Дунёда глобал исишни саноатлашувгача бўлган даврга нисбатан 1,5°C даражасида ушлаб қолиш эҳтимоли паст. Бироқ иссиқхона газлари чиқиндиларини қисқартириш ҳароратнинг янада кўтарилишини чеклаши мумкин.
Тошкент вилоятидан пойтахтга қатнайдиган учта янги автобус йўналишини ишга тушириш режалаштирилмоқда. Тошкент шаҳар транспорт бошқармаси маълум қилишича, янги автобуслар транспорт кутиш вақтини қисқартириш ва амалдаги йўналишлардаги юкламани камайтиришга ёрдам беради.
2026 йил 22 октябрь, Тошкент. Алишер Навоий номидаги Миллий кино санъати саройида Тошкент ва Урганч шаҳарларида бўлиб ўтадиган XI Европа кинофестивалининг тантанали очилиш маросими бўлиб ўтди.
2026 йилнинг саккиз ойида Ўзбекистонда умумий овқатланиш корхоналарининг товар айланмаси 208,7 трлн сўмга етди. Бу 2025 йилнинг шу даврига нисбатан 26,7 фоизга кўп.
Ўзбекистонда инсон ҳаёти ва соғлиғига таҳдид солувчи саноат хавфсизлиги талабларини бузганлик учун жавобгарликни кучайтириш режалаштирилмоқда. Тегишли қонун лойиҳаси Олий Мажлис Қонунчилик палатаси томонидан учинчи ўқишда қабул қилиниб, Сенатга юборилди.
Учтепа туманида 90 сотих бўш майдонда истироҳат боғини ободонлаштириш ишлари бошланди. Ҳудуднинг асосий объекти майдони 37 сотих, чуқурлиги эса икки метр бўлган сунъий кўл бўлади.
Ўзбекистон футбол терма жамоаси бош мураббийи Фабио Каннаваро Лотин Америкаси агентлиги билан ҳамкорликни бошлади. Агентлик италиялик мутахассис учун Мексика ва АҚШ клубларидан таклифлар излайди.
Ўзбекистонда бошқарув компаниялари ҳар чоракда ҳар бир кўп қаватли уй бўйича даромад ва харажатлар ҳақида ҳисобот бериши шарт. Агар ташкилот ҳисоботни электрон биллинг тизимига жойлаштирмаса, қоидабузарлик бартараф этилгунга қадар мажбурий бадалларни ҳисоблаш тўхтатилади.
Ўзбекистонда янги кўп қаватли уйлардаги лифтларга бир йил давомида хизмат кўрсатиш мажбурияти қурилиш компаниялари зиммасига юклатилади. Шунингдек, лифтлар ва уларнинг эҳтиёт қисмларини харид қилиш электрон платформа орқали амалга оширилади.
Тошкент шаҳрини Тошкент ва Зангиота туманлари билан боғлайдиган учта янги автобус йўналиши ишга туширилади. Бу ҳақда Тошкент шаҳар транспорт ва йўл-транспорт инфратузилмасини ривожлантириш бош бошқармаси хабар берди.
Тошкент шаҳри ва пойтахт вилоятининг бешта туманидаги иссиқхона хўжаликлари 2026 йил 1 декабрга қадар иситиш тизимларини ўзгартириши лозим. Бу талаб Вазирлар Маҳкамасининг 586-сон қарорида белгиланган.
Ўзбекистонда хорижда яшаётган ватандошлар ва уларнинг оила аъзоларини мамлакатга таклиф қилиш, шунингдек, фуқаролиги бўлмаган шахсларга биометрик сафар ҳужжатларини расмийлаштириш тартиби белгиланди. Бу ҳақда Norma хабар берди.
2026 йил январь–сентябрь ойларида 16 522 нафар Ўзбекистон фуқароси таълим олиш учун хорижга чиқиб кетган. Бу ўтган йилнинг мос даврига нисбатан 33 фоизга кам.
Ўзбекистонда «Аёллар дафтари»га киритилган камида беш нафар ишсиз аёлни ишга жойлаштириб, улар учун уйда меҳнат қилиш шароитини яратган тадбиркорлар давлат мулки ижараси учун 50 фоиз кам тўлаши мумкин. Чегирма қўлланиладиган майдон ҳудудга қараб белгиланади.
Ўзбекистонда фуқаролар қатор хизматлардан фойдаланишда қоғоз ҳужжатлар ўрнига уларнинг электрон шаклини тақдим этиши мумкин. Адлия вазирлиги 2026 йил 20 октябрь куни 33 та идоравий ҳужжатга тегишли ўзгартишларни рўйхатдан ўтказди.
Ўзбекистон Марказий банки банкротлик жараёнини ўтаётган тадбиркорлар ва оддий фуқаролар учун банк ҳисобварақлари билан ишлаш қоидаларига ўзгартиришлар киритди. Янги тартибга кўра, реабилитация, ташқи бошқарув ёки тугатиш босқичидаги бизнес учун махсус ҳисобварақлар очилади.
Таиланд ҳукумати мамлакатдан чиқиб кетаётган сайёҳлардан киши бошига 30 доллар миқдорида йиғим ундириш режасини кейинга қолдиришга қарор қилди. Ушбу қарор туризм соҳасидаги ўсиш суръатларини сақлаб қолиш ва саёҳатчилар учун қўшимча молиявий тўсиқлар яратмаслик мақсадида қабул қилинди.
БАА пойтахти Абу Даби шаҳрида ўтказилган UFC 333 турнири доирасида ўзбекистонлик аралаш яккакураш устаси Рамазон Темиров Буюк Британия вакили Лонер Каванага қарши октагонга кўтарилди. Ўта енгил вазн тоифасида кечган ушбу жанг ўзбекистонлик спортчининг мағлубияти билан якунланди.
Бу йил Ўзбекистон ИИО тизими ташкил топганига 35 йил тўлди. Катта тизим ўрта ёшини нишонламоқда.
Японияда бўлиб ўтган Аичи–Нагоя-2026 Пара Осиё ўйинлари якунланди. Мусобақада иштирок этган Ўзбекистон делегацияси жами 145 та медални қўлга киритиб, умумжамоа ҳисобида учинчи ўринни банд этди.
24 октябрдан 1 ноябрга қадар Қозоғистоннинг Остона шаҳрида спорт курашлари бўйича катталар ўртасидаги жаҳон чемпионати бўлиб ўтади. Дунёнинг энг кучли кураш усталари иштирок этадиган дунё биринчилигида Ўзбекистон вакиллари ҳам медаллар учун баҳс олиб боради.
Владимир Зеленский яна ўзининг «тинчлик музокаралари» деб аталган одатий спектаклини ўйнамоқда. Бу сафар баҳона унинг жанг чизиғини музлатишга ва музокаралар столига ўтиришга тайёрлиги ҳақидаги баёноти бўлди. Бу деярли конструктив янграйди — агар бу фасад ортида парчаланаётган армия учун нафас олиш уриб олишга бўлган оддий уриниш яширинишини билмасангиз.
Тошкент шаҳрида анъанавий V «Заковат-Гамбит» шахмат турнирининг ҳал қилувчи босқичларига тайёргарлик кўрилмоқда. Жорий йилда мусобақада қатнашиш учун рекорд кўрсаткич — 5 831 нафар шахматчи, жумладан, 633 нафар хотин-қиз рўйхатдан ўтди.
Черногориянинг Будва шаҳрида бокс бўйича U19 жаҳон чемпионати давом этмоқда. Мусобақанинг навбатдаги куни ҳам Ўзбекистон терма жамоаси вакиллари муваффақиятли иштирок этди.
Аичи-Нагояда V Пара Осиё ўйинлари давом этмоқда. Мусобақада ўзбекистонлик спортчилар муваффақиятли иштирок этиб, бирин-кетин медалларни қўлга киритишмоқда.
Ўзбекистонлик таниқли шахматчи Нодирбек Абдусатторов Украинанинг машҳур Natus Vincere (NAVI) киберспорт клуби билан ҳамкорликни давом эттиради. Клуб расмий сайтида эълон қилинишича, ўзбекистонлик гроссмейстер билан шартнома узайтирилган.
Fith Ratings халқаро рейтинг агентлиги Жиззах вилоятининг узоқ муддатли кредит рейтингини «ББ-» даражасида белгилади. Рейтинг прогнози — «Барқарор».
Таълим сифатини таъминлаш миллий агентлиги миллий рейтингни юритиш тартибига ўзгартириш киритиш бўйича ҳужжат лойиҳасини ишлаб чиқди. Лойиҳада ҳар бир тоифада олийгоҳларнинг энг юқори натижали 20 фоизини биринчи, кейинги 40 фоизини иккинчи, қолганларини учинчи даражага ажратиш кўзда тутилган.
Ўзбекистон Рақобатга кўмаклашиш ва истеъмолчилар ҳуқуқларини ҳимоя қилиш қўмитаси фармацевтика соҳасидаги улгуржи дистрибьюторларни рақобат тўғрисидаги қонунчилик талабларига риоя қилишга чақирди. Маълум қилинишича, жорий йилнинг 9 ойи давомида мамлакатга 305 та корхона томонидан дори воситалари импорт қилинган бўлиб, уларнинг 47,2 фоизи атиги 5 та йирик импортёр ҳиссасига тўғри келади.
Самарқанд шаҳрида ўтказилган «Болалар фаровонлигига инвестициялар: келажак авлодлар учун барқарор ва адолатли тараққиёт йўлида» халкаро саммити доирасида «IMKON» кўп тармоқли реабилитация марказининг очилиш маросими бўлиб ўтди. Тадбирда Ўзбекистоннинг биринчи хоними Зироат Мирзиёева ҳамда саммитининг юқори мартабали меҳмонлари иштирок этдилар.