Тошкентда 18−19 август кунлари «Ўзбекистон, Озарбайжон ва Европа: умумий тараққиёт йўлидаги ҳамкорлик» мавзусида юқори даражадаги учрашув бўлиб ўтди, деб хабар бермоқда Gazeta мухбири. Унда бир қатор давлатларнинг собиқ раҳбарлари, ташқи ишлар вазирлари ва Европа Иттифоқи институтлари вакиллари иштирок этди.
Ўзбекистон президенти Шавкат Мирзиёев 28 август куни амалий ташриф билан мамлакатда бўлиб турган АҚШнинг глобал шерикликлар бўйича махсус элчиси Паоло Замполлини қабул қилди, деб хабар қилди давлат раҳбари матбуот хизмати.Учрашувда Ўзбекистон-Америка стратегик шериклик ва кўп қиррали ҳамкорликни кенгайтириш масалалари муҳокама қилинди.
Паоло Замполли бугун АҚШнинг Глобал ҳамкорлик бўйича махсус вакили сифатидаги илк расмий хорижий сафари доирасида Ўзбекистонга ташриф буюрди. Бу ҳақда Gazeta’га АҚШнинг Ўзбекистондаги элчихонаси маълум қилди.
Ўзбекистон фуқаролари дунёнинг исталган нуқтасида бўлишидан қатъи назар, давлат ҳимоясида, дея эслатиб ўтмоқда Ташқи ишлар вазирлиги. Хабарда аниқ бир кейс тилга олинмаган, лекин бир неча кун олдин Россияда ўзбекистонлик экани айтилган такси ҳайдовчиси билан боғлиқ ҳолат муҳокамаларга сабаб бўлганди.
27 август куни Ўзбекистон ички ишлар вазири Азиз Тошпўлатов ўзига генерал-лейтенант ҳарбий унвони топширилгандан сўнг президент Шавкат Мирзиёев олдида нутқ сўзлади.У кўрсатилаётган ишонч учун давлат раҳбарига миннатдорлик билдириб, бу нафақат катта шараф, балки катта масъулият эканини ҳам таъкидлади.
Президент Шавкат Мирзиёев Ўзбекистон мустақиллигининг 34 йиллиги арафасида жазони ўтаётган, қилмишига чин кўнгилдан пушаймон бўлиб, тузалиш йўлига ўтган бир гуруҳ шахсларни афв этиш тўғрисидаги фармонни имзолади, деб хабар берди «Ўзбекистон 24» телеканали.Сюжетда таъкидланишича, авф этиш акти содир этилган жиноят фактини бекор қилмайди, аксинча «айбини англаган, қилмишидан пушаймон бўлган ва ўзини яхшилаш истагини исботлаган шахслар учун имконият» ҳисобланади.
Шавкат Мирзиёевнинг фармони билан Ўзбекистон бош прокурори, мудофаа вазири ва ички ишлар вазири унвонлар билан мукофотланди. Бу ҳақда Президент матбуот хизмати хабар қилди.
Самарқанд шаҳридаги Конгресс марказида Шавкат Мирзиёев ва Иордания Ҳошимийлар подшоҳлиги подшоҳи Абдулла II ибн ал-Ҳусайннинг музокаралари бўлиб ўтди. Бу ҳақда Ўзбекистон президенти матбуот хизмати хабар қилди.
Самарқанд шаҳрида бўлиб ўтган музокаралар якунида Шавкат Мирзиёев ва Иордания Ҳошимийлар подшоҳлиги подшоҳи Абдулла II ибн ал-Ҳусайн Шериклик муносабатларини мустаҳкамлаш тўғрисида қўшма баёнот қабул қилди, дея хабар бермоқда президент матбуот хизмати.Умуман, ташриф доирасида 15 та икки томонлама ҳужжат имзоланди.
Япония ташқи ишлар вазири Такеши Ивая Ўзбекистонга ташриф буюради. Унинг ташрифи ҳақида мамлакат ТИВ сайтида эълон қилинган.
Иордания подшоҳи Абдулла II ибн ал-Ҳусайн 25 август куни давлат ташрифи билан Ўзбекистонга келди, деб хабар қилди президент матбуот хизмати. Уни Самарқанд аэропортида Шавкат Мирзиёев кутиб олди.
Шавкат Мирзиёев Ўзбекистон мустақиллигининг 34 йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисида фармон имзолади. Бу ҳақда Президент матбуот хизмати хабар қилди.
Ўзбекистон президенти Шавкат Мирзиёев Украина президенти Владимир Зеленскийга Мустақиллик куни муносабати билан табрик хато йўллади. Зеленский уни ўзининг X саҳифасида эълон қилди.
Ўзбекистоннинг Киевдаги элчихонаси Украина халқини Украина Мустақиллик куни билан табриклади. Табрик дипломатик ваколатхонанинг Facebook`даги саҳифасида эълон қилинди.
Шавкат Мирзиёевнинг таклифига биноан Иордания подшоҳи Абдулла II ибн ал-Ҳусайн 25−26 август кунлари давлат ташрифи билан мамлакатда бўлади. Бу ҳақда Ўзбекистон президенти матбуот хизмати хабар бермоқда.
Тошкент вилояти ҳокими Зойир Мирзаев нима учун кўп ҳолларда ҳоким ўринбосарлари пора билан қўлга тушаётгани ҳақидаги саволга жавоб қайтарди. Бу ҳақда у 22 август куни Паркент туманида ўтказилган «Узум сайли» халқаро фестивали чоғида журналистларга берган интервьюсида айтиб ўтди.
Ўзбекистон ва Туркманистон тўғридан-тўғри авиақатновларни қайта йўлга қўйиш бўйича келишувга эришди. Бу ҳақда транспорт вазири Илҳом Маҳкамов «Ўзбекистон 24» телеканалига берган интервьюсида маълум қилди.
Туркманистонга ташрифнинг маданий дастури доирасида 22 август куни Шавкат Мирзиёев, Туркманистон Халқ маслаҳати раиси Гурбангули Бердимуҳамедов ва Озарбайжон президенти Илҳом Алиев биргаликда «Аваза» конгресс маркази ёнидаги махсус майдонга ташриф буюрди.Ўзбекистон раҳбари матбуот хизматига кўра, меҳмонларга «Галкиниш» миллий от спорти жамоаси ахалтака зотли тулпорларининг чиқишлари намойиш этилди.
Жиззах вилояти Пахтакор тумани ҳокими лавозимига Хусан Бўлтакович Абдувохидов тайинланди, деб хабар бермоқда вилоят ҳокимлиги матбуот хизмати.22 август кунги Халқ депутатлари туман кенгаши сессиясида вилоят ҳокими вазифасини бажарувчи Улуғбек Мустафоев ҳам иштирок этди.
Ўзбекистон Маданият вазирлиги ташкилот раҳбари Озодбек Назарбековнинг ёшларга Kokand University хусусий университетининг Андижон шаҳридаги филиалида ўқишни тавсия қилган видеосидаги чиқишига изоҳ берди.Вазирлик баёноти президент Шавкат Мирзиёев вазирлик ва идоралар раҳбарларига ёшлар билан мунтазам мулоқот қилиш, уларнинг муаммоларини ўрганиш ва ечимлар таклиф этиш бўйича топшириқлар берган июнь ойи охиридаги учрашувни тилга олиш билан бошланади.
Ўзбекистон Президенти администрацияси раҳбарининг суд тизимини ислоҳ қилиш бўйича ўринбосари Нодира Ҳакимова 21 август куни Шавкат Мирзиёевни суд-ҳуқуқ тизимини такомиллаштиришга бағишланган тақдимот билан таништирди.«Ўзбекистон 24» телеканалига берган интервьюсида у сўнгги саккиз йил ичида суд тизимида бир қатор ўзгаришлар амалга оширилганини айтди.
Жиззах вилояти Шароф Рашидов туманига Асилбек Ашуров ҳоким этиб тайинланди. Бу ҳақда вилоят ҳокимлиги матбуот хизмати хабар қилди.
«Аваза» миллий туризм зонасининг Конгресс марказида Шавкат Мирзиёев ва Туркман халқининг миллий етакчиси, Туркманистон Халқ маслаҳати раиси Гурбангули Бердимуҳамедовнинг юзма-юз ва расмий делегациялар иштирокидаги музокаралари бўлиб ўтди. Бу ҳақда Ўзбекистон президенти матбуот хизмати хабар қилди.
Ўзбекистон президенти Шавкат Мирзиёев 21 август куни «Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида»ги фармонни имзолади.Ҳужжат қоғозбозлик ва инсон омили таъсирини камайтиришга, шунингдек, суд жараёнларини рақамлаштириш орқали фуқароларга қўшимча қулайликлар яратишга қаратилган.
Президент қарори билан Алишер Шукруллаевич Бобоев соғлиқни сақлаш вазирининг биринчи ўринбосари этиб тайинланди, дея хабар бермоқда вазирлик матбуот хизмати.Алишер Бобоев 1996 йилда Тошкент давлат тиббиёт институтини тамомлаб, ушбу олий ўқув юртининг клиник ординатура йўналишида таҳсил олган.
Дилшод Ахатов Ўзбекистоннинг Лихтенштейн Князлигидаги биринчи элчиси (қароргоҳи Берлинда) бўлди, деб хабар бермоқда «Дунё» ахборот агентлиги. Дипломат валиаҳд шаҳзода Алоизга ишонч ёрлиқларини топширди.
Олий Мажлис Қонунчилик палатаси 19 август куни бўлиб ўтган мажлисда атом энергиясидан фойдаланиш соҳасида давлат бошқаруви ва назорати тизимини такомиллаштиришга қаратилган қонунни биринчи ўқишда қабул қилди, дея хабар бермоқда парламент қуйи палатаси.Ҳужжатда «Атом энергиясидан тинчлик мақсадларида фойдаланиш тўғрисида»ги қонунга атом энергиясидан самарали ва хавфсиз фойдаланиш, давлат органларининг ваколатларини аниқлаштириш, атом энергетикаси соҳасида давлат бошқаруви ва назорати тизимини такомиллаштириш, уни халқаро стандартларга мувофиқлаштиришга қаратилган ўзгартиришлар назарда тутилган.
Маданият вазири Озодбек Назарбеков Kokand University хусусий университетининг реклама ролигида иштирок этди.4 июль куни университетнинг расмий саҳифасида вазир ёшларга университетнинг Андижондаги филиалига ўқишга киришни тавсия этаётган видео эълон қилинди.
Ўзбекистон президенти Шавкат Мирзиёев «Озарбайжон — Туркманистон — Ўзбекистон» форматидаги уч томонлама саммитда иштирок этиш учун 22 август куни амалий ташриф билан Туркманистонга боради.Давлат раҳбари матбуот хизматининг хабар беришича, ташриф Туркманистон Халқ маслаҳати раиси Гурбангули Бердимуҳамедовнинг таклифига биноан амалга оширилади.
Президент Шавкат Мирзиёев 21 август куни суд-ҳуқуқ тизимини такомиллаштиришга бағишланган тақдимотни кўриб чиқди, деб хабар қилди давлат раҳбари матбуот хизмати.Тақдимотда одил судловнинг очиқлиги ва халқчиллигини ошириш, рақамлаштириш орқали аҳолига қулайлик яратиш, юқори малакали суд кадрларини тайёрлаш бўйича режалар муҳокама қилинди.