19 декабрь куни бўлиб ўтган ялпи мажлисда Ўзбекистон Олий Мажлиси Сенати раиси Танзила Нарбаева бандлик ва камбағалликни қисқартириш вазирининг биринчи ўринбосари Марат Жўраевдан Халқаро меҳнат ташкилотининг (ХМТ) 190-сонли конвенциясини ратификация қилиш режалари ҳақида сўради.2019 йилда қабул қилинган ушбу конвенция меҳнат соҳасидаги зўравонлик ва таъқибни бартараф этишга бағишланган.
Ўзбекистон президентининг тегишли қарорлари билан Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси раиси ўзгарди.Давлат раҳбари матбуот котибининг ёзишича, Туризм қўмитаси раиси Умид Шадиев бошқа ишга ўтиши муносабати билан лавозимидан озод этилган.
Олий Мажлис Қонунчилик палатаси декабрь ойи бошида 2025 йилга мўлжалланган давлат бюджети тўғрисидаги қонунга давлат харажатларини сезиларли даражада оширишни назарда тутувчи тузатишларни маъқуллагани ҳақида Gazeta хабар топди. Тузатишлар кўриб чиқилгани ва қабул қилингани ҳақидаги маълумотлар парламент қуйи палатасининг расмий манбаларида эълон қилинмаган, ушбу масала юзасидан мажлислар трансляцияси ҳам бўлмаган.
20 декабрь куни Токиода давлат раҳбарларининг «Марказий Осиё + Япония» форматидаги саммити бўлиб ўтди. Gazeta экспертлардан саммит якунларини изоҳлашини, минтақа ва Япония ўртасидаги муносабатларни қайси йўналишларда ривожлантириш кераклиги ҳақида фикр билдиришни сўради.
Ўзбекистон Олий Мажлиси Сенати 19 декабрь куни бўлиб ўтган мажлисида Уй-жой кодексининг янги таҳририни кўриб чиқди ва рад этди, деб хабар берди юқори палата матбуот хизмати.Сенатнинг Суд-ҳуқуқ масалалари ва коррупцияга қарши курашиш қўмитаси раиси Абдулҳаким Эшмуратов уй-жой муносабатларини ҳуқуқий тартибга солиш соҳасида уй-жойга хусусий мулк ҳуқуқини тан олишга, шунингдек, ижтимоий ҳимояга муҳтож ва кам таъминланган гуруҳларнинг уй-жой ҳуқуқларини таъминлашга қаратилган янгиликлар жорий этилганини таъкидлади.
23 декабрь куни Ўзбекистон ва АҚШ президентлари Шавкат Мирзиёев ва Дональд Трампнинг телефон орқали мулоқоти бўлиб ўтди.Ўзбекистон раҳбари суҳбат аввалида ҳамкасбини яқинлашиб келаётган янги йил байрами билан табриклаб, «дўст Америка халқига тинчлик-осойишталик, фаровонлик ва равнақ тилади».
Давлат меҳнат инспекцияси томонидан 2025 йил давомида 13 минг нафар ходим фойдасига 159 млрд сўмлик иш ҳақи ундирилиши таъминланди. Бу ҳақда 19 декабрь куни Ўзбекистон Олий Мажлиси Сенатининг ялпи мажлисида Камбағалликни қисқартириш ва бандлик вазирининг биринчи ўринбосари Марат Жўраев маълум қилди.
Ўзбекистон президенти Шавкат Мирзиёев 22 декабрь куни Санкт Петербургдаги Эрмитаж давлат музейида МДҲ давлат раҳбарларининг норасмий учрашувида иштирок этди, деб хабар берди президент матбуот хизмати.Тадбирда президентлар — Россиядан Владимир Путин, Беларусдан Александр Лукашенко, Қозоғистондан Қосим-Жомарт Тоқаев, Қирғизистондан Садир Жапаров, Тожикистондан Эмомали Раҳмон, Туркманистондан Сердар Бердимуҳамедов ҳамда Арманистон бош вазири Никол Пашинян иштирок этди.
Ўзбекистон Евроосиё иқтисодий иттифоқи (EОИИ) билан амалий ҳамкорликни янада кенгайтириш тарафдори. Бу ҳақда Ўзбекистон президенти Шавкат Мирзиёев Олий Евроосиё иқтисодий кенгаши йиғилишидаги нутқида айтиб ўтди.
Ўзбекистон ва Япония «келгуси авлодлар учун кенгайтирилган стратегик шериклик»ни ўрнатишга келишиб олди. Бу ҳақда Ўзбекистон президенти Шавкат Мирзиёев ва Япония бош вазири Санаэ Такаичининг шанба куни Токиода бўлиб ўтган музокаралар якунлари бўйича қўшма баёнотида айтилади.
Япониянинг қадимий пойтахти — тарихий Нара шаҳрининг янги боғларидан бири Самарқанд номи билан аталади. Бу ҳақда Нара мэри Гэн Накагава шанба куни Токиода Ўзбекистон президенти Шавкат Мирзиёев билан учрашувда маълум қилди.
Шавкат Мирзиёевнинг Японияга расмий ташрифи якунига етди ва у Санкт Петербургга йўл олди, деб ёзмоқда Ўзбекистон президенти матбуот хизмати.Давлат раҳбари Россияда Евроосиё Олий иқтисодий кенгашининг бўлажак йиғилиши ва Мустақил Давлатлар Ҳамдўстлиги етакчиларининг норасмий саммитида иштирок этади.
Ўзбекистон ва Япония таълим ва фан бўйича қўшма комиссия ҳамда инновациялар бўйича консорциум тузиш ниятида. Бу ҳақда президент Шавкат Мирзиёевнинг Япония таълим, маданият, спорт, фан ва технологиялар вазири Мацумото Ёхэй, Япония фанни илгари суриш жамияти президенти Сугино Цуёси ва Япониянинг етакчи олий таълим муассасалари раҳбарлари билан шанба куни Токиода бўлиб ўтган учрашувида сўз борди.
Ўзбекистон ва Марказий Осиёнинг бошқа давлатлари Япониянинг минтақада кенгайишидан ва янада фаол иштирок этишидан манфаатдор ва улар таклиф қиладиган нарсалар кўп. Бу ҳақда шанба куни Токиода бўлиб ўтган «Марказий Осиё + Япония» биринчи саммитида президент Шавкат Мирзиёев маълум қилди.
Президент Шавкат Мирзиёев Ўзбекистон Конституциявий суди фаолиятини такомиллаштириш ва замонавий рақамли технологияларни жорий этиш чора-тадбирлари тўғрисидаги фармонни имзолади.Президент матбуот котиби Шерзод Асадовнинг маълум қилишича, мазкур ҳужжат Конституциявий суд фаолиятини сифат жиҳатидан янги босқичга олиб чиқиш, фуқароларнинг конституциявий одил судловга эришиш имкониятларини кенгайтириш ҳамда суд ишларини юритишда шаффофлик ва самарадорликни оширишга қаратилган.
Олимжон Хамитович Исмаилов беш йил муддатга Тошкент шаҳри суди раиси этиб тайинланди, деб хабар берди Олий суд кенгаши матбуот хизмати.Олимжон Исмоилов 2024 йил сентябрь ойидан бери Олий суд раиси ўринбосари ва Фуқаролик ишлари бўйича суд ҳайъати раиси лавозимларида ишлаган.
Ўзбекистон президенти Шавкат Мирзиёев пайшанба куни Японияга расмий ташрифини бошлади. Токиога етиб бориши биланоқ, у мамлакатда ишлаётган ва таҳсил олаётган бир гуруҳ ватандошлар билан учрашди.
2021−2025 йилларда Ўзбекистонда техник нормативларни янгилаш ва халқаро стандартларга уйғунлаштириш бўйича кенг кўламли ишларни амалга оширилди. Бу ҳақда қурилиш ва уй-жой коммунал хўжалиги вазири Шерзод Ҳидоятов 10 декабрь куни Олий Мажлис Қонунчилик палатасида маълум қилди.
Аброрхўжа Рустамхўжа ўғли Саидалиев Тошкент шаҳри Юнусобод тумани ҳокими этиб тасдиқланди. Бу ҳақда Тошкент шаҳри ҳокимлиги матбуот хизмати хабар берди.
Ўзбекистон Ташқи ишлар вазирлиги Еврокомиссиянинг Ички ишлар ва миграция бош бошқармаси мутахассислари билан маслаҳатлашувларнинг биринчи босқичини ўтказди, деб хабар берди «Дунё» АА.Тадбир давомида меҳнат фаолиятини амалга ошириш, ўқиш учун келаётган Ўзбекистон фуқаролари, юк машиналари ҳайдовчилари, туристик гуруҳлар учун виза тартиб-таомилларини соддалаштириш имкониятлари муҳокама қилинди.
Даврон Раҳимжонович Исматов Тошкент шаҳри Сергели тумани ҳокими этиб тасдиқланди, деб хабар берди шаҳар ҳокимлиги матбуот хизмати .Исматов 1982 йилда Тошкент шаҳрида туғилган.
Ўзбекистон президенти Шавкат Мирзиёев Япония бош вазири Санаэ Такаичининг таклифига биноан 18−20 декабрь кунлари расмий ташриф билан Японияда бўлади, деб хабар берди президент матбуот хизмати.Токиода Япония императори Нарухито, бош вазир Санаэ Такаичи, парламент раҳбарияти, ҳукумат амалдорлари, сиёсий партиялар вакиллари ва етакчи Япония университетлари ректорлари билан учрашувлар ва музокаралар режалаштирилган.
Абдуғани Абдурахмонович Сангинов «Ўзбекнефтгаз» акциядорлик жамияти бошқарув раиси этиб тайинланди. Бу ҳақдаги маълумотни Gazeta`га у раҳбарлик қилиб келган «Ўзбекгидроэнерго» компанияси тасдиқлади.
«Марказий Осиё — Япония» — бу Марказий Осиёнинг беш давлати (Ўзбекистон, Қозоғистон, Қирғизистон, Тожикистон, Туркманистон) ва Япония ўртасидаги кўп томонлама мулоқот форматидир. Унинг асосий мақсади — ўзаро ҳамкорлик ва минтақавий муаммоларни муҳокама қилиш учун барқарор майдон яратиш.
Шавкат Мирзиёев 16 декабрь куни Ўзбекистон Ҳуқуқни муҳофаза қилиш академиясининг янги биноси ҳамда ўқув ва илмий фаолиятини кўздан кечирди, деб хабар берди президент матбуот хизмати.Академия 2022 йилда Бош прокуратура академияси негизида ташкил этилган.
Ҳозирда Тошкентга 75 та мактаб ва болалар боғчаси, шунингдек, 23 та спорт иншооти керак. Бу ҳақда президент Шавкат Мирзиёев 16 декабрь куни пойтахтни ривожлантириш бўйича йиғилишда айтиб ўтди.
Шавкат Мирзиёев Тошкентнинг Юнусобод туманидаги Yunusabad Gallery савдо ва бизнес марказига ташриф буюрди, деб хабар берди президент матбуот хизмати.2,5 гектар майдонни эгаллаган мажмуа 53 минг квадрат метрдан ортиқ чакана савдо ва тижорат майдонларини ўз ичига олади.
Тошкентнинг доимий аҳолиси йилига ўртача 100 минг кишига кўпайиб бормоқда ва 2030 йилга келиб 3,5 миллиондан ошиши кутилмоқда. Бу ҳақда президент Шавкат Мирзиёев билан пойтахтни ривожлантириш бўйича 16 декабрь куни бўлиб ўтган учрашувда муҳокама қилинди, деб хабар берди унинг матбуот котиби Шерзод Асадов.
Ўзбекистон Тошкент бошқарувига ёндашувини қайта кўриб чиқиш ва пойтахт мақоми тўғрисидаги қонунни қабул қилиш ниятида. Бу ҳақда президент Шавкат Мирзиёев 16 декабрь куни пойтахтни ривожлантиришга бағишланган йиғилишда маълум қилди.
Президент фармони билан Султонов Алишер Саидаббасович энергетика хавфсизлиги бўйича вакил лавозимидан озод этилди. Бу ҳақда давлат раҳбари матбуот котиби Шерзод Асадов маълум қилди.