Тожикистон ва Ўзбекистон ўртасида иккита янги назорат-ўтказиш пункти очилди, деб хабар бермоқда Давлат божхона қўмитаси матбуот хизмати. Ушбу пунктлар фаолияти 10 август куни 6:00 дан бошлаб йўлга қўйилган.
Шавкат Мирзиёев 9 август куни Озарбайжон президенти Илҳом Алиев билан телефон орқали мулоқот қилди, деб хабар қилди давлат раҳбари матбуот хизмати.Озарбайжон президенти матбуот хизматининг маълум қилишича, Алиев Мирзиёевга қўнғироқ қилган.
Ўзбекистон Озарбайжон ва Арманистон ўртасидаги тинчлик музокараларида муҳим натижага эришилганини олқишлайди, дея хабар қилди Ўзбекистон Ташқи ишлар вазирлиги.«Куни кеча Вашингтонда тарихий Қўшма декларациянинг имзоланишига Озарбайжон ва Арманистон етакчиларининг кучли сиёсий иродаси ва қатъияти, шунингдек, Америка Қўшма Штатлари президентининг фаол тинчликпарвар саъй-ҳаракатлари туфайли эришилди, деб ҳисоблаймиз», — дейилади вазирлик баёнотида.
Президент Шавкат Мирзиёев 8 август куни Тошкент энергетика тизими барқарорлигини ошириш чора-тадбирлари тақдимоти билан танишди.Ўтган йилнинг ўзида пойтахтда 12 мингта янги объект, жумладан, савдо ва хизмат кўрсатиш мажмуалари фойдаланишга топширилди.
«Миллий тикланиш» демократик партияси раҳбари Алишер Қодиров аёлларни паспортга рўмолини ечиб тушишга мажбурлашни тўхтатишга чақирди.Унинг қайд этишича, Ўзбекистоннинг дунёвий давлат экани тортишиладиган мавзу эмас.
2025 йил бошидан буён 23 нафар Ўзбекистон фуқароси Эстониядан чиқариб юборилган. Бу ҳақда Эстония полиция ва чегарани қўриқлаш департаменти маълумотлари гувоҳлик бермоқда.
Самарқанд вилоят ҳокимлигида 5 август куни бўлиб ўтган йиғилишда вилоят ҳокимлиги тузилмасида тайинловлар амалга оширилди, деб хабар берди ҳокимлик матбуот хизмати.Хусусан, бир йил давомида Самарқанд вилояти Нарпай тумани ҳокими вазифасида фаолият кўрсатган Шербек Бўронов Самарқанд вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — Иқтисодиёт ва молия бош бошқармаси бошлиғи лавозимига тайинланди.
БМТнинг Денгизга чиқиш имкони бўлмаган ривожланаётган мамлакатлар бўйича конференцияси доирасида 5 август куни давлат раҳбарлари Тожикистоннинг Аваза шаҳрида Марказий Осиё мамлакатлари ва Озарбайжон миллий кунларига бағишланган тадбирларда иштирок этди.Ўзбекистон президенти матбуот хизмати хабарига кўра, миллий кунлар минтақа халқларининг бой маданий меросини, мустаҳкамланаётган қўшничилик алоқаларини ва кенгайиб бораётган маданий-гуманитар ҳамкорлигини намойиш этиш мақсадида уюштирилди.
БМТнинг денгизга чиқиш имконияти бўлмаган ривожланаётган мамлакатлар бўйича конференцияси доирасида Шавкат Мирзиёевнинг БМТ бош котиби Антониу Гутерриш билан учрашуви бўлиб ўтди, дея хабар бермоқда президент матбуот хизмати.Учрашувда томонлар глобал ва минтақавий тараққиётнинг долзарб масалалари, хусусан, БМТ бош ассамблеясининг бўлажак 80-юбилей сессиясини ўтказиш масалаларини кўриб чиқди.
Самарқанд вилоятининг қатор ҳудудларига янги ҳокимлар тайинланди, дея хабар бермоқда вилоят ҳокимлиги матбуот хизмати.Тойлоқ тумани ҳокими этиб Бехзод Рахматуллаевич Рахматуллаев тайинланди.
Ўзбекистон президенти Шавкат Мирзиёев 5 август куни Туркманбоши шаҳридаги «Аваза» миллий туризм ҳудудида ўтаётган БМТнинг Денгизга чиқиш имкони бўлмаган ривожланаётган мамлакатлар бўйича учинчи конференциясида иштирок этиб, нутқ сўзлади.Туркманистон президенти Сердар Бердимуҳамедов раислигида ўтган тадбирда БМТ бош котиби Антониу Гутерриш, Қозоғистон президенти Қасим-Жомарт Тоқаев, Тожикистон президенти Эмомали Раҳмон, шунингдек, бошқа қатор давлат ва ҳукуматлар, халқаро ва минтақавий ташкилотлар раҳбарлари ҳам иштирок этди.
Бирлашган Миллатлар Ташкилотининг Денгизга чиқиш имкони бўлмаган ривожланаётган мамлакатлар бўйича учинчи конференцияси доирасида президенти Шавкат Мирзиёевга Туркманистоннинг «Ҳамкорликни ривожлантиришга қўшган ҳиссаси учун» ордени билан тақдирланди. Бу ҳақда Президент матбуот хизмати хабар қилди.
Ўзбекистон президенти Шавкат Мирзиёев душанба куни БМТнинг денгизга чиқиш имконияти бўлмаган ривожланаётган мамлакатлар бўйича учинчи конференциясида иштирок этиш учун Туркманистонга келди.География тўсиқ сифатидаКонференция атрофида қурилган муаммо янги эмас: Европа (2), Африка (16), Жанубий Америка (2) ва Осиё (12) даги 32 та давлат БМТ томонидан расман landlocked developing countries (LLDC) — денгизга чиқиш йўлига эга бўлмаган ривожланаётган давлатлар деб таърифланган ҳолатда.
Ўзбекистон президенти Шавкат Мирзиёев 4 август куни Туркманбоши шаҳрида туркман халқининг миллий етакчиси, Туркманистон Халқ маслаҳати раиси Гурбангули Бердимуҳамедов билан учрашув ўтказди.Давлат раҳбари матбуот хизматининг хабар беришича, томонлар апрель ойида Самарқанд шаҳрида ўтган учрашувда эришилган келишувларни амалга ошириш доирасида Ўзбекистон-Туркманистон яхши қўшничилик ва стратегик шериклик муносабатларини янада мустаҳкамлашнинг долзарб масалаларини кўриб чиқди.
Шавкат Мирзиёев 4 август куни Туркманистон президенти Сердар Бердимуҳамедовнинг таклифига биноан амалий ташриф билан ушбу мамлакатга келди, деб хабар берди президент матбуот хизмати.Туркманбоши шаҳри аэропортида Ўзбекистон раҳбарини туркман халқининг миллий етакчиси, Халқ маслаҳати раиси Гурбангули Бердимуҳамедов кутиб олди.
Шавкат Мирзиёев Туркманистон президенти Сердар Бердимуҳамедовнинг таклифига биноан БМТнинг Денгизга чиқиш имкони бўлмаган ривожланаётган мамлакатлар бўйича учинчи конференцияси тадбирларида иштирок этиш учун 4−5 август кунлари амалий ташриф билан ушбу мамлакатда бўлади.Президент матбуот хизмати хабарига кўра, «Аваза» миллий сайёҳлик зонасида бўлиб ўтадиган тадбирда БМТ бош котиби Антониу Гутерриш, хорижий давлатлар ва ҳукуматлар, халқаро ва минтақавий ташкилотлар раҳбарлари иштирок этади.
Шавкат Мирзиёев Пекин шаҳри ва Хэбэй музофотида рўй берган кучли сув тошқинлари оқибатида кўплаб инсонлар қурбон бўлгани, жароҳат олгани ва катта талафотлар етказилгани муносабати билан Хитой раиси Си Цзиньпинга ҳамдардлик билдирди.«Давлатимиз раҳбари вафот этганларнинг оила аъзолари ва яқинларига таскин-тасалли сўзларини йўллаб, жароҳатланганлар тез фурсатда шифо топишини тилади», — дейилади президент матбуот котиби Шерзод Асадов хабарида.
Президент фармонига асосан адлия катта маслаҳатчиси Жаҳонгир Ҳатамов бош прокурор ўринбосари — Иқтисодий жиноятларга қарши курашиш департаменти бошлиғи лавозимига тайинланди. Бу ҳақда Бош прокуратура матбуот хизмати хабар берди.
Қорақалпоғистон Жўқорғи Кенгесининг қарорига асосан Шохрух Азаматович Аминов Қорақалпоғистон прокурори лавозимига тайинланди, дея хабар бермоқда Кенгес матбуот хизмати.Шохрух Аминов 1981 йилда туғилган, 2002 йилда Самарқанд давлат университетини тамомлаган.
Ўзбекистон президенти Шавкат Мирзиёев 30 июль куни парламентдаги мухолифатнинг ҳуқуқларини кенгайтирадиган қонунни имзолади. Ҳужжат Қонунчилик палатаси томонидан 13 май куни қабул қилиниб, Сенат томонидан 25 июнда маъқулланган эди.
Президенти администрациясининг фармойиши билан давлат раҳбари маъмуриятида тайинловлар амалга ошди. Бу ҳақда президент матбуот хизмати хабар берди.
Президент Шавкат Мирзиёев 31 июль куни қишлоқ хўжалигида рақамлаштириш ва космик маълумотлардан фойдаланиш масалаларига бағишланган йиғилиш ўтказди.Давлат раҳбари матбуот хизматининг хабар қилишича, «Ўзбеккосмос» агентлиги ва аэрокосмик технологиялар ёрдамида қишлоқ ва сув хўжалигидаги ишларнинг ҳақиқий ҳолати ва мавжуд муаммоларни холисона аниқлаш имкони пайдо бўлмоқда.
Президент фармони билан Эъзозхон Гапиржановна Каримова мактабгача ва мактаб таълими вазири лавозимига тасдиқланди, дея хабар бермоқда давлат раҳбари матбуот котиби.Эъзозхон Камирова номзодини Қонунчилик палатаси депутатлари ҳам маъқуллади.
Ўзбекистон президентининг тегишли фармонлари билан Президент администрациясида турли тайинловлар амалга оширилди, деб хабар берди давлат раҳбари матбуот котиби Шерзод Асадов.Кўплаб юқори лавозимли ходимлар ўз лавозимларини сақлаб қолди, аммо ПАнинг янгиланган ташкилий тузилмасига мувофиқ тузилмалар ва лавозимларнинг номлари ўзгартирилди.
Полковник Абдувосит Абдулхаевич Абдуразаков Тошкент вилояти ИИББ бошлиғи лавозимига тайинланди, дея хабар бермоқда бошқарма матбуот хизмати.2022 йилнинг мартидан тайинловга қадар Абдувосит Абдуразаков Тошкент шаҳри ИИББ бошлиғи ўринбосари, Тергов бошқармаси бошлиғи лавозимида фаолият юритган.
Ўзбекистон президенти Шавкат Мирзиёев рақамлаштиришни коррупцияга қарши курашда энг самарали восита деб атади. Бу ҳақда у 29 июль куни маиший коррупцияга қарши курашиш ва унинг олдини олиш чора-тадбирлари бўйича тақдимотда айтиб ўтди.
Президент, Қуролли кучлар олий бош қўмондони Шавкат Мирзиёев ҳарбий таълим тизимини ислоҳ қилиш бўйича таклифлар билан танишди, деб хабар қилди давлат раҳбари матбуот хизмати.Тақдимот 21 февраль куни Хавфсизлик кенгаши йиғилишида берилган топшириқ ижроси доирасида бўлиб ўтди.
Ўзбекистон Олий Мажлиси Қонунчилик палатасининг 29 июль куни бўлиб ўтган мажлисида маҳаллий давлат ҳокимияти органлари зиммасига юклатилган вазифалар ва функцияларни маҳаллий давлат ҳокимияти вакиллик органлари ва ижро этувчи ҳокимият органларига тегишлилиги бўйича қайта кўриб чиқишни назарда тутувчи қонун лойиҳаси биринчи ўқишда концептуал жиҳатдан кўриб чиқилди ва қабул қилинди.Адлия вазирининг ўринбосари Шерзод Рабиев ҳисобот билан чиқиш қилди.
25 июль куни «Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида»ги президент фармони [ПФ-117-сон] қабул қилинди. Бу ҳақда Адлия вазирлиги хабар қилди.
Президент фармони билан Талъат Шухратович Валиев президент ҳузуридаги Хавфсизлик кенгаши котибининг жамоат хавфсизлиги масалалари бўйича ўринбосари лавозимидан озод этилди. Бу ҳақда давлат раҳбари матбуот котиби Шерзод Асадов хабар берди.