”.
Ўзбекистон Республикаси Конституциясининг 20-моддасида: “Фуқаролар ўз ҳуқуқ ва эркинликларини амалга оширишда бошқа шахсларнинг, давлат ва жамиятнинг қонуний манфаатлари, ҳуқуқлари ва эркинликларига путур этказмасликлари шарт”, деб кўрсатилган. Кўриниб турибдики, жаҳондаги қатор ривожланган мамлакатлар каби Ўзбекистонда хам инсоннинг шахсий ҳуқуқ ва эркинликларини та’минлаш давлат томонидан кафолатланган.
Тошкент шаҳар божхона бошқармаси Контрабандага қарши курашиш ва божхона аудити бўлими ва Тошкент шаҳар Миробод тумани ИИО ФМБ ЖҚБ ходимлари билан хамкорликда пиротехника воситаларининг ноқонуний айланувини олдини олиш юзасидан хамкорликда тезкор тадбир ўтказилди. Тезкор тадбир давомида, Ўзбекистон Республикаси фуқароси Р.Д.Давронов томонидан қайта сотиш учун олиб келинган Яшнобод туманида жойлашган уйларнинг бирида юклашга тайёрлаб қўйилган божхона расмийлаштирувидан ўтганлигини тасдиқловчи ҳужжатлари бўлмаган жами 8 дона картон коробкалардаги 218 дона Золотой дракон номли (салют), 230 дона Новий век номли (салют), 2736 дона Соловей разбойник номли (бомбочка) ва 4 дона 9Д номли (салют) пиротехника воситалари борлиги аниқланиб, ушбу пиротехника воситалари холислар иштирокида баённома расмийлаштирилилган холда вақтинча сақловга олинган.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари Барқарор ривожланиш мақсадлари (БРМ 7) га эришиш контекстида аҳолининг соф энергиядан фойдаланиш имкониятларини таъминлаш бўйича эришилган натижаларни баҳолади. Ижобий ўзгаришларни баҳолашда индекслар (SDG) ва рейтинг кўрсаткичлари қўлланилди.
2024-йилнинг август ойида автомобиллар нархи июль ойидагига нисбатан ошган бўлсада, сентябрь ойида нархларда пасайиш кузатилди. Маҳаллий оммабоп автомобиллар («Lacetti», «Cobalt», «Nexia», «Spark», «Damas», «Labo») нархлари.
Самарқанд шаҳар тиббиёт бирлашмаси шифокорлари томонидан деярли уч килолик қалқонсимон без тугуни жарроҳлик йўли билан олиб ташланди. 60 йилдан кўпроқ вақт давомида дарддан азият чекиб юрган 80 ёшли бемор ўзини яхши ҳис этмоқда.
Самарқанд халқаро технология университети (SIUT) жамоаси томонидан шаҳар куни тантанали, ӯзига хос кӯтаринки руҳда нишонланди. Унда университет профессор-ўқитувчилари, талабалар, жамоатчилик вакиллари, ОАВ ходимлари иштирок этди.
Ўзбекистон Республикаси Президентининг “Дзюдо спорт турини янада ривожлантириш чора-тадбирлари тўғрисида”ги қарори ижросини таʼминлаш ҳамда Халқаро ҳарбий спорт кенгашининг 2024-йил учун календар режасига мувофиқ, 16-октябр куни пойтахтимизнинг “Юнусобод” спорт мажмуасида Ўзбекистонда илк бор ҳарбийлар ўртасида дзюдо бўйича 42-жаҳон чемпионати бошланди. Мудофаа, Спорт, Маданият ва Ташқи ишлар вазирликлари, Миллий олимпия қўмитаси, Ўзбекистон дзюдо федерацияси ҳамкорлигида ўтказилаётган ушбу чемпионатда дунёнинг 30 та мамлакатидан 400 га яқин ҳарбий спортчилар, делегация раҳбарлари ва ҳакамлар, шунингдек, Халқаро дзюдо федерацияси вакиллари ва қатор мартабали меҳмонлар ташриф буюрган.Ҳалимажон Қурбонова (-48 кг), Абдураҳим Нутфуллаев (-66 кг), Нигина Сапарбаева (-63 кг) кумуш, Лазиза Ҳайдарова (-48 кг), Баҳром Ботуров (-60 кг) ва Нилуфар Эрмаганбетова (-57 кг) эса бронза медалига сазовор бўлди.
14-18-октабр кунлари Италиянинг Рим шаҳрида “Бутунжаҳон озиқ-овқат форуми” бўлиб ўтди. Глобал аҳамиятга эга тадбир бутун дунёдан соҳа мутахассислари ва экспертлари, ўнг минглаб иштирокчиларни жорий йилги мавзу, “Сифатли озиқ-овқат барча учун: бугун ва келажак” шиори остида бирлаштирди.
Шу йилнинг 17-октабридан 26-октабрига қадар мамлакатмизда «Халқаро ҳамкорлик ташаббуслари ҳафталиги доирасида қатор халқаро анжуманлар бўлиб ўтади. Кенг кўламли тадбирнинг биринчи куни сайловнинг конституциявий-ҳуқуқий асослари ва амалга оширилаётган демократик ислоҳотларга бағишланган сессия билан бошланди.
Инсоният пайдо бўлибдики, қайси даврда яшашидан қатъий назар ерга бўлган эҳтиёж ва муносабатлар муҳим омиллардан бири бўлиб ҳисобланган. Бугунги кун мисоли билан оладиган бўлсак, Республикамизда аҳоли сони ўсган сари ерга бўлган талаб албатта ўз ўзидан ошиб бориши табиий ҳолдир.
Ҳеч кимга сир эмаски, собиқ иттифоқ даврида меҳнат қилиш ҳар бир фуқаронинг мажбуралар ияти ҳисобланган ва бунинг учун инсонлар таъқибларга учраганлигини ота-боболаримизнинг ҳикояларида эшитганмиз. Холбуки, меҳнат қилиш бу инсоннинг мажбурияти эмас – балки ҳуқуқидир.
London, Buyuk Britaniya – 2024-yil 18-sentabr – Raqamli to‘lovlar bo‘yicha jahon yetakchisi — Visa jahon miqyosidagi fintech kompaniyasi TransferGo bilan hamkorlikni davom ettirmoqda. Yangi aksiya TransferGo Buyuk Britaniya va Yevropa Ittifoqi mijozlariga Markaziy Osiyo, Kavkaz va Moldovaning to‘qqizta davlatidagi Visa karta egalariga pul jo‘natish va 5 foizgacha keshbek olish imkonini beradi.
Президент Халқ қабулхонаси раҳбари Улуғбек Муҳаммадиев бошчилигида Тошкент вилоятида суд-ҳуқуқ масалалари бўйича ташкил қилган оммавий қабуллар ҳам бир ҳақиқатни яна бир бор исботлади: жавобсиз савол, ечимсиз масаланинг ўзи йўқ. Ноҳақдан ҳақни ажратиш учун, аввало, икки томонни ҳам тинглаш керак.
Озарбайжон Республикаси жорий йилнинг ноябр ойида БМТ нинг Иқлим ўзгариши бўйивҳа Доиравий Конвенсияси иштирокчилари конференсиясининг 29-сессиясига мезбонлик қилади. Саксон мингдан ортиқ меҳмон – дунёдаги давлатларнинг президентлари, бош вазирлари, бошқа расмий шахслар, шунингдек халқаро ташкилотларнинг вакиллари Озарбайжонга ташриф буюриб, иқлим ўзгариши билан боғлиқ масалаларни атрофлича музокара қиладилар.
Одамларнинг дардини ҳис этиш, оғирини енгил қилиш, орзу-истакларини рўёбга чиқариш бугун давлат идоралари раҳбарлари ҳамда масъуллари олдида турган энг долзарб аҳамиятга эга бўлган масала бўлиб турибди. Давлатимиз раҳбари баҳорнинг илк кунларида Хоразм вилоятига қилган ташрифи чоғида аҳолини бандлигини таъминлаш, янги иш ўринларини яратиш, тадбиркорликни ривожлантириш мақсадида қатор топшириқлар берган эди.
БМТ Тараққиёт Дастури ва ҳамкорларнинг биргаликдаги саъй-ҳаракатлари доирасида 2024-йил 30-сентябр куни Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Техник меъёрлаш ва стандартлаштириш илмий-тадқиқот институти негизида ташкил этилган Рақамли Ресурс Марказига янги замонавий ускуналар топширилди. Рақамли ресурс маркази энергия сарфини самарали кузатиб бориш ва энергияни тежаш йўлларини ишлаб чиқиш учун замонавий технологиялар ва илғор тажрибаларни бирлаштирган, ҳам бюджетга, ҳам атроф-муҳитга фойда келтирадиган асосий муассаса ҳисобланади.