Кўксарой қароргоҳида мамлакатимизга давлат ташрифи билан келган Қирғиз Республикаси Президенти Садир Жапаровни тантанали кутиб олиш маросими бўлди. Бу ҳақда Президент маьбуот хизмати хабар берди.
“Тошкент шаҳрида Америка технологиялар университетини ташкил этиш чора-тадбирлари тўғрисида”ги Президент Қарори (ПҚ-261-сон, 17.07.2024 й.) қабул қилинди. Бу ҳақда Адлия вазирлиги хабар қилди.
Бугун Тошкентнинг учта туманида 7 мингдан ортиқ хонадонда газ бўлмайди. Бу ҳақда «Ҳудудгаз таъминот» хабар қилди.
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) томонидан Қорақалпоғистоннинг Кегейли, Қораўзак ва Чимбой туманларида қишлоқ аҳолисига муқобил даромад манбаи сифатида сув тежовчи технологиялар ўрнатиб берилди. Ҳар бир тумандан 15 тадан оилага жами 45 та томчилатиб суғориш тизимларининг ўрнатилиши Оролбўйи ҳудудларида яшовчи аҳолига бир қанча енгилликлар яратди.
Йўловчиларга қулайлик яратиш мақсадида 2024 йилнинг 23 август кунидан ҳафтанинг ҳар жума, шанба ва якшанба кунлари 778/777-сонли “Тошкент — Бухоро — Тошкент” йўналишида “Афросиёб” электропоездининг қўшимча ҳаракати йўлга қўйилди. Бу ҳақда “Ўзтемирйўлйўловчи” АЖ матбуот хизмати хабар қилди.
Ўзбекистон Республикаси Президентининг қарорига мувофиқ Ҳайдаров Илҳом Уткурович Ўзбекистон Республикаси ташқи ишлар вазирининг ўринбосари этиб тайинланди. Бу ҳақида вазирлик хабар берди.
Бундан салкам 3 ой аввал Жаҳон соғлиқни сақлаш ташкилоти дунё бўйлаб парранда гриппи деб аталувчи H5N1 вируси кенг тарқала бошлагани ҳақида баёнот билан чиққанди, дея хабар бермоқда ССВ Матбуот хизмати. Қайд этилишича, бунга апрель ойида АҚШда ушбу касаллик инсонларга ҳам юқиши билан боғлиқ илк ҳолат аниқлангани, кўп ўтмай Мексикада инсонлар ўртасида инфекциянинг янги — H5N2 штаммидан биринчи ўлим қайд этилгани сабаб бўлган.
Давлат раҳбари сешанба куни бўлиб ўтган йиғилишда келгуси ўқув йилида бу йўналишда қатор янгиликларни амалга ошириш режалаштирилган. Бу ҳақда Президент матбуот хизмати хабар берди.
Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси «Корзинка» супермаркетлар тармоғи («Anglesey Food» МЧЖ ХК) томонидан жойлаштирилган реклама бўйича ўрганиш ишлари олиб борилаётганлигини маълум қилган эди. Қўмита матбуот хизматнинг маълум қилишича, истеъмолчиларнинг ҳуқуқларини ҳимоя қилиш ва реклама тўғрисидаги қонунчилик ҳужжатлари бузилиши юзасидан ишларни кўриб чиқиш бўйича Махсус комиссия томонидан қўзғатилган ишда «Корзинка» супермаркетлар тармоғи бренди остида фаолият кўрсатувчи «Anglesey Food» МЧЖ ХК айбдор деб топилди.
Хабар берганимиздек, президент Шавкат Мирзиёев раислигида иқтисодий ўсиш суръатларини таъминлаш юзасидан биринчи ярим йилликда амалга оширилган ишлар ва келгуси вазифаларга бағишланган видеоселектор йиғилиши бўлиб ўтди. Унда пахта-тўқимачилик кластерларининг молиявий барқарорлиги билан боғлиқ масалалар кўриб чиқилди.
Қирғизистон президенти Садир Жапаров 18−19 июль кунлари давлат ташрифи билан Ўзбекистонда бўлади. Бу ҳақда Қирғизистон раҳбари матбуот хизмати хабар берди.
Саноқли кунлардан сўнг бу йилги ХХХIII ёзги Олимпия ўйинлари Парижда 26 июл куни бошланади ва 11 августга қадар давом этади. Миллий олимпия қўмитаси маълум қилинганидек, бу йил 90 нафар спортчидан иборат Ўзбекистон делегацияси спортнинг 19 турида иштирок этади.
Олмалиқ шаҳридаги “Металлург” маданият саройида МТТУ МИСиС Олмалиқ филиали битирувчиларига дипломларни тантанали топшириш маросими бўлиб ўтди. Тадбирда Россия Федерациясининг мамлакатимиздаги Фавқулодда ва мухтор элчисининг иккинчи котиби Илья Матвеев, Тоғ-кон саноати ва геология вазирининг ёшлар масалалари бўйича маслаҳатчиси Мирзабек Ҳасанов, ОКМК бошқаруви раисининг ходимлар ва ижтимоий масалалар бўйича ўринбосари Саъди Шерматов, МТТУ МИСиС Олмалиқ филиали директори Фарҳод Умаров ва филиалнинг бизнес ҳамкорлари талабаларга катта ҳаёт йўлида муваффақиятлар тилашди.
Президент йиғилишида Қурилиш инспекцияси фаолиятини жонлантириш зарурлиги қайд этилди, дея хабар қилди Президент матбуот хизмати. Ўтган бир ярим йилда экспертизаси йўқ 2,2 минг объект қурилишига асоссиз рухсат берилган.
“Ногиронликни белгилаш тизимини такомиллаштириш бўйича қўшимча чора-тадбирлар тўғрисида”ги Президент Қарори (ПҚ-257-сон, 16.07.2024 й.) қабул қилинди. Бу ҳақда Адлия вазирлиги хабар қилди.
Олий Мажлис Қонунчилик палатасининг навбатдаги мажлисида Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси ташаббуси билан Ўзбекистон Республикаси Ёшлар ишлари агентлиги директори Алишер Саъдуллаевнинг «Ёшларни ҳуқуқий ва ижтимоий ҳимоя қилишга, шунингдек уларнинг бандлигини таъминлашга қаратилган чора-тадбирларни амалга ошириш бўйича олиб борилаётган ишлар тўғрисида»ги ахбороти эшитилди. Бу ҳақда Қонунчилик палатасининг матбуот хизмати хабар берди.
2024 йилнинг январь июнь ойларида жами 56,9 минг нафар чет эл фуқароси даволаниш мақсадида Ўзбекистонга келган. Бу ҳақда Соғлиқни сақлаш вазирлиги матбуот хизмати хабар берди.
Президент Шавкат Мирзиёев 16 июль куни ҳудудларда туризм инфратузилмасини яхшилаш ва хорижий туристлар оқимини кўпайтириш чора-тадбирлари бўйича тақдимот билан танишди. Бу ҳақда шу йил 3 июнь куни бўлиб ўтган видеоселектор йиғилиши ҳамда тадбиркорлар билан мулоқотда топшириқ берилган эди.
Ўзбекистонда миллий профилактик эмлаш календари жорий этилган. Унга кўра, бугунги кунда болалар 13 турдаги юқумли касалликлар — вирусли гепатит В, сил, полиомиелит, ротавирус инфекция, бўғма, қоқшол, кўкйўтал, Хиб инфекция, қизамиқ, эпидпаротит, қизилча, пневмококк инфекция, ВПЧ-одам папиллома вирусларига қарши режали тарзда эмланади, дея маълумот бермоқда ССВ Матбуот хизмати.
Давлат хавфсизлик хизмати ходимлари томонидан Ички ишлар вазирлиги билан ҳамкорликда Тошкент шаҳрида ўтказилган тезкор тадбирда 22 минг АҚШ доллари эвазига ИИВ Академиясига ўқишга киритмоқчи бўлган шахс ушланди. Бу ҳақда ДХХ хабар берди.
Ўзбекистон президенти номидан Ўзбекистон халқидан Қирғизистон халқига инсонпарварлик ёрдамлари юборилмоқда. Бу ҳақда Андижон вилояти ҳокимлиги матбуот хизмати хабар берди.
Жорий йилнинг 17-22 июль кунлари кучли ёмғир ёғиши кутилаётгани сабабли республиканинг тоғолди ва тоғли ҳудудларида сел юзага келиши мумкин. Бу ҳақда «Ўзгидромет» агентлиги директори Шерзод Ҳабибуллаев ижтимоий тармоқдаги саҳифасида маълум қилди.
Солиқ қўмитаси солиқ тўловчилар учун сунъий интеллект базасида яратилган виртуал ёрдамчини ишга туширди. Бу ҳақда қўмита матбуот хизмати маълум қилди.
“Иссиқлик электр станциялари” АЖ 2024 йил 1-ярим йиллигида эришган асосий кўрсаткичлари “Иссиқлик электр станциялари” АЖ томонидан 2024 йилнинг 1-ярим йиллигида 17 миллиард киловатт соат электр энергияси ишлаб чиқарилди, бу режага нисбатан 111,8 фоиз. Бу ҳақда Жамият матбуот хизмати хабар қилди.
2024 йил 14 июль куни ўтказилган олий ва профессионал таълим муассасаларига ўқишга кириш тест синови натижалари эълон қилинди. Бу ҳақда Билимни баҳолаш агентлиги хабар қилди.
Ижтимоий тармоқларда «UzAuto Motors» АЖ томонидан 2024 йил 8 июль куни ўтказилган 1,3 миллиард сўмлик давлат харидида аффилланган шахслар иштирок этиб, ғолиб бўлганлиги юзасидан хабарлар эълон қилинган. Коррупцияга қарши курашиш агентлиги томонидан ўтказилган ўрганишда ушбу харид жараёнида иштирок этган тадбиркорлик субъектларининг раҳбар ва таъсисчилари яқин қариндош эканлиги, шу боис мазкур жамиятлар аффилланган шахслар ҳисобланиши маълум бўлган.
Ижтимоий тармоқларда «Темур ғори тоғларида ёнғин» сарлавҳаси остида видеолар тарқалди. Вилоят ФВБ ҳолат юзасидан расмий маълумот берди.
Самарқанд давлат тиббиёт университети талабалари АҚШда ўқиш имкониятига эга бўлади. Бу ҳақда Соғлиқни сақлаш вазирлиги ахборот хизмати хабар берди.
“Ўзбекистон фуқароларини хорижда ташкиллаштирилган тартибда ишга жойлаштириш тизимини янада такомиллаштириш чора-тадбирлари тўғрисида”ги ҳукумат қарори лойиҳаси эълон қилинди. Камбағалликни қисқартириш ва бандлик вазирлиги 2024 йил 1 октябрдан бошлаб Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан: а) маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимлари ёрдамчиларининг ёзма тавсияномасига асосан: боқувчиси хорижга меҳнат миграциясига чиқиб кетган ва «Ижтимоий ҳимоя ягона реестри» ахборот тизимида рўйхатда бўлган оилаларга базавий ҳисоблаш миқдорининг 2 баравари миқдорида бир марталик моддий ёрдам; меҳнат миграциясига чиқиб кетган фуқароларнинг “Ижтимоий ҳимоя ягона реестри” ахборот тизимида рўйхатда бўлган ёки “Темир дафтар”, “Аёллар дафтари” ва “Ёшлар дафтари”дан бирига киритилган, ногиронлиги бўлган оила аъзоларига дори-дармон, ногиронлик аравачалари, эшитиш аппаратлари ва ортопедик маҳсулотлар харид қилиш учун базавий ҳисоблаш миқдорининг 5 баравари миқдорида бир марталик моддий ёрдам; меҳнат миграциясига чиқиб кетган фуқароларнинг Ўзбекистон Республикасида улар билан бирга истиқомат қилувчи пенсия ёшига етган ёки I ва II гуруҳ ногиронлиги бўлган оила аъзоларига касаба уюшмалари тизимидаги санаторий ва профилактик даволаниш муассасаларига бир марталик бепул йўлланма; б) маҳаллалардаги ёшлар етакчиларининг ёзма тавсияномасига асосан “Ижтимоий ҳимоя ягона реестри” ахборот тизимида рўйхатда бўлган ёки “Темир дафтар”, “Аёллар дафтари” ва “Ёшлар дафтари”дан бирига киритилган ҳамда меҳнат миграциясига чиқиб кетган фуқароларнинг болаларига мавсумий фаолият юритадиган оромгоҳларга бепул йўлланмалар беришни йўлга қўяди.
«Қамчиқ» довонида юк машинаси иштирокида йўл-транспорт ҳодисаси содир бўлди. Бу ҳақда «Қамчиқавтойўл» хабар берди.