Яқин кунларда республиканинг олти вилоятининг тоғли ҳудудларида қор кўчкиси кутилмоқда. 2025 йил 20-25 март кунлари кутилаётган ёғингарчилик ҳамда ҳаво ҳароратининг ўзгариши сабабли республиканинг тоғли ҳудудларида, жумладан: — Қашқадарё вилояти: Деҳқонобод, Китоб, Қамаши, Шаҳрисабз туманларида;— Сурхондарё вилояти: Бойсун, Қумқўрғон, Сариосиё, Узун туманларида;— Самарқанд вилояти: Нуробод, Қўшработ, Самарқанд, Ургут туманларида;— Жиззах вилояти: Бахмал, Зомин туманларида; — Тошкент вилояти: Бўстонлиқ, Оҳангарон ва Паркент туманлари (Чотқол тизмасининг тоғлари);— Наманган вилояти Поп туманида қор кўчиш хавфи эълон қилинади.
3 май куни Саудия Арабистони пойтахти Ар-Риёд шаҳрида Riyadh Season промоушени томонидан навбатдаги катта проф бокс оқшоми ўтказилади. Ташкилотчилар ушбу турнирнинг тўлиқ кардини тасдиқлашди.
Ўзбекистон президенти Шавкат Мирзиёев 18 март куни Қозоғистон президенти Қосим-Жомарт Тоқаев билан телефон орқали мулоқот қилди, деб хабар қилди давлат раҳбари матбуот хизмати.Давлат раҳбарлари бир-бирини кириб келаётган Наврўз байрами билан табриклаб, Ўзбекистон ва Қозоғистон халқларига тинчлик, фаровонлик ва равнақ тилади.
Энди маркетплейс фаолияти мамлакатда қайта тикланиши кутилмоқда. TEMU маркетплейси юридик шахс — Ўзбекистон резиденти сифатида рўйхатдан ўтди.
Спорт гимнастикаси бўйича олти карра Олимпиада чемпиони, япониялик Акинори Накаяма 83 ёшида вафот этди. Бу ҳақда Япония гимнастика ассоциацияси сайтида хабар берилди.
21-23 март кунлари Грузия пойтахти Тбилиси шаҳрида Дзюдо бўйича “Катта Дубулға” туркумига кирувчи турнир бўлиб ўтади. Дунёнинг 54 давлатидан 400 нафардан зиёд полвонлар қатнашадиган нуфузли мусобақада юртимиз шарафини 19 нафар дзюдочи ҳимоя қилади.
Халқаро Олимпия қўмитаси (ХОҚ) президенти Томас Бах ХОҚнинг Ижроия кенгаши боксни 2028 йилги Олимпия ўйинлари дастурига киритишни тавсия қилганини айтди. “Бугун Ижроия кенгаши анча хотиржам эди.
Аввалроқ ўзбекистонлик профессионал боксчи Баҳодир Жалолов 5 апрель куни Қозоғистоннинг Остона шаҳрида рингга кўтарилиши ҳақида хабар берилган эди. Аммо икки карра Олимпия чемпионининг рақиби ким экани ошкор қилинмади.
Хоразм вилоятининг Ҳазорасп, Хонқа ва Шовот туманларига янги ҳокимлар тайинланди, деб хабар бермоқда вилоят ҳокимлиги ахборот хизмати.Маълум қилинишича, 18 март куни юқоридаги туманларнинг халқ депутатлари кенгаши навбатдан ташқари сессиялар ўтказган ва уларда янги ҳоким тайинлаш масалалари кўриб чиқилган.
Президентнинг тегишли қарори билан Нуъмон Усмонович Мухаммадиев адлия вазири ўринбосари лавозимига тайинланди, дея хабар бермоқда вазирлик матбуот хизмати.Нуъмон Мухаммадиев 1982 йилда Қашқадарё вилояти Китоб туманида туғилган.
Шавкат Мирзиёевнинг 14 март кунги «Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида»ги қарори билан Ўзбекистонда Тадбиркор аёллар кенгаши ташкил этилди.Президент 7 март куни ўтказилган йиғилишда мутасаддиларга хотин-қизларни ҳар томонлама қўллаб-қувватлаш, иқтисодий фаоллигини ошириш ва ижтимоий ҳимоясини кучайтириш бўйича бир қанча топшириқлар берганди.
Ўзбекистон ва EИ ўртасида Кенгайтирилган шериклик ва ҳамкорлик тўғрисидаги янги битимнинг тез фурсатда имзоланади. Бу ҳақда 18 март куни Шавкат Мирзиёев ва Ўзбекистонда амалий ташриф билан бўлиб турган Европа Иттифоқининг Халқаро ҳамкорлик бўйича комиссари Йозеф Сикела бошчилигидаги делегация учрашувида маълум қилинди.
Андижон аэропорти 20 мартдан мунтазам йўловчи қатновларини қабул қила бошлайди. Uzbekistan Airports хабарига кўра, Андижон аэропорти 20 мартдан мунтазам йўловчи қатновларини қабул қила бошлайди.
Қонун билан кредит олган шахсдан жинояти сабаб мулки тортиб олинса, банклар мазкур мулкдан кредитни қоплайди, кредитнинг суммаси 25 фоиздан кам қолганда ундирувни мулкка қаратмаслик кабилар белгиланмоқда. Сенатнинг бешинчи ялпи мажлисида “Кредиторларнинг гаров билан таъминланган талабларини қаноатлантириш тизими янада такомиллаштирилиши муносабати билан айрим қонун ҳужжатларига ўзгартириш ва қўшимчалар киритиш тўғрисидаги қонун кўриб чиқилди, дея хабар бермоқда Сенат Матбуот хизмати. Қайд этилишича, мазкур Қонун билан кредиторларнинг гаровдаги мулкка нисбатан ҳуқуқлари устуворлигини таъминлаш ва гаровдаги мол-мулк ҳисобидан кредит қарздорликни ундириш жараёнларини соддалаштириш назарда тутилмоқда.
2025 йил 14 март куни Ўзбекистон Республикаси Президентининг «Маҳсулотлар экспорти тартиб-таомилларини такомиллаштириш ва қўшилган қийматга эга тайёр маҳсулотлар ишлаб чиқаришни рағбатлантириш чора-тадбирлари тўғрисида» ПФ-47-сон Фармони қабул қилинди. Бу ҳақда Божхона қўмитаси хабар қилди.
Қозоғистонда ота-она қарамоғисиз қолиб кетган 10 нафар бола Ўзбекистонга қайтарилмоқда. Бу ҳақда Ижтимоий ҳимоя миллий агентлиги ахборот хизмати хабар берди.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2025-йилнинг февраль ойида иккиламчи бозордаги автомобиллар нархлари ўзгариши таҳлил қилинди. Маҳаллий оммабоп автомобиллар нархи.
Мазкур тартиб экспорт тартиб-таомилларини Жаҳон савдо ташкилоти қоидаларига мувофиқлаштириш ҳисобланади. 2025 йил 14 март куни президентнинг "Маҳсулотлар экспорти тартиб-таомилларини такомиллаштириш ва қўшилган қийматга эга тайёр маҳсулотлар ишлаб чиқаришни рағбатлантириш чора-тадбирлари тўғрисида" фармони қабул қилинди. Фармон билан 2025 йил 1 июлдан бошлаб 86 турдаги қуйидаги товарларга экспорт божхона божлари жорий этилди ва уларнинг ставкалари тасдиқланди: — Чарм хомашёси ва ярим тайёр чарм маҳсулоти, ипак хомашёси, пахта ип-калаваси ва трикотаж мато товарларига; (Амалда мазкур товарларни экспорт қилиш учун уюшмаларнинг йиғимлари белгиланган бўлиб, эндиликда улар бекор қилинди.) — Гўшт маҳсулотлари, буғдой, дон, гуруч, минерал ўғитлар, чарм хомашёси, PET чиқиндилар, рангли металл лом ва чиқиндиларига; (Амалда ушбу товарларга Ўзбекистон президенти ёки Ҳукуматнинг қарорлари асосида рухсат берилган ҳолда экспорт қилиш мумкин эди.
Фарғона вилоятида шундай ҳолат кузатилган ва шу лойиҳа лойиҳаларни овоз бериш босқичидан четлатиш юзасидан тегишли туман халқ депутатлари кенгашига тақдимнома юборилган. Ҳозирда “ташаббусли бюджет” жараёнининг жорий йилги 1-мавсуми доирасида овоз бериш босқичи давом этмоқда. Ижтимоий тармоқларда Фарғона вилояти Қува туманидаги 37-мактабда мажбурий овоз бериш ҳолатлари юзасидан хабарлар тарқалди.
Пойтахт ҳокимлиги хонадонларда иситиш мавсумининг якунланиши ҳақида маълумот берди. Тошкент шаҳар ҳокимлигининг маълум қилишича, белгиланган меъёрларга кўра, иситиш мавсуми ўртача суткалик ҳаво ҳарорати +8 даражан дан юқори бўлган 5 кунлик давр тугаган куннинг эртасидан бошлаб тугайди. Сўнгги ҳафта давомида Тошкентда кундуз кунлари ҳаво ҳарорати +18-19 даражадан ва ундан юқори, кечалари эса +8 даражадан пастга тушмаяпти.
Бугун Ўзбекистон ўқ отиш спорти федерациясининг навбатдан ташқари конференцияси бўлиб ўтди. Унда Мудофаа ва Спорт вазирликлари, Миллий Олимпия қўмитаси раҳбарияти ва федерация раёсати аъзолари иштирок этишди.
Тошкент, Ўзбекистон, 12 Март 2025:Марказий Осиёдаги биринчи венчур студияси Стартуп Гараге ўзбекистонлик тадбиркорларни муваффақиятли стартапларни яратиш ва кенгайтириш учун зарур бўлган кўникмалар, мураббийлик ва молиялаштириш билан та’минлашга қаратилган 8 ҳафталик интенсив дастур — Founders School’ни ишга туширди. 7-апрелдан бошлаб дастур ўз ғояларини синаб кўриш, минимал ҳаётий маҳсулот (МВП) ишлаб чиқиш, бозорга кириш ва дастлабки босқичда сармоя киритишни истаган янги ва тажрибали тадбиркорлар учун очиқ.
Пойтахтимиздаги “Универсал Ҳорсес Стабле” мажмуасида от спортининг конкур йўналиши бўйича “Узбекистан Глобал Тоур” мусобақасининг навбатдаги босқичи ташкил этилди. Юртимизнинг турли ҳудудларидан ташриф буюрган моҳир чавандозлар баҳсида қуйидаги спортчилар ўз йўналишида ғалаба қозонишди: “А” тоифаси, 135 см (тўсиқ баландлиги): Оқил Собиржонов (“Paris” лақабли отда);“Д” (120 см): Саидамирхон Турғунбоев (“Cornet BC”);“Б” (115 см): Дилшод Шокиров (“Kaskat”);“Э” (110 см): Мила Исроилова (“Shef Blue”);“C” (105 см): Асал Саидаҳмедова (“Каrina”);“Ф” (95 см): Мумтозбегим Ҳакимова (“Champion”);Бошланғич отлар: Ниғмат Исмоилов (“Akstafa”).
Инвестициялар, саноат ва савдо вазири ўринбосари ижтимоий тармоқларда тарқалган Ўзбекистон ерлари Хитой компаниялари томонидан "эгаллаб олингани" ҳақидаги хабарларга изоҳ берди. Хитой Ўзбекистон иқтисодиётига энг йирик сармоядорлардан бири бўлиб, хорижий инвестицияларни жалб қилиш мамлакатнинг барқарор иқтисодий ўсишининг асосий омилидир, деди инвестициялар, саноат ва савдо вазири ўринбосари Илзат Қосимов.
Ерлар Тошкент вилояти Юқори Чирчиқ тумани посёлкалари ҳудудидан берилди. Вилоят ҳокимининг қарорига мувофиқ, Янги Тошкент шаҳри қурилиши учун Юқори Чирчиқ туманидан 122,3 гектар ер майдони ажратилган.
Сербиянинг Ниш шаҳрида бўлиб ўтган аёллар ўртасидаги бокс бўйича жаҳон чемпионати-2025 якунланди. Турнирда Ўзбекистон терма жамоаси 4 та медаль қўлга киритди: 1 та кумуш ва 3 та бронза.
Сербиянинг Ниш шаҳрида бўлиб ўтган аёллар ўртасидаги бокс бўйича Жаҳон чемпионатида Россия терма жамоаси умумий медаллар бўйичи биринчи ўринни эгаллади. Улар мусобақада 4 та олтин, 1 та кумуш ва 2 та бронза медалини қўлга киритишди.
Ички ишлар вазири буйруғи билан подполковник Фаррух Убайдуллаевич Ҳайдаров Сирдарё вилояти Ички ишлар бошқармаси бошлиғи лавозимига тайинланди, дея хабар бермоқда вазирлик матбуот хизмати.Фаррух Ҳайдаров 1983 йилда Қозоғистонда туғилган.
Ҳайдовчи автобус салонининг чироқларини ўчирган ҳолда йўловчилардан нақд пул олмоқчи бўлган. Аввалроқ, ижтимоий тармоқларда “2 Автобус саройи” филиали тасарруфидаги автобус ҳайдовчиси автобус салонининг чироқларини ўчирган ҳолда йўловчилардан йўл ҳақи учун нақд пул талаб қилгани ҳақида хабарлар тарқалган эди.
Бу ҳақда Президентнинг тегишли қарори қабул қилинди. Қарорга кўра, 2025 йилда хотин-қизларни қўллаб-қувватлашнинг асосий мақсадли кўрсаткичлари этиб қуйидагилар белгиланди: 2 млн нафар хотин-қизларнинг бандлигини таъминлаш; 250 минг нафар хотин-қизларни касб-ҳунар ва тадбиркорликка ўқитиш; 250 минг нафар хотин-қизларни олий таълим билан қамраб олиш; 50 минг нафар эҳтиёжманд хотин-қизларни санаторийларда соғломлаштириш ҳамда уларда тадбиркорлик кўникмаларини шакллантириш бўйича мотивацион семинарлар ташкил этиш.