Туркиялик чанғичи Беркин Уста Бурса яқинидаги Улудағдаги тоғ-чанғи курортидаги меҳмонхонада содир бўлган ёнғин оқибатида ҳалок бўлди, деб хабар бермоқда BBC. 25 ёшли спортчи Туркия тоғ чанғиси ва сноуборд ўқитувчилари уюшмаси президенти лавозимида ишлаган 57 ёшли отаси Яҳё Уста билан бирга ҳалок бўлди.
30 март – 7 апрель кунлари Бразилиянинг Фос-ду-Игуасу шаҳрида бокс бўйича Жаҳон кубогининг биринчи босқичи бўлиб ўтади. World Boxing ташкилоти томонидан ўтказиладиган мусобақада Ўзбекистон терма жамоаси ҳам қатнашади.
Давлатимиз раҳбари топшириғига асосан Президент Администрацияси, Халқ қабулхонаси ҳамда масъул ташкилот ва идора раҳбарларидан ташкил топган Республика ишчи гуруҳи пойтахт ҳудудларида аҳоли томонидан кўтарилаётган муаммоларни ҳал этиш, амалга оширилаётган бунёдкорлик ва ободонлаштириш каби йўналишлардаги ишларга кўмаклашиш мақсадида ўз фаолиятини Тошкентда давом эттирди. Президент маслаҳатчиси ўринбосари – Халқ қабулхонаси раҳбари Улуғбек Муҳаммадиев бошчилигидаги гуруҳ томонидан Тошкент шаҳар масъулларига аҳоли муаммоларини ўрганиш, сайёр қабуллар ташкил қилиш, уларда аниқланган муаммолар бўйича вазирлик ва идоралар билан ҳамкорликда ечим топиш каби вазифаларни бажаришда қатор ишлар амалга оширилди.
“Яшил макон” — виждонимиз, бўлажак ҳаётимиз, фарзандларимиз олдидаги масъулиятимиз” Шавкат Мирзиёев Бугун — 26 март куни Бухоро вилоятидаОила ва хотин-қизлар қўмитаси, Бирлашган Миллатлар Ташкилотининг озиқ-овқат ва қишлоқ хўжалиги ташкилоти (ФАО) ҳамда Бухоро вилояти ҳокимлиги ташаббуси билан “Ўзбекистон — 2030” стратегиясини “Атроф-муҳитни асраш ва “яшил иқтисодиёт” йили”да амалга оширишга оид давлат дастурида белгиланган вазифалар ижросини таъминлаш мақсадида “Хотин-қизлар экологик фаоллик сари” мавзусида илмий-амалий анжуман ўтказилди. Тадбирда 400 нафардан ортиқ қатнашчилар, жумладан Илмий жамоатчилик, халқаро ташкилотлар вакиллари, БМТнинг Озиқ-овқат ва қишлоқ хўжалиги ташкилоти раҳбари, Оила ва хотин-қизлар қўмитаси қошидаги “Аёл маърифати” жамоатчилик кенгаши ҳамда “Оқила аёллар” ҳаракати аъзолари, ҳамкор ташкилотлар масъуллари, Қорақалпоғистон Республикаси Оила ва хотин-қизлар қўмитаси раиси, вилоятлар ва Тошкент шаҳар ҳокими ўринбосарлари, туман-шаҳар оила ва хотин-қизлар бўлимлари бошлиқлари иштирок этишди.
Оила институти фуқаролик жамиятининг муҳим таркибий бўғини бўлиб, ушбу институтни ҳар томонлама ривожлантириш ўз навбатида жамиятнинг барқарорлигини таъминлашда муҳим омил бўлиб ҳисобланади. Бугунги кунда эр ва хотин ўртасида оилавий муносабатлари тугатилганда ҳаттоки оилавий муносабатлар тугамасдан туриб ҳам ўрталарида мол-мулк низолари вужудга келади.
Улуғбек Жўраев Шухратжон ўғли Андижон вилоят ҳокими ўринбосари этиб тайинланди. Бу ҳақда вилоят ҳокимлиги ахборот хизмати хабар берди.
ЖКга киритилган ўзгаришга кўра, жарима ёки 5 йилдан 7 йилгача озодликдан маҳрум қилиш билан жазоси қўлланилади. Қонун билан ЖКнинг 244-моддасига оммавий тартибсизликлар содир этиш мақсадида ўқувдан ўтганлик ҳамда ушбу фаолиятни молиялаштирганлик учун жавобгарликни белгиловчи ўзгартириш киритиш назарда тутилмоқда.
Октагон лигаси менежери Султан Жакупов ўзбек MMA жангчилари Одилхон Камолов ва Ҳумоюн Тўхтамуродовни шахсий низоларини профессионал жанг орқали ҳал қилишга чақирди. Бу ҳақда Sportnews нашри хабар берди.
Бостон (АҚШ) шаҳрида ўтаётган фигурали учиш бўйича жаҳон чемпионатида Ўзбекистон терма жамоаси вакиллари Дмитрий Чигирев ва Екатерина Гейниш қисқа дастурда 62.33 балл жамғариб, 11-натижани қайд этишди.Энди улар 28 мартга ўтар кечаси соат 03:15 да эркин дастурда ўз чиқишларини намойиш этишади.
Амманда давом этаётган спорт курашлари бўйича Осиё чемпионатида юнон-рум кураши беллашувлари якунланди. Иккинчи кун натижаларига кўра ҳамюртларимиз иккита кумуш медални қўлга киритишди:Алишер Ғаниев (-60 кг)Абдулло Алиев (-72 кг)Шу тариқа, жамоамиз 3 та олтин, 2 та кумуш ва 1 та бронза билан умумжамоа ҳисобида 2-ўринни эгаллади!
Ўзбекистонда бўлғуси маҳаллий бошқарув ислоҳотларининг асосий концептуал масаласи — бу ўзгаришларга асос бўладиган моделни танлаш. Хорижий тажрибалар, шунингдек, «Ўзбекистон-2030» стратегиясининг мақсадлари маҳаллий бошқарув тизимида ўзини ўзи бошқариш тамойилларини кучайтириш зарурлигини кўрсатмоқда.
Янги қонун шаҳарсозлик соҳасидаги ҳуқуқбузарликлар учун жазони кучайтиради. Ўлим ёки оғир оқибатларга олиб келган тақдирда, айбдор деб топилган шахслар беш йилгача озодликдан маҳрум этилиши мумкин.
Вилоят ҳокими мазкур нафақалар учун бюджетдан салкам 400 млн сўм ажратди. Тошкент вилоятидаги ҳарбий хизматда ҳалок бўлган ҳарбий хизматчилар ва ходимларнинг оила аъзоларига 2025 йил давомида ҳар ойда тўланадиган нафақа пуллари ажратилади.Бу ҳақда Тошкент вилояти ҳокими Зойир Мирзаев тегишли фармойишни имзолади.
Унга нисбатан суд томонидан 15 сутка маъмурий қамоқ жазоси тайинланди. Мажбурий ижро бюроси Андижон вилояти бошқармаси қидирув шуъбаси ходимлари томонидан алиментдан қарздор фуқаро ўз уйининг қурилиши тугалланмаган ҳудудида "шифер" ортига яширинган ҳолатда топилди.
Рамазон Ҳайити айёми кунида метро поездлари ҳаракати одатдагидан 1 соат олдин ҳаракатни бошлайди. "Тошкент метрополитени" ДУК Матбуот хизмати хабарига кўра, айём муносабати билан байрам кунлари поездлар қатнови ҳамда метро иш вақти қуйидаги тартибда амалга оширилади: 30 март Рамазон Ҳайити айёми кунида метро поездлари ҳаракати одатдагидан 1 соат олдин, яъни соат 04:00 дан йўловчиларга хизмат кўрсатишни бошлайди ва поездлар ҳаракати интервали шанба куни учун белгиланган жадвал асосида ташкил этилади.
UFC жангчиси Нурсултон Рўзибоев ўзбекистонлик спортчиларини Қозоғистоннинг Octagon лигасида қатнашмасликка чақирди. Бу ҳақда “Sportnews.kz” хабар бермоқда.
Қозоғистоннинг Ўскемен шаҳрида «Торпедо» ва «Ҳумо» хоккей клублари ўртасидаги ярим финал сериясининг бешинчи баҳси бўлиб ўтди.Меҳмон жамоа учрашувни фаол бошлаган бўлса-да, «Торпедо» футболчилари биринчи бўлимда устунликка эришишди.
Президент Шавкат Мирзиёев 26 март куни энергия ресурсларидан фойдаланиш самарадорлигини ошириш ва улардан оқилона фойдаланиш масалаларига бағишланган йиғилиш ўтказди.Давлат раҳбари матбуот хизматининг қайд этишича, энергия истеъмолининг энг катта улуши иқтисодиёт тармоқлари — айниқса, кўпчилиги аввалги даврларда қурилган, замонавий экологик талаблар ва энергия самарадорлиги меъёрларига жавоб бермайдиган саноат корхоналарига тўғри келади.
27 март куни Туркманистон пойтахти Ашхобод шаҳрида Ўзбекистон, Қирғизистон, Тожикистон, Туркманистон ва Қозоғистон иштирокида бўлиб ўтадиган 20-Европа Иттифоқи — Марказий Осиё вазирлар йиғилишига иттифоқнинг ташқи ишлар ва хавфсизлик сиёсати бўйича олий вакили, Европа комиссияси вице-президенти Кая Каллас раислик қилади. Бу ҳақда ЕИнинг Ўзбекистондаги делегацияси матбуот хизмати хабар берди.
Бутунжаҳон бокс ташкилоти (WBO) янгиланган рейтингни эълон қилди. Ундан тўрт нафар ўзбекистонлик боксчи ўрин олди: Олимжон Назаров (ўта енгил вазн тоифаси - 50,8 кг) 3-ўриндан жой олди; Шаҳрам Ғиёсов (яримўрта вазн тоифаси - 66,6 кг) 7-ўринни эгаллаб турибди; Исроил Мадримов (суперўрта вазн тоифаси -69,9 кг) 9-ўринга жойлаштирилди; Бектемир Мелиқўзиев (суперўрта вазн - 76,2 кг) 10-ўринга жойлашди.
Дзюдо бўйича сўнгги икки “Катта дубулға” турнирларининг якунига кўра ўзбек спорти учун муҳим бир фактга эътиборингизни қаратмоқчимиз. Тошкент ва Тбилиси шаҳарларида ўтган мусобақаларнинг -90 кг вазн тоифасида кечган баҳсларида ўзбекистонлик спортчилар Шаҳзодхўжа Шарипов ва Умар Бозоров олтин медални қўлга киритишди.
"Интер Майами" форварди Лионель Мессининг қўриқчиси Яссин Чуеко ютубер Логан Полга чақирув ташлади. "Менга қара, Логан.
Ўзбекистонлик икки карра Олимпия чемпиони Баҳодир Жалолов супер оғир вазн тоифасида мутлақ жаҳон чемпиони украиналик Александр Усикга қарши рингга чиқишни хоҳлаётганини маълум қилди. Бу ҳақида The Ring нашрига таяниб sports24.kz хабар берди.
Ўзбекистонликлар учун Рамазон ҳайти муносабати билан дам олиш кунлари белгиланди. Муборак Рамазон ҳайитини нишонлаш тўғрисида президент қарори қабул қилинди. Қайд этилишича, жорий йилда Рамазон ҳайитининг биринчи куни 30 март – якшанба кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилиниб, мамлакатида 2025 йил 30 март куни Рамазон ҳайити байрами сифатида кенг нишонланади.
Таъкидланишича, ушбу кўчанинг инфратузилмасини ўзгартириш ва 7/24 ишлайдиган кўчага айлантириш режалаштирилган. Маълум қилинишича, Мирзо Улуғбек туманидаги "Ўзбекистон овози" кўчаси 7/24 кўчага айланмоқда.
Бугун АҚШнинг Бостон шаҳрида фигурали учиш бўйича жаҳон чемпионати старт олади. Ушбу мусобақа Милан-Кортина-2026 қишки Олимпия ўйинларига йўлланма берувчи муҳим турнирлардан бири ҳисобланади.
Иорданияда спорт курашлари бўйича Осиё чемпионати бошлангани ҳақида маълум қилган эдик. Қувонарлиси, мусобақанинг дастлабки кунидаёқ Ўзбекистон терма жамоаси 3 та олтин ва 1 та бронза медалларини қўлга киритди.
Ўзбекистоннинг Сан-Маринога тайинланган биринчи элчиси Абат Файзуллаев мазкур давлат раҳбарлари — капитан-регентлар Франческа Чиверкья ва Далибор Риккардига ишонч ёрлиқларини топширди, деб хабар бермоқда «Дунё» ахборот агентлиги.Тантанали маросимда мамлакат ташқи ишлар вазири Лука Беккари Ўзбекистон ва Сан-Марино ўртасидаги алоқаларни ривожлантиришга қаратилган саъй-ҳаракатларни, жумладан, ушбу мамлакатга биринчи элчининг тайинланишини юқори баҳолади.
ДХХ мазкур мансабдор шахс доимий равишда тамагирлик йўли билан пора олиб келганини аниқлади. Коррупцияга қарши курашиш доирасида Давлат хавфсизлик хизмати органлари томонидан олиб борилган тезкор-қидирув тадбирлари давомида Тошкент шаҳар Фавқулодда вазиятлар бошқармаси бошлиғи ўринбосарининг ноқонуний ҳаракатлари фош этилди.
Қуръони каримдан тиловат қилиниб, Ўзбекистонда фаровонлик, меҳр-оқибат барқарор бўлишини сўраб, дуолар ўқилди. Тадбир аввалида давлат раҳбари халқимизни ва жамики мусулмон умматини муборак Рамазон ойи билан яна бир бор табриклади.